20 Korrik 2018

Politika dhe humbja e kulturës së shpresës tek qytetarët

Shkruar nga Bahri Bivolaku

Mendimtarët thonë se “Për të matur virtytin e një njeriu, nuk duhet ta shohim në rastet e mëdha, por në jetën e përditshme.”

Gjykuar sipas këtij mendimi, politika në Kosovë, apo e një pjese të saj, është e pamatshme dhe jo e virtytshme, pasiqë ndryshe duket në jetën e përditshme e ndryshe në rastet “e mëdha”.

Dallimi i tillë padyshim që ka bërë që të humbet kultura e shpresës tek qytetarët nga politika. Konstatimin e tillë e vërteton edhe thënia e mençur se për të qenë trim, të duhet vetëm një çast, e për të qenë një veprimtar i virtytshëm, të duhet e gjithë jeta.

Trima të çastit mund të jenë bërë edhe individë pa ndonjë virtyt njerëzor tjetër veç një guximi momental dhe si të tillë, ata nuk kanë se çfarë t’i ofrojnë politikës në jetën e përditshme.

Mendoj që në këtë dallim esencial e shohë arsyen se pse në Kosovë politika ka lëkundur edhe shtratin e kulturës së shpresës tek qytetarët për të ardhmen e tyre.

Ajo është larguar nga jeta e përditëshme dhe jetëgjatësinë e saj e kërkon vetëm në rastet “e mëdha” politike, gjersa hapësira vepruese për të tilla raste është e vogël si për nga vëllimi, ashtu edhe për nga akterët që i zë.

Tendencën politike të orvatjes për t’i bindur të tjerët se proceset politike në Kosovë duhet të fillohen nga e para, e shohë po me këtë prizëm si dëshirë apo ego për t’u dukur vetëm në rastet “e mëdha” dhe përfituar elektoralisht pa marrë parasysh peshën e përgjegjësinë se ku mund të na çojë qëndrimi i tillë.

Tendencat e tilla dhe mosgatishmëria e shfaqur hapur për një arsye politike konensuale, ka derivuar në arratinë e qytetarëve nga politika, pasiqë po i kuptohet qëllimi.

Agjenda politike e pozitës dhe opozitës

Pozita ka kohë që nuk paraqitet qartë me agjendën e vet dhe qartësuar objektivat programore karshi çdo gjëje që lidhet me të ardhmen e vendit.

Objektiva e tillë, mbase duhet të lidhet me secilin pjesëtar që i takon, apo ka rol ekzekutiv apo legjislativ.

Pozitës i duhet një deklaratë misioni dhe ndërlidhjes me të, ndryshe do të vazhdojë të ecë rrugës që ia trason opozita dhe pastaj si e padefinuar po e humbet shpresën e qytetarëve.

Sot, në politikën e Kosovës kemi një sanksionim të shumicës nga pakica e zhurmshme dhe ky rezultat derivon jo pse opozita është e organizuar dhe e programuar për t’ia ndryshuar jetën e përditshme të qytetarëve, por po duket vetëm në rastet e “mëdha”.

Deklarata e misionit të pozitës, që ndryshe mund të quhet si një kauzë apo qëllim politik, duhet të qartësohet e të duket si kauzë bashkuese për të gjithë pozitën për të fituar rolin që ka dhe të dalë nga situata aktuale.

Kjo agjendë duhet ta bashkojë së pari pozitën e më pas edhe pjesën tjetër të politikës. Veprimi ndryshe do të na sjellë shumë vështirësi, pasi ky vit konsiderohet të jetë bukur sfidues për vendin.

Kosova, qytetarët e saj, kanë nevojë për akterë të politikës që merren me jetën e përditshme dhe këta akterë nuk mund të jenë të tillët që duken vetëm në rastet “e mëdha”, apo i krijojnë e hiperbollizojnë rastet “e mëdha”.

Kalendari

Ngjarjet e datës 20 Korrik 2018 - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Presidenti i Republikës së Kosovës, Hashim Thaçi, do të bashkëbisedojë me studentë të Universitetit të Prishtinës “Hasan Prishtina”. (Kabineti i Presidentit, ora 11:30)

- Kryeministri Ramush Haradinaj vizitë pune në Komunën e Lipjanit. (Objekti i Komunës, ora 11:30)

- Komuna e Shtërpcës, Agjencia Austriake për Zhvillim dhe Programi i Kombeve të Bashkuara për Zhvillim organizojnë ceremoninë e hapjes së ndërmarrjes sociale "Shoqata e Pavarur e Grave Sevcë" në fshatin Sevcë. (Ambientet e Ndërmarrjes Sociale në fshatin Sevcë, Komuna e Shtërpcës, ora 11:30)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Kryeparlamentari Kadri Veseli pret në takim ministrin e Jashtëm të Maqedonisë, Nikola Dimitrov. (Kabineti i Kryeparlamentarit, ora 14:30 - vetëm pamje)

- Kryeministri Ramush Haradinaj pret në takim ministrin e Jashtëm të Maqedonisë, Nikola Dimitrov. (Ndërtesa e Qeverisë, ora 15:10 - vetëm pamje)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)