17 Tetor 2017

Politika e sotme po e humbet të nesërmen

Shkruar nga Bahri Bivolaku

Deputetët e Partisë Vetvendosje ishin kundër krijimit të Gjykatës Speciale, gjersa vazhdojnë me akuza për krime drejtuar kundërshtarëve politik, veçanërisht drejtuesve të luftës së UÇK-së.

Në këtë fushë po i bashkohen institucioneve të sigurisë së shtetit të Serbisë për të hartuar sa më shumë libra të bardhë. Vërtetë kjo e bënë hipokrizinë politike të një subjekti politik.

Ta quash dikë kriminel, ose duhet pasur fakte të mëdha, ose guxim të tepruar dhe kjo gjithsesi duhet të argumentohet, ndryshe akuzuesi (Dardan Molliqaj e më herët Visar Imeri) duhet të përfundojë në burg për shpifje, lëndim të reputacionit për të akuzuarin dhe familjen.

 Zoti Imeri e Molliqaj, a e dini se me deklaratat e tilla po lëndoni së pari familjen e zotit Veseli, fëmijët e tij dhe qindra mijëra anëtarë e simpatizantë të një partie që mendojnë ndryshe nga ju?

A e dini se reaksioni karshi deklaratave të tilla të papërgjegjshme mund t‘ju vie, apo këtë edhe e kërkoni për të fituar peshë politike?

Zotërinjë, fjalori juaj publik shkon përtej politikës, apo ndoshta do të thoni qëllimi arsyeton mjetet. Duhet ta keni të qartë se gjuha e tillë që nuk ndëshkohet në mëngjes, ndëshkohet në mbrëmje.

Mos bëni argatin e djallit në këtë lojë. Përpiquni të bëheni të vlefshëm për vendin në vend se të jeni të dobishëm për një kauzë partiake.

Nuk e kuptoj gatishmërinë e drejtuesve të LDK-së për të hyrë në koalicion qeverisës me partinë Vetvendosje, kur qartë shihet se koncept bazë kanë veprimin politik në përmbysjen e shtetit të Kosovës si projekt ndërkombëtar, për ta bërë sipas një projekti vendor (Këtë konstatim e gjeni në fjalën e D.Molliqajt në Këshillin e Përgjithshëm të Vetvendosjes). 

Poshtërsia ka njollosur metodat, e metodat dallojnë demokracinë nga anarkia. Filozofia rugoviane vërtetë tregon të kundërtën e kësaj gatishmërie të LDK-së.

Të angazhohet për eksperimentimin me fatin e Kosovës në kohën kur rajoni po ndryshon duke filluar me Serbinë, është tejet joproduktive e mbase edhe mund të jetë rrugë njëkahore që dikush mendon të hyjë. Politika e tillë po humbet të nesërmen.

Të gjithë jemi fitimtarë karshi gjendjes se ku ishim

Uilliam Xhejms, mendimtar i madh nga SHBA-ja në një fjalim të tij pat thënë: “Zbulimi më i madh i gjeneratës sime është se qeniet njerëzore mund ta ndryshojnë jetën e vet, nëse e ndryshojnë mënyrën e të menduarit”.

Fjalia përkthyer në politikbërjen në Kosovë konsideroj të ketë shumë domethënie, madje qëndrimi i tillë është esencial për të dalur nga ngërçi i futur i partive pas zgjedhjeve nacionale. Është koha që partitë të lirohen nga mendimet e vjetra e të shpenzuara, të cilat edhe e kanë lodhur qytetarin e vendit.

Është koha për të hapur derën mendimeve të freskëta, kreative, të cilat nxisin shpresën, besimin e dashurinë për të nxjerrë më të mirën për momentin dhe që i shërben Kosovës, zhvillimit dhe perspektivës së saj.

Ne në Kosovë të gjithë jemi fitimtar karshi gjendjes se ku ishim dhe në këtë gjendje duhet t’i hapim rrugën mendimit pozitiv që mos ta shohim vetëm të keqen e së tashmes, ta eliminojmë defetizmin dhe mbyllim shtegun e urrejtjes ndaj njëri-tjetrit. Shpëtimi ynë është këtu dhe në mesin tonë.

