13 Dhjetor 2018

Kush i ka gërshërët

Shkruar nga Esad Dujaka

Presidenti i Kosovës, Hashim Thaçi në rrugë për Nju Jork, ndaloi në Vjenë ku u takua me presidentin e Austrisë, Aleksandër Va nder Bellen.

Ani pse agjencitë nuk raportuan, lajmin e plasoi si zakonisht e intenzivisht siç është mësuar ta bëjë përherë presidenti ynë,  shpejt e shpejt në faqën e vet në FCB, madje interesant pa asnjë gabim gjuhësor!

Pasi lajmi ishte i shkruar shpejt e shpejt, ndoshta në avion rruges mbi Oqean duke shkuar te Trumpi i nderuar, ky presidenti ynë, që dha aq shume e krejt çka pat për Kosovën e lirë e të pavarur  e të hapur nga të katër anët (e jo si Rugova - vetëm nga Shqipëria e Serbia), nuk na e tha asnjë fjalë se si e priti homologu austriak idenë zulmmadhe për "korrigjim të kufirit" e as per "dhuratat e Rankoviqit"...

Po ma merr mendja se z.Van der Bellen nuk merret me kufinj të Ballkanit, pasi ai si president është zotëri në postin e nderit dhe se e kryen punën e vet që ia ka caktuar kushtetuta e vendit dhe nuk hyn lakrave...

Austriaku i urtë dhe i mençur, është figurë unifikuese, reprezentative kurse ata të tjerët, që nga kancelari e qeveria, i kryejnë punët më të rënda dhe më me pergjegjesi...

Po nejse, Austria është shtet me tradite qindra vjeçare dhe kur dëgjon për "korrigjime të kufijēve" në Ballkan ' habitet dhe e ka të vështirë t'ia qëlloj saktësisht kush me kend po luan këtu, apo dy liderë ballkanas luajnë me ndjenjat e popujëve të vet, duke mos ua thënë asnjëherë të vërtetën lakuriqe, sado e dhembshme që mund të jetë.

Pra, në Ballkan (nga Danubi e tutje teposhtë) këto kohëve të përçudshme, mund të biesh në mbrëmje  në gjum shëndoshë e mirë por në mëngjes të zbardhë drita në një shtet tjetër, me ushtarë të huaj e me president që nuk e flet gjuhën tënde...

Avioni me presidentin  tonë, që po kapërcen Oqeanin, me presidentin  tonë që e ka bërë mendjen një të bëjë paqe me Serbine me çdo kusht, duke "qepur" kufinj të rinj së bashku me Beogradin, sigurisht se ai dhe këshilltarët e tij shumë të zotët që i ka, ia kanë përgaditur një fjalim të zjarrtë, kuptimplot, diplomatik fund e krye, që do ta hutoj edhe vet presidentin amerikan Donald Trump, e cili do t' ia rrah krahun e majtë, apo të djathtin, kjo s'ka rëndësi dhe do t'i thotë djalit nga Broja,  edhe këto (anglisht): " "Korrigjoni zotëri , e qepni kufinj se shumē telashe na keni nxjerr tash e sa dekada ju ballkanasit...

Njëherë Shqiperia e marihuanizuar për tërë Evropën, Greqia në borxhe deri në fyt, Mali i Zi i rrezikuar nga Rusia dhelpuroshe, Maqedonia me emër e pa emër më në fund theu kurrizin por pa shqiptarët si komb shtetformues...."

Dhe, çkrrap e çkrrap fotoreporterët e fototot do të marrin dheun e do të vijnë gjithandej edhe në Prishtine - me epitetin si NGJARJE HISTORIKE  - presidenti amerikan Donald Trump priti dhe bisedoi ( për çka kjo do të merret vesh më vonë) me presidentin  e Kosovës z. Hashim Thaçi nga Broja, i cili kurrë deri më sot në jetën e vet thotë se nuk ka dështuar dhe se dështimi për te është diçka e panjohur...

