12 Dhjetor 2018

Prononcimet e kryetarit

Shrkuar nga Gani Qarri

Është apo nuk është kusht Demarkacioni?! E nëse ishte vetëm kurth, pse bëhet kaq shumë zhurmë për të?

Në prononcimet më të reja për gazetën "Der Standard", Hashim Thaqi, përkundër faktit se në kohën kur ishte kryeministër vet caktoi komisionin dhe më vonë si ministër i jashtëm i vendit pranoi personalisht vizatimin karikaturesk të komisionit të kaluar, e nënshkroi dhe vlerësoi atë, pa asnjë diskutim publik as ratifikim në parlament, edhe si marrëveshje kufitare me Malin e Zi,kurse tani deklaron se Demarkacioni me këtë shtet fqinj, nuk ishte kusht por kurth për Kosovën.

Kurth i cili edhe po u ratifikua në Kuvend, nuk është e sigurt se do të sjellë liberalizimi i vizave për shqiptarët, ngase Komisioni Evropian, as nuk e ka në fokus Kosovën, shtoi Thaqi. 

Pra Demarkacioni ishte një kurth, në të cilin për fat të mirë ra ai vet në të, e jo të tjerët, atë e mashtruan shokët e tij dhe kryetari i komisionit Murat Meha, por nuk u mashtruan edhe shumica e deputetëve të Kuvendit të Kosovës, të cilët nuk e pranuan që nga fillimi si të tillë.

Përndryshe demarkimin e kufirit me shtetin malazez ,në pikat e vjetra si Kullë e Çakorr do ta votonin të gjithë deputetët,por marrëveshja aktuale u përfol gjatë gjithë kohës, cilësua si jo profesioniste e dyshimtë dhe jo-transparente ndaj dhe nuk u votua as miratua nga Kuvend asnjëherë.

Madje, përkundër insistimeve të pareshtura edhe të Isa Mustafës për afro dy vjet me radhë, as ai kurrë nuk arriti ta sigurojë shumicën e votave, as të ketë dy të tretat e deputetëve, ngase numri më i madh i përfaqësuesve të popullit pa marrë parasysh partitë politike prej të cilave vinin, e hodhën poshtë me këmbëngulje formën e demarkimit nga Murat Meha.

Falja e mijëra hektarëve tokë dhe bërja e Malit të Zi hisedar edhe në burimet kryesore dhe më të mëdha të ujit në Rrafsh të Dukagjinit, ishte veprimi më i çuditshëm i Murat Mehës me shokë, dhurata më e madhe dhe shërbimi më i mrekullueshëm i këtij shekulli për malazezët, ndërsa më i dhembshmi dhe më i paprituri për shqiptarët, i cili do të mbahet mend gjatë nga të dy palët, por me përjetime të kundërta dhe ndjesi plotësisht të ndryshme. 

Ishte një e arritur strategjike dhe e menduar mirë nga malazezët të cilën mbetet mister se me çfarë kushtesh dhe sa para e premtime marramendëse e arritën.

Me këtë formë demarkimi, ata mund të ngulfatin që në nisje, kushtëzojnë me etje dhe bllokojnë shumë kilometra në brendësi të territorit të Kosovës, çdo kërkesë eventuale të shqiptarëve, duke mos lejuar ato të arrijnë as deri maje bjeshke, se lëre më të dalin edhe në anën e përtejme dhe dëgjohen deri në kryeqytetin malazez, për të drejtat e bashkëkombësve dhe tokave të tyre, të mbetura edhe më herët, pa të drejtë nën Mal të Zi. 

Shënjimi i kufirit me Malin e Zi ,natyrisht që është një çështje me rëndësi edhe për vendin tonë, por assesi nuk është demarkimi i fundit as problemi më i madh që kemi ne si popull dhe Kosova si shtet. 

Problemin kryesor Kosova e ka përpara dhe ai është Demarkacioni me Serbinë, i cili konsiderohet si procesi më i rëndë dhe më i vështiri, për tu quar deri në fund me sukses nga shqiptarët.

E po qese vërtetë KE-(Këshilli i Evropës), sot zë shkak në Demarkacionin me Malin e Zi për mos-liberalizimin e vizave, ky nuk është më vetëm kusht por një kurth i madh dhe i pa drejtë i cili nuk e nderon as vetë BE-n.

Nuk i nderon as ata, sepse sa i takon plotësimit të kushteve nga shteti i Kosovës për liberalizim të Vizave, përgjegjësi madje bukur të madhe mbanë edhe vet BE, e cila që nga paslufta, gjatë gjithë kohës ishte e pranishme në Kosovë me dy misionet e saj, si UNMIK-u dhe EULEX-i, por as njëra as tjetra nuk shkëlqyen fort as dhanë shembuj shumë pozitiv, përveç ndonjë aksioni spektakolar, që pas pak kohe përfundonte ashtu siç kishte filluar dhe pa asnjë sukses të theksuar në vënien e rendit dhe ligjit në vend.

Qeveritë dhe udhëheqësit vijnë e shkojnë por toka e Kosovës është dhe duhet të mbetet e saj dhe si e tillë, jo vetëm se nuk guxon nga askush të tjetërsohet por është obligim kushtetues që të ruhet e mbrohet me dinjitet nga populli dhe përfaqësuesit e vet.

Kurse fenomeni i pengesave të KE-s,ndaj Kosovës, duhet të jetë brengë e madhe për shqiptarët, sepse nëse sot KE, bllokon liberalizimin e vizave për shkak të Demarkacionit me Malin e Zi, nesër do ta bllokojë edhe hyrjen e Kosovës në BE, shkaku i demarkimit me shtetin serb, po qese vendi ynë nuk mund të pranojë kushtet e rënda të Serbisë për demarkim, e cila për të siguruar gllabërimin e Veriut të Kosovës, do të kërkojë të shtrihet deri në Prizren e Shtërpcë marrë gorën dhe arrij deri në kufijtë e Shqipërisë , siç përpiqet tash e sa kohë me arrogancë të paparë, para syve të BE, të pengojë edhe privatizimin e Brezovicës, duke e quajtur edhe atë si pjesë të saj. 

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Fondi për të Drejtën Humanitare Kosovë në kuadër të projektit "Mbështetja në procedimin e krimeve  të luftës të kryera gjatë luftës në ish-Jugosllavi" me partnerët Dokumenta nga Zagrebi dhe Fondi për të Drejtën Humanitare nga Beogradi organizon konferencën më temë 'Mbështetja  në procedimin e krimeve të kryera në luftëra të ish-Jugosllavisë'. (Hotel Sirius, ora 10:00)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)