20 Shkurt 2018

Ofanziva politike e Vuçiqit karshi Kosovës së heshtur

Shkruar nga Bahri Bivolaku

Qeverisja në Kosovë sot, duhet të tregojë vazhdimësinë e politikës këto 20 vitet e fundit për të mbyllur kapitullin e hapur me Serbinë në rrugën e nisur, veçanërisht tani kur politika e Serbisë po shënon kthesën e saj historike dhe afruar Brukselit. Prerjet na ndajnë pozicionin dhe na shndërrojnë në çunin e lazdruar të Ballkanit.

“Asnjëherë mos i mbajë syt përdhe kur hedhë hapin, vetëm ai që mbanë sytë të fiksuar në horizontin e largët, do ta gjejë rrugën e duhur.” Është kjo thënie e lexuar vite më parë nga ndonjë mendimtar, e cila përshkruan më së miri qëndrimin e dikurshëm politik që kishte politika e Kosovës karshi Serbisë arrogante. Pala kosovare e mbështetur nga segmentet e politikës ndërkombëtare karshi Serbisë në dekadën e fundit nuk i mbajti sytë përdhe, por në horizontin e largët për të arritur në cakun final. Kjo politikë jo gjithëherë ishte unike në veprim, pasi kishte mendime e qëndrime kundër kësaj rruge të trasuar që nga periudha e luftës së UÇK-së, bisedimet e Vjenës e tutje.

Sot, kur si duket politika e Serbisë ka filluar të ndryshojë, pasi dihet ajo gjithnjë mbante sytë përdhe, tek ne ndodhin anomalitë e mëdha dhe duan çasje tjetër që të ndryshojnë pozicionet me Serbisë. Pra, në finale kërkojnë që ne t’i mbajmë sytë përdhe e Serbia në horizontin e hapur. Nuk kuptohet ndryshe pozicioni ku në Kosovë faktorizohen ata që ishin kundër Rambujesë, kundër Planit të Ahtisarit, kundër bisedimeve të Vjenës, Brukselit e tutje me idenë e krijimit të një Republike të re e vetanake, ngjajshëm siç dikur mbante politika e Serbisë karshi të tjerëve. Sot, kur Vuçiç e Daçiç thërrasin për krijim të boshtit të paqes e stabilitetit me shqiptarët, gjithsesi të shtyrë nga ndërkombëtarët për të ecur drejtë BE-së, ne dëshirojmë të ndërrojmë rrugë.

Sot, kur politika serbe deklaron gatishmërinë për normalizim të mardhënieve me Kosovën e shqiptarët dhe në Bruksel shihet si progres i madh, ne po mendojmë të gjejmë rrugë tjera e koncepte tjera politike jashtë formulës së përcaktuar në Bruksel e Uashington. Qeverisja në Kosovë sot, duhet të tregojë vazhdimësinë e politikës këto 20 vitet e fundit për të mbyllur kapitullin e hapur me Serbinë në rrugën e nisur, veçanërisht tani kur politika e Serbisë po shënon kthesën e saj historike dhe afruar Brukselit. Prerjet na ndajnë pozicionin dhe na shndërrojnë në çunin e lazdruar të Ballkanit.

Është momenti që Kosova krahas ofanzivës politike të presidentit të Serbisë Vuçiç të fillojë të flasë, të flasë me gjuhën që ka folur nga kohët e para, gjatë e pas luftës e jo me gjuhë tjetër. Sot, presidenti i Serbisë flet për normalizim të mardhënieve mes Kosovës e Serbisë (gjë që ka qenë edhe objektivë a qëllim i dizajnuesit të dialogut në Bruksel) dhe karshi këtij qëndrimi që padyshim bëhet edhe për të marrë poena politik në Bruksel, ne të heshtim apo ndërrojmë kurs tregon absurditetin tonë, tregon jokoherencën e politikës shtetërore të Kosovës. Dikur në Bruksel, Kosova sikur në anekdotat e Nastradinit sillte fiq, gjersa Serbia si gjithnjë me kërkesën maksimaliste e populliste sillte ftonjë. Atëherë Kosova nga Brukseli goditej me fiq, e Serbia me ftonjë.

Nëse ne ndërrojmë kurs dhe mendojmë se tani jemi mjaft të fortë për të ecur vetëm rrugës së shtetëndërtimit dhe bërë prerje politike nga e kaluara, do të ndërrojë edhe çasja e Brukselit e Uashingtonit ndaj nesh. Shikuar nga perspektiva e anekdotës së Nastradinit, i bie që ne të goditemi me ftonjë e Serbia me fiq. Kjo është arsyeja që politika në Kosovë duhet t’i kthehet racionales e arsyes dhe sa më parë të krijojë institucionet e saja me forcat politike që me politikat e tyre dëshmojnë se ecim rrugës së njohur të veprimit politik të trasuar që dy dekada e jo të forcave politike që kërkojnë rrugë të reja e që mbase edhe mund të jenë njëkahore, apo rrugë pa cak.

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)