E pse të mos e propozojmë president të përjetshëim? Mendoni mirë, se ia vlen - ai na i solli të gjitha, madje edhe DINJITETIN, të cilin për habi po na e lëndon pa të drejtë edhe kryeministri i vendit, z. Ramush Haradinaj, se si ne të tjerët gjoja s' paskemi bërë asgjë para, gjatë e pas luftes pos që paskemi marr iken për Bllacë e për Shqipëri prandaj as që e merituekam e aq më pak  të mundohemi e të mendojme e  të flasim ndryshe siç na e garanton kultura demokratike, e lëre më të propozojmë diçka që është ndryshe nga ajo që thonë Thaçi, Veseli e Haradinaj...

S'më mbetet tjetër pos t 'iu përshëndes me "korrigjime kufinjësh":

Të mirë u pafshim te Molla e Kuqe!
 

Kalendari

Ngjarjet e datës 13 dhjetor 2018

- Mbahet mbledhja e Komisionit për Mbikëqyrjen e Financave Publike në të cilën do të behët shqyrtimi i raportit të Auditimit për pasqyrat financiare vjetore të Ministrisë së Tregtisë dhe Industrisë dhe shqyrtimi i raportit te auditimit për Pasqyrat Vjetore Financiare të Ndërmarrjes Publike Hekurudhat e Kosovës - Trainkos. (Ndërtesa e Kuvendit, salla N204, ora 10:00)

- Grupi Kombëtarë Monitorues i  Fëmijëve “Respect Our Right” mbeshtetur nga organizatat “Syri i Vizionit” në partneritet me “Save the Children”, organizojnë konferencën për  publikimin e raportit monitorues ‘’Hendeku, kurrikula dhe zbatueshmëria e saj’’. (Hotel International Prishtina, ora 10:00)

- Shërbimit Spitalor dhe Klinik Universitar të Kosovë prezanton rezultatet e punës dhe të arriturave për vitin 2018. (Hotel Emerald, ora 10:00)

- Koalicioni i OJQ-ve në kuader të Javës Anti-Korrupsion organizon tryezën lidhur me nevojen për procesin e vetingut në Kosovë dhe vullneti politik. (Hotel Sirius, ora 10:00)

- Kosova Youth Atlantic Treaty Asocation mban debatin “Transformimi i FSK-s, ndikimi në sigurinë kombëtare dhe rajonale”. (Kolegji Universum në lagjjen Ulpiana, ora 10:30)

- Ministri i inovacionit dhe ndërmarresisë, Besim Beqaj raporton para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me punën e ministrisë për ketë vit, me theks të veçantë ndarja e fondeve dhe grandëve për start up-et dhe bizneset tjera, si dhe planifikimi i punëve për vitin e ardhshëm. (Ndërtesa e Kuvendit, salla N 303, ora 11:00)

- ADMOVERE organizon promovimin e raportit "Universiteti i Prishtinës - raportet e akreditimit, revistat dhe bibliotekat". (Hani i 2 Robertëve, ora 11:00)

- Let’s Do It do të organizojë aksion pastrimi në Ferizaj ku do të pastrohet një deponi ilegale në të cilën do të marrin pjesë edhe pjesëtarë të KFOR-it amerikan. (Magjistralja afër Mileniumit në Ferizaj, ora 11:00)

- Ministri i Ministrisë së Diasporës dhe Investimeve Strategjike, Dardan Gash raporton para Komisionit për Punë të Jashtme, Diasporë dhe Investime Strategjike. (Ndërtesa e Kuvendit, salla N 302, ora 11:00)

- Ministri i Drejtësisë, Abelard Tahiri merr pjesë në tryezë diskutimi me stafin akademik të Fakultetit Juridik për themelimin e një Gjykate Komerciale - Tregtare. (Salla e profesorëve në Fakultetin Juridik të Universitetit të Prishtinës “Hasan Prishtina”, ora 11:00)

- Nisin punimet për pastrimin e deponisë më të mëdha në Kosovë në Pasomë të komunës se Vushtrrisë. (Pasomë, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjilanit, Lutfi Haziri. (Objekti i Komunës së Gjilanit, ora 11:00)

- Nën organizimin e OVL UÇK-së, SHIL UÇK-së dhe SHFD UