02 Korrik 2020

Minishengeni Ballkanik, Unioni doganor Kosove - Serbi

Shkruar nga Xhevat Meha

Grenell po thotë se me 27 qershor do të bisedohet vetëm për ekonomi. Për ata/ato që mund të kanë harruar, në pranverën e vitit 2017 Vucic pat organizue diskutime për Kosovën nëpër Serbi.

Në këto diskutime, ishte paraqitur edhe ideja e një unioni doganor Kosovë-Serbi si zgjidhje. E analizova këtë ide, erdha në përfundim se kjo nga Kosova duhet pranuar krahëhapur. Kam shkruar 2-3 here në facebook, këtu po e zbërthej arsyen.

Kosova është tmerrësisht e bllokuar me barriera tarifore e jo-tarifore nga Serbia, Bosna dhe Shqipëria.

Duke e ditur këtë, Serbia mori nismen që të krijoj një minishengen ballkanik që do të përfshinte Kosovën jo si shtet i barabart me shtetet tjera.

Pjesën për të zbatuar minishengenin nga shqiptarët përfshi Kosovën e mori përsipër Edi Rama. Dështoj kjo.

Çka kuptoj me union doganor Kosovë-Serbi? Me këtë union kuptoj një marrëveshje ekonomike e cila zbatohet njëjtë nga të dy shtetet, që i zbret në zero tarifat doganore ose i ulë afër zeros tarifat doganore dhe zbaton procedura të njëjta administrative në ekonomi nga të dy shtetet anëtare.

Pa e dhënë të dhimbshmen nuk mund të marrësh të këndshmen, është një thënie popullore. Kur analizova më thellë iden e unionit doganor Kosovë-Serbi, më doli se më shumë fiton Kosova se Serbia nga një union i tillë, kuptohet nëse arrihet me disa kushte. Këto kushte janë:

Hyrja në union si shtete të pavarura sovrane.

Anëtarësimi i Kosovës si shtet i pavarur në Kombet e Bashkuara dhe organizatat tjera ndërkombtare.

Garantuese e zbatimit të marrëveshjes të janë SHBA-të.

Arsyet pse Kosova duhet të pranoj këtë krahëhapur janë përfitimet e shumëta, të cilat po i paraqes në vijim:

Hapja e tregut 10 milionësh për Kosovën – Serbia shet lirshëm në Kosovë kurse Kosova nuk mund të shes në Serbi për shkak të barrierave të shumëta sidomos jo-tarifore.

Me union doganor Serbia siguron një treg të cilin veç e ka, kurse Kosova siguron një treg që tani-për-tani nuk e ka.

Kur i shtohet fakti se me një marrëveshje me Serbinë për një union të tillë edhe Bosna dhe Shqiperia do t’i heqin barrierat ndaj Kosovës, përfitimet për Kosovën janë edhe më të mëdha.

Eliminimi i strukturave kriminale në veri të Kosovës – Strukturat kriminale në gjithë Kosovën, njëjtë edhe ato në veri të Kosovës, janë krijuar nga strukturat e mshefta serbe si mekanizëm për kontroll mbi institucionet e Kosovës dhe kështu edhe kontroll mbi Kosovën.

Me funksionalizimin e unionit doganor Kosovë-Serbi nuk ka pse të ekzitoj kontrabanda, që është burim i financimit dhe motiv i funksionimit të bosëve të këtyre strukturave kriminale.

Kosova si anëtare e Kombeve të Bashkuara, i ka të gjitha të drejtat dhe mundësit që të ndërtoj union doganor edhe me Shqipërin, e pse jo edhe me Maqedoninë e Veriut dhe me Malin e Zi.

Me unione të tilla doganore, ky rajon do të shëndërrohej në një zonë doganore e cila do të ishte tërheqëse për investime nga investitorët e mëdhenjë. Kjo do të dërgonte Kosovën dhe këto shtete në një nivel konkurrues ndërkombtar.

Dikush me njohuri jo të larta mbi funksionimin e ekonomisë mund të thotë: po ne nuk kemi shans të konkurrojm në një treg me Serbinë.