Diçka në politikën e Kosovës duhet të ndodhë, është e nevojshme të ndodhë dhe ne duhet ta gjejmë duke e kërkuar atë, dhe gjetja më e mirë është ajo e dialogimit të vazhdueshëm nga të gjithë akterët në vend të barikadimeve.

Politika ka kuptimin më shumë se pushteti. Nuk kemi nevojë të themi vazhdimisht se gjërat e mira janë për të ardhmen. Sot kemi nevojë si kurrë më parë për të krijuar gjërat e vlershme për vendin tani e jo në të ardhmen.

Polaritetet mund të zhvillohen me pavarësinë e tyre, por në suazat e një kornize që i shërbejnë të mirës së shoqërisë së vendit e jo barikadimeve.

Barikadimi politik i krijuar për momentin krijon përshtypjen se në Kosovë mungon alternativa e zgjedhjes dhe se ka krizë të bashkëjetesës me mendimin tjetër, krizë idealesh të përkufizuara apo edhe krizë të etikës.

Një fjalë e urtë thotë: “Për dashurinë e trëndafilit duhet t’i durosh edhe gjembat e tij.” Andaj, për të kapërcyer gjendjen dhe dalur përtej vetës duhet t’i durojmë ca gjemba dhe thithur aromën e trëndafilit.

Reaksioni për momentin duhet lënë anash pasi nuk i duhen vendit, lëvizjet e tilla distancojnë dhe sjellin urrejtje e përçarje, humbje të pozicionit dhe rikthim prapa.

Duhet treguar kujdes e maturi që mos t’i hapim rrugë shkatërrimeve duke menduar se po rregullojmë diçka.

Kalendari

Ngjarjet e datës 17 Tetor 2017 - Shefja e Zyres së BE-së në Kosovë, Nataliya Apostolova takohet me përfaqësuesit e LDK-së. (Kuvendi i Kosovës, sall S3, 9:00)

- Mbahet mbledhja e Komisionit për Mbikëqyrjen e Financave Publike në të cilën do të mbahet diskutim për caktimin e shortit lidhur me Auditimin e Raporteve Vjetore Financiare dhe Raportet e Deklarimit Financiar të Fushatës, së subjekteve politike. (Ndërtesa e Kuvendit, salla N 303, ora 10:00)

- Ministri i Punëve të Brendshme, Flamur Sefaj para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me prioritetet dhe sfidat e ministrisë që udhëheq.  (Ndërtesa e Kuvendit, salla N 302, ora 10:00)

- Ministri i Infrastrukturës, Dr. Pal Lekaj, do të inspektojë rrugët Istogut. (Selia e Aleancës për Ardhmërinë e Kosovës në Istog, ora 10:00)

- Qendra për Zhvillim të Karrierës e Universitetit të Prishtinës “Hasan Prishtina“ në bashkëpunim me Smart Center, organizojnë ligjeratën me karakter informues me përfaqësuesin e ëhitman School of Management, Syracuse University, Neë York, Donald Harter. (Biblioteka Kombëtare e Kosoves, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën bëhët shqyrtimi i Projektplanit të Punës së Komisionit. (Ndërtesa e Kuvendit, salla S-I, ora 11:00)

- Ministri i Kulturës, Rinisë dhe Sportit, Kujtim Gashie raporton para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me programin legjislativ dhe prioritetet e Ministrisë së Kulturës. (Ndërtesa e Kuvendit, salla N204, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të bëhët propozimi i anëtarit në Komisionin Qeveritar për Njohjen e Statusit të ish të Dënuarve dhe ish të Përndjekurve Politikë, etj... (Ndërtesa e Kuvendit, salla N 302, ora 13:00)

- Mbledhje e Komisionit për Buxhet dhe Financa ku do të bëhët shqyrtimi në parim i Projektligjit për plotësimin dhe ndryshimin e Ligjit për Buxhetin e Republikës së Kosovës, për vitin 2017. (Ndërtesa e Kuvendit, salla C 203, ora 13:00)

- Zhvillohet seanca gjyqësore për çështjen e Radiotelevizionit të Prishtinës (RTP) kundër RTK-së dhe AKP-së. (Gjykata Themelore në Pallatin e Drejtësisë në Veternik, salla 209, ora 14:00)

