12 Dhjetor 2018

Përdorimi i një të keqeje për të larguar të keqen tjetër

Shkruar nga Bajram Gecaj

Partia Demokratike e Kosovës (PDK), por edhe Presidenti Hashim Thaçi vet personalisht, kishin bashkëpunuar me deputetë të Listës Serbe për të marrë përkrahjen e tyre për rrëzimin e Qeverisë Mustafa.

Askush, përpos ne, disa zërave të vetmuar, nuk kishin folur shumë për këtë, posaçërisht kur kjo përbënte një shkelje kushtetuese të presidentit. Madje as mediat, shoqëria civile, por as edhe analistët e opinionistët.

Po të bashkëpunonte LDK me Listën Serbe për të rrezuar cilëndo qeveri, jam më se i sigurt se do të “çoheshin peshë”, siç thotë populli, jo vetëm subjektet politike, por edhe mediat, shoqëria civile, e në veçanti disa analistë që vihen në lëvizje me fishkëllima të çastit!

Tani qytetarët, LDK dhe besoj edhe pjesa tjetër e opozitës nuk kanë fare dilemë se a duhet apo jo të largohet kjo qeveri e sekserëve dhe e matrapazëve.

Megjithatë, ekziston një dilemë e ndjeshme se a do të duhej lejuar apo jo që kjo qeveri të rrëzohet në bashkëpunim me Listën Serbe dhe, kështu, në një mënyrë, ta shndërrojmë këtë listë pak a shumë në një forcë përcaktuese të momenteve kyçe të skenës politike kosovare, posaçërisht në rastin në fjalë (edhe pse, ky konstelacion qeverisës e kishte bërë mu këtë)!

Besoj se këtë temë do të duhej ta shtjellojnë në detaje këtyre ditëve jo vetëm subjektet politike, por edhe mediat, shoqëria civile, si dhe analistët profesionistë!

Unë për veten time mund të deklarohem ekskluzivisht në emrin tim personal, dhe të përfundojë se kjo qeveri duhet të largohet gjithsesi, ndërsa çështje është vetëm koha se kurë dhe si do të ndodhë kjo - sa më parë aq më mirë!

 Po të ishin pjesëtarët e këtij konstelacioni qeverisës në vendin tonë, jam absolutisht i sigurt se, ashtu si më parë, nuk do të hezitonin as një minutë ta bënin këtë gjë.

Unë besoj fuqishëm se duhet ta rrëzojmë këtë qeveri, edhe nëse kjo bëhet me votat shtesë të kësaj liste. Pse jo?

Edha ata janë deputetë të zgjedhur të Republikës së Kosovës dhe nuk ka asnjë të keqe këtu, në veçanti nëse kjo bëhet pa ndonjë kushtëzim nga ana e tyre.

Kjo është kështu sepse një gjë e tillë përbën një interes ekskluzivisht për të mirën e vendit dhe interesit të tij nacional.

Kjo qeveri është, për të përdor fjalët e popullit, “dreqi vet”, prandaj bashkëpunimi me një “të keqe” për ta mposhtur dhe larguar “të keqen” tjetër, besoje unë, është krejt në rregull.

U muar vesh, gjithnjë nëse në një rast të tillë nuk i nënshtrohemi as njërës e as tjetrës “së keqe”!

Kjo, pasi që, në këtë mënyrë, njërën “të keqe” po arrijmë ta instrumentalizojmë për të përmbysur "të keqen" tjetër!

Dhe krejt në fund, nuk guxojmë assesi  të lejojmë që rrëzimi i qeverisë Haradinaj të len prapa ndonjë “dreq” të ri, por duhet të ndërtojmë një qeverisje vërtetë demokratike, evropiane dhe krejtësisht transparente ndaj qytetarëve të vet. 
 

 

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)