20 Shkurt 2020

Masakra e Reçakut dhe koherenca e një ushtrie

Shkruar nga: Bahri Bivolaku

Serbia, në vend se të dënohet që për 50 vitet e ardhshme të mos ketë të drejtën të ketë ushtri për shkak të krimeve të kryera në luftërat e fundit në Ballkanin Perëndimor, ajo vazhdon së ekzistuari, madje edhe të armatoset rëndë nga shtetet anëtare të Këshillit të Sigurimit.

Historikisht Serbia sa herë që është ndjerë e fuqishme ushtarakisht ka ndezur luftëra në Ballkanin Perëndimor, me synim për ta dominuar dhe administruar vetë. Në luftërat e fundit, ushtria e saj bëri masarka për t’ia arritur këtij qëllimi. Artileria e saj jo rrallëherë kishte cak fshatra e qytete të banuara me civilë në Kroaci, Bosnje dhe Kosovë.

Për rolin e saj në këto luftëra ajo nuk u ndëshkua nga Këshilli i Sigurimit të Kombeve të Bashkuara nga arsye të pa arsye dhe tani shteti i Serbisë vazhdon ta ketë ushtrinë e vet dhe ta armatosë me armatim edhe më modern.

Ushtria e Serbisë së sotme është po ajo e djeshmja me po të njejtat qëllime dhe po me strukturë komanduese të njejtë.

Këtë gjë e dëshmon edhe dokumentari i Fondit për të Drejtën Humanitare në Beograd, ku shihet për krimet e bëra në masakrat në Kosovë të komandantit të po kësaj ushtrie të Serbisë së sotme. Mbase edhe nuk mund të jetë ndryshe kur krimi i kryer nuk ndëshkohet, por krijon bazë të mirë që ai të përsëritet.

Serbia, në vend se të dënohet që për 50 vitet e ardhshme të mos ketë të drejtën të ketë ushtri për shkak të krimeve të kryera në luftërat e fundit në Ballkanin Perëndimor, ajo vazhdon së ekzistuari, madje edhe të armatoset rëndë nga shtetet anëtare të Këshillit të Sigurimit.

Sikur Serbia të dënohej me këtë masë ndëshkimi, paqja e fqinjësia në këtë rajon do të kishin qëndrueshmëri afatgjate dhe se demokracia do të zhvillohej e konsolidohej shpejtë.

Ndryshe, militarizmi i Serbisë, ushtrisë së saj, gjithnjë do të jenë kërcënim për paqen e sigurinë rajonale dhe ky veprim shtynë shtetet tjera për të tentuar që të vënë barazpeshën, duke e pasur të qartë për kërcënimin.

Sikur Serbia të ndëshkohej dhe për ca dekada mos ta ketë të drejtën të ketë ushtri, i gjithë rajoni do të ndjehej i qetë dhe vendet anëtare do të merreshin me shumë zhvillime ekonomike dhe mirëqenien e qytetarëve të vet e jo të mendojnë e punojnë për armatim dhe strukturim të ushtrive të tyre.

Ushtria e Serbisë, në rrethanat ekzistuese politike dhe gjeopolitike paraqitet si ushtri që kërcënon paqen e brishtë në rajon. Serbisë do të duhej t’i hiqej e drejta për të pasur ushtri të veten.

 

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)