23 Nëntor 2017

Luta do ta shkruaj historinë më 16 nëntor!

Shkruar nga Burim Elezi

Të gjithë e njohin bagazhin intelektuar të Lutfi Hazirit, aktualisht nënkryetar i Lidhjes Demokratike të Kosovës dhe kryetar i Gjilanit. E njeh Gjilani, Anamorava, Prishtina, Tirana, Shkupi, e gjetiu.

E ka dëshmuar veten që është lider i pamposhtur. Përveç tjerasht, Luta do të mbahet në mend si njeriu që ndali teposhtëzen e LDK’së në Gjilan e Anamoravë, duke e rikthyer në krye pas gjashtë vitesh.

E mbaj në mend në një mbledhje të kryesisë së Degës në vitin 2011, kur na tha se duhet të punojmë natë e ditë dhe zgjedhjet duhet t’i fitojmë me mbi 25 mijë vota.

E kujtoj, poashtu, që ne e shikuam njëri-tjetrin me habi, nga pak edhe duke qeshur ‘si nër veti’ se si ka mundësi që prej 9 mijë vota në vitin 2009, të kalojmë në 25 mijë pas katër vjetësh.

Jo që doli ashtu, por Luta ia theu rekordin edhe parashikimit të tij, duke triumfuar në mënyrë plebishitare.

Në vitin 2017 ndryshuan gjërat në zgjedhjet nacionale dhe të gjithë e dimë rezultatet. Edhe ata që patën ambicje për të dalë kandidat për kryetar Komune, u strukën. Luta kishte deklaruar se nuk do të jetë më kandidat qysh para një viti.

Kryetarët e nëndegëve të LDK’së në Gjilan e lusnin ‘si për gjak’ që të dalë sërish për hirë të partisë, për hirë të gjilanasve, për hirë të projekteve të mëdha.

Mbi të gjitha, Luta kishte kërkesa të mëdha prej qytetarëve të rëndomtë për t’i prirë edhe njëherë garës për kryetar.

Dhe, si lider i vërtetë që është, pas një rezultati jo të mire në zgjedhjet nacionale, e mori mbi supe edhe njëherë barrën për t’i prirë LDK’së në Gjilan. Kësaj radhe ngadhnjeu edhe më fuqishëm se në vitin 2013.

Por, ajo që mund ta them me bindje të plotë është që Lutfi Haziri do ta shkruaj historinë më 16 nëntor, në tubimin e përmasave të Ibrahim Rugovës në vitin 2000, në Stadiumin e Qytetit.

Veç Luta, pas Ibrahim Rugovës, mbush salla që qindra njerëz mbesin jashtë, por do ta mbush edhe stadiumin ‘knap’, duke u krijuar një standard i ri pas 15 vjetësh në politikën kosovare.

Për fund,  jam i bindur që do ta dyfishoj votën më 19 nëntor me mbështetje përtej partiake, pra me mbështetje qytetare.

(Autori është anëtar i kryesisë së Degës së LDK’së në Gjilan, njëherit përfaqësues i partisë në Komisionin Komunal Zgjedhior)

 

Kalendari

Ngjarjet e datës 23 Nëntor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Kryeministri Ramush Haradinaj merr pjesë në Konferencën për Energjinë e Ripërtëritshme në Sektorin e Prodhimit. (Swiss Diamond Hotel, ora 9:00)

- Mbahet seanca e Kuvendit të Republikës së Kosovës. (Kuvendi i Kosovës, ora 10:00)

- Save the Children në bashkëpunim me Ministrinë e Arsimit Shkencës dhe Technologjisë, organizojnë konferencën rajonale "Investimi në Kujdesin dhe Zhvillimin gjatë Fëmijërisë së Hershme: Faktet, Mundësitë dhe Sfidat". (Hotel International, rrugës për Lipjan, ora 10:00)

- Misioni i OSBE-së në Kosovë do të mbajë ligjëratë në Universitetin “Kadri Zeka” në Gjilan për qeverisjen e mirë. (Objekti i Univesitetit të Gjilanit, ora 10:00)

- Mbahet takimi i 143 -të i Këshillit Prokurorial të Kosovës. (Objekti i Prokurorisë së Shtetit, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 11:30)

- Joni Sefedini, nxënëse në klasën e tretë në Shkollën fillore “Nazim Gafurri” në Prishtinë, promovon librin e dytë të tij me titull “Dy arinj të humbur” dhe hapet ekspozita me piktura të tij. (Shkolla fillore “Nazim Gafurri”, ora 12:00)

- Me rastin e 17-vjetorit të vrasjes së veprimtarit, Xhemail Mustafa, Kryetari i LDK-se, Akademik Isa Mustafa me anëtarët e Kryesisë së LDK-së, do të bëjnë homazhe tek varri i tij. (Fshati Gllamnik në Podujevë, ora 13:00)

- Forumi për Iniciativa Qytetare organizon Konferencën “Volunteers in Action” përmes së cilës synohet vetëdijesimi i të rinjve mbi rëndësinë e filantropisë dhe punës vullnetare. (Biblioteka “Hivzi Sulejmani”, ora 14:00)

- Kryetarja e Dhomave të Specializuara të Kosovës, gjykatëse Ekaterina Trendafilova së bashku me Administratoren e Dhomave të Specializuara, dr. Fidelma Donlon, do të takohen me përfaqësues të shoqërisë civile zyrtarë të qeverisë si dhe me organizata vendore e ndërkombëtare për të diskutuar veprimtarinë e Dhomave të Specializuar.  (Hotel Garden n lagjen Kalabria, ora 14:30)

- Kryetari i LDK-së, Akademik Isa Mustafa me Nenkryetarin e LDK-së, z. Lutfi Haziri, do të mbajnë konferencë për medie. (Selia qendrore e LDK-së, kompleksi "Qafa", ora 15:00)

- Hapet ekspozita e artistes znj. Emiranda Beka. (Galeria e Ministrisë së Kulturës së Kosovës, ora 19:00)