20 Shkurt 2020

Reçaku

Shkruar nga Albert Ramdani

Reçaku si fshat është fshat i njohur më shekuj më parë, emri i fshatit Reçak ishte i bërë njohur edhe në ish regjimet e Serbisë së I-rë II-të të Aleksandrave e të Karagjorgjeve e të Drazhë Mihajlave të Titos komuniste, e të stërnipit të Karagjorgjeve, Aleksander Rankoviqit e deri të shqelmat e fundit të kasapit të Ballkanit, Sllobodan Millosheviqit.

Reçaku u dallua si fshat përparimtar por u bë halë dhe pengesë e regjimeve të Serbisë së krajlit në kohet e krajlave dhe çetnikeve. Reçaku në atë kohë u njohë dhe nga rezistenca të cilën e bënte trimi dhe kaçaku i kësaj anë të Shtimës.

Patrioti nga Reçaku i cili ishte bashkëluftëtar i çetave të Azem Bejtës.

Një nga trimat e kësaj ane e pikërisht nga fshati Reçak ishte Qorr Ilazi i cili në atë kohë i shkaktonte dëme të mëdha Serbisë së krajlit.

Qorr Ilazi ishte një luftëtar aktiv i çetës së Azem e Shote Galicës. Në atë periudhë, kjo çetë, e cila më vonë ishte bërë si “Nëna e çetave kaçake të Kosovës”,  ku i zhvillonte aksionet aktive  luftarake duke i’u shkaktuar në atë kohë tmerr xhandarëve e postave serbe.

Reçaku është ndoshta dhimbja më e madhe për familjaret për rrethin dhe për Kosovën, por është edhe krenaria më e madhe e gjithë shqiptarisë.

Ngjarja e fundit e cila ndodhi në fshatin Reçak e cila ndodhi në mëngjesin e hershëm e të ftohtë të janarit të vitit 1999.

Me 15 janar të këtij viti po bëhen plot 21 vite nga ngjarja e kobshme që e patë tronditur mbarë njerëzimin e rruzullit tokësor ku atë ditë ishin vrarë e masakruar 45 civil ishte vërtet një ditë dhe muaj i zymtë siç është acari i janarit ishte stuhia e veriut e cila e bëri këtë makabër mbi popullatën e pa mbrojtur dhe të cilët ishin ne pragun e shtëpive dhe tokave stërgjyshore.

Reçaku i shkruar dhe i kënduar nga koha e Qorr Ilazit e vazhduar edhe në kohën e komunizmit ne kohen e Rankoviqit në aksionet famëkeqe të armëve ku shumë shqiptar janë vrarë në viset e Kosovës ,gjatë kësaj kohe të Rankoviqi të viti 1956-1966, dhe ne vitet dhe në kohen e demonstratave të vitit 1981,demostratat e vitit 1989,përballje edhe 1990 e deri në qershor të 1999. Me 15 janar 99 regjimi i Millosheviqit me vrasësit e ti të prirë nga ish zv-kryeministri dhe ministri i policisë dhe torturës i emëruar enkas për zhdukjen, vrasjen dhe dëbimin e popullit shqiptar të Kosovës. Krimineli, Nikolla Shahinoviq dhe ky i fundit me urdhër të kasapit të Ballkanit, S.Millosheviqit kishte marrë hov që të vjell vrerët të zezë mbi banoret e fshatit Reçak.

Masakra e Reçakut ndodhi para para misionareve te OSBE-së,në krye të misionit ishte Ambasadori W.Vokeri, ky i fundit me bashkëpunëtor e njoftoi botën se me sy e kishte dokumentuar një masakër të përmasave çnjerëzorë ku e titulloi “Krim kundër njerëzimit.”

Masakra e Reçakut mbet një pikëllim dhe një ngjarje tepër e rëndë në historinë e njerëzimit.

Ti kujtojmë të gjitha masakrat që i ka bërë makineria e Serbisë, masakrën e Qirezit, Celinës, Sllovisë, Kotlinës, Mejës… dhe të gjitha masakrat deri tek masakra e Reçakut ku bota e civilizuar e pa me sy të vetë.

Ti kujtojmë të gjithë UÇK-së, të gjithë të rënit për altarin e lirisë nga Koha e Serbisë së Aleksadrave, Karagjorgjave, Drazh, Mihajlave,Titos,Rankoviqit e deri te shqelmat e fundit të Serbisë se 1999 e cila iku poshtëruar dhe e dëbuar nga djemtë e vajzat, gra e burra të Kosovës me ndihmën e Aleateve Perëndimor.
...

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)