Po cilat janë mundësit e konkurrimit kështu si jemi? Me union doganor Kosova fiton mundësin që të bëhet konkurruese, mundësi të cilën tani nuk e ka. Kush e njeh ekonominë e di se në treg sot je i konkurrues e neser mund te mos jesh, dhe sot nuk je konkurrues po neser mund te jesh.

 

Kalendari

Ngjarjet e datës 2 Korrik 2020 - Mbahet mbledhja e dytë e rregullt për vitin 2020 e Kuvendit të Komunës së Prizrenit. (Salla e Kuvendit të Komunës në Shtëpinë e Bardhë, ora 10:00)

- Inaugurohen zyrat të reja të Bankës Qendrore të Kosovës në të cilen do të merr pjesë edhe kryetari i Prishtinës, Shpend Ahmeti. (Tek ish-zyrat e Komunës së Prishtinës që gjenden mes objektit të BQK-së dhe parkingut nëntokësor tek Hotel Grandi, ora 10:00)

- Nataliya Apostolova, Udhëheqëse e Zyrës së BE-së në Kosovë do t’i dorëzojë Ministrisë së Shëndetësisë 6,000 komplete testimi për COVID-19, 90 shtretër spitalorë, mbi 67,000 maska të frymëmarrjes dhe pajisje të tjera mjekësore në mbështetje të sistemit shëndetësor. (Live stream në facebook.com/EuropeanUnionInKosovo, ora 10:00)

- Ministrja e Kulturës, Rinisë dhe Sportit, Vlora Dumoshi do të vizitojë Komunën e Gjilanit ku do te takohet me kryetarin Lutfi Haziri. (Objekti i Komunës së Gjilanit, ora 10:30)

- Ministrja e Kulturës, Rinisë dhe Sportit, Vlora Dumoshi dhe Kryetari i Komunës se Gjilanit, Lutfi Haziri vizitojnë stadiumin e qytetit në Gjilan si dhe vendosin gur-themelin e stadiumit ndihmës. (Gjilan, ora 11:00)
 
- Instituti i Kosovës për Drejtësi dhe Iniciativa për Progres me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it, do të mbajnë konferencë për media, në të cilën do publikohet raporti i monitorimit dhe hulumtimit në fushën e prokurimit publik: “E drejta për ujë, peng i prokurimit: Analizë e tenderit maratonik për ujësjellës në Komunën e Dragashit”. (Hotel Sirius, ora 11:00)

- Kuvendi i Republikës së Kosovës dhe Qeveria e Mbretërisë së Bashkuar e Britanisë së Madhe dhe Irlandës Veriore, përfaqësuar nga Ambasada Britanike, nënshkruajnë Memorandum Mirëkuptimi për të siguruar emërime profesionale të udhëheqësve të institucioneve dhe organeve publike, nëpërmes proceseve të drejta dhe transparente të rekrutimit. (Holli i Kuvendit të Kosovës​, ora 12:00)

- SKOPI Studentor organizon aksion simbolik për të treguar realitetin e krijuar nga emërimet e fundit të Qeverisë së Republikës së Kosovës në Ministrinë e Arsimit dhe Shkencës. (Para ndërtesës së Ministrisë së Arsimit, ora 12:00)

- Kryeministri Avdullah Hoti merr pjesë në nënshkrimin e Memorandum Bashkëpunimit me Ambasadën Britanike për pozitat e larta drejtuese. (Ndërtesa e Qeverisë, ora 13:00)

- IKD dhe INPO mbajnë konferencë për medie, në të cilën do publikohet raporti i monitorimit dhe hulumtimit në fushën e prokurimit publik “E drejta për ujë, peng i prokurimit”. (Hotel “Sirius”, ora 14:30)

- Me rastin e Ditës Botërore të Gazetarëve të Sportit, Ministrja e Kulturës, Rinisë dhe Sportit, Vlora Dumoshi ka ftuar të gjithë gazetarët e sportit, në takim me për të diskutuar mbarëvatjen e sportit në vendin tonë si dhe sfidat me të cilat ballafaqohet sporti dhe gazetarët sportivë. (Kabineti i Ministres së MKRS-së, ora 15:15)