20 Shkurt 2018

Mos mendoni menjëherë në përfitime materiale

Shkruar nga Agim Tahiraj

Sportet luftarake janë ato që mund të na sjellin medalje e medalje nga garat e ndryshme dhe kjo është dëshmuar në muajit e vitet e kaluara.

Është boksi, xhudoja, gjithsesi shpresojmë edhe mundja, kick-box-i e sporte tjera që mund të na sjellin medalje nga garat e ndryshme ndërkombëtare.

Shqiptarët janë të lindur për sportet luftarake, këtë e kanë dëshmuar edhe në të kaluarën dhe faktikisht kemi edhe traditë.

Prandaj, xhudistet Majlinda Kelmendi, Nora Gjakova, Distria Krasniqi, boksierja Donjeta Sadiku janë frymëzim për të gjithë sportistët tanë.

Në edicionin e ri të boksit shpresojmë në cilësi më të mirë, që do të ishte vërtet edhe një e mirë për të gjitha klubet, sepse kur rritet niveli rritet edhe rivaliteti dhe shtohet edhe shikueshmëria nëpër palestrat sportive.

Besoj se do të rregullohen edhe disa gjëra tjera, por flitet se po aprovohet ligji për sponsorizim, do të afrohen edhe donatorët edhe më shumë dhe do të kompletohen kushtet ashtu si iu duhen sportistëve apo klubeve.

Shpresojmë se edhe boksi do të ketë kualitet dhe në rezultate më të mira në të ardhmen sidomos në garat e ndryshme.

Klubet janë futur në sistem prej se jemi pranuar në Federatën e Boksit Botëror, AIBA, pra jemi prej federatave ndër të parat që jemi pranuar.

Jemi në rrjedha dhe po mundohem të jem në hap me kohën po ashtu edhe të kemi rezultate, sidomos po shihen edhe rezultatet impresive të Donjetës.

Megjithatë, shpresojmë se në vitin 2020 do të kemi dikë nga boksierët në Lojërat Olimpike në Tokio.

Sepse konsideroj se kemi garues dhe që mund të bëhen të gatshëm për këto beteja shumë të mëdha. 

Në radhë të parë, të gjithë jemi dëshmitarë, se kemi shumë talent, por disa prej tyre u mungon vullneti.

Nuk është vullneti sikurse ka qenë më parë edhe pse ka kushte nëpër palestra, por duhet të sigurohen disa gjëra tjera.

Infrastruktura sportive më nuk është problem, por duhet trajnerët e boksierët të kenë më shumë vullnet. Ne e kemi sistemin e turneve në boks, besoj e shpresoj se do të jetë edhe më atraktiv kampionati i sivjetshëm.

Të rinjtë duhet ta kuptojnë, se kur fillojnë në boks ose sport tjetër, mos të mendojnë menjëherë në përfitime materiale. Për të pasur përfitime materiale duhet të kesh rezultate.

Ai që ka rezultate, normalisht se do t’i fitojë mjetet materiale ashtu siç është e rregulluar me rregullore nga Ministria e Sportit.

Ai që siguron medalje olimpike, botërore e evropiane, e ka të garantuar me ligji pensionin si sportist, ky është një privilegj që shumë shtete nuk e kanë.

Trajnerët duhet të punojmë me shumë me boksierë e sportistë dhe t’ia shpjegojnë se çfarë do të thotë të fitosh medalje të nivelit të lartë dhe kjo do të ishte edhe një përfitim për vetë sportistin që ka rezultate.

/Autori është trajner i klubit të boksit e kick-box Rigoro nga Prishtina dhe gjyqtar i boksit/

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)