- Shefja e Zyres së BE-së në Kosovë, Nataliya Apostolova takohet me përfaqësuesit e AAK-së. (Kuvendi i Kosovës, salla S1, ora 14:30)



Ngjarjet e fushatës zgjedhore



- Kandidati i Aleancës për Ardhmërië e Kosovës për Kryetar të Prishtinës, Arbër Vllahiu mban takim me qytetarët. (Hotel Grandi, ora 10:00)

- Kandidati i LDK-së për kryetar të Prishtinës, Arban Abrashi takohet me aktivisten e shoqërisë civile, Igballe Rugova. (Lagjja Tohane, afër Kolegjit Riinvest, ora 10:00)

- Kryetari i komunës së Prishtinës Shpend Ahmeti do ta vizitojë tregun me shumicë. (Tregu me shumicë, ora 11:00)

- Aleanca Kosova e Re mban konferencë për media në të cilën do të bej prezantimin e projekteve për Prishtinën. (Hotel Sëiss Diamond, ora 11:00)

- Kandidati i LDK-së për kryetar të Prishtinës, Arban Abrashi takohet me Shoqatën e Administratorëve të Banesave Publike. (Lagjja Arbëria, afër Meridianit, ora 11:00)

- Kandidati i LDK-së për kryetar të Prishtinës, Arban Abrashi  takohet me kryesinë e Federatës së Futbollit. (Lagjja Dardania, afër Termokosit, ora 12:00)

- Kryetari i komunës së Prishtinës Shpend Ahmeti do t'i takojë përfaësuesit e shoqatës së gastronomëce. (Objekti i Komunës, ora 13:00)

- Kandidati i Lëvizjes Vetëvendosje! për kryetar të Shtimes, Ruzhdi Jashari mban tubim elektoral në Shtime. (Shtëpia e Kulturës, ora 15:00)

- Lidhja Demokratike e Kosovës në Gjilan mban tubimin e madh qendror. (Palestra e sporteve “Bashkim Selishta-Petriti”, ora 16:00)

- Aleanca për Ardhmërinë e Kosovës mban tubime elektoral me qytetarë të Rahovecit. (Shtëpia e Kulturës “ Mensur Zyberaj” në Rahovec, ora 17:00)

- Kandidati i Lëvizjes Vetëvendosje! për kryetar të Ferizajit, Faton Topalli mban tubim elektoral në Ferizaj. (Sheshi i Qytetit "Hyrë Emini", ora 17:00)

- Kandidati i LDK-së për kryetar të Prishtinës, Arban Abrashi shpalosë programin për banorët e lagjes Lakrishtë. (Lagjja Lakrishte, parkingu afër Pro Credit Bank, ora 18:00)

- Partia Demokratike e Kosovws mban tubimin elektoral në Pejë. (Palestra Sportive “Karagaqi”, Pejë, ora 18:00)

- Kandidati i Aleancës për Ardhmërië e Kosovës për Kryetar të Prishtinës, Arbër Vllahiu në Vranidoll. (Vila Natyra në Vranidoll, ora 19:00)

- Kandidati i LDK-së për kryetar të Prishtinës, Arban Abrashi shpalosë programin për banorët e lagjes Mati 1. (Shkolla Fillore “Pavarësia”, ora 19:00)

- Kandidati i Aleancës Kosova e Re për kryetar të komunës së Prishtinës, Selim Pacolli mban tubim me qytetarët e Prishtinës. (Shkolla Fillore Ilira në lagjen Velania, ora 19:00)

- Kandidati i Lëvizjes Vetëvendosje! për kryetar të Kaçanikut, Basri Kodra mban tubim elektoral në Kaçanik. (Shtëpia e Kulturës, ora 19:30)

- Kandidati i LDK-së për kryetar të Prishtinës, Arban Abrashi shpalosë programin për të rinj. (Kodra e Trimave, lagjja “Herticeve”, te Xhamia, ora 20:00)

- Aleanca për Ardhmërinë e Kosovës mban tubime elektoral me qytetarë të Obiliqit. (Palestra Sportive “Adem Jashari”, ora 20:30)

- Kandidati i LDK-së për kryetar të Prishtinës, Arban Abrashi ditën e mbyll prap me të rinjt e lagjes Kalabria. (Lagjja Kalabria, Restoran Collecshen, ora 21:00)
 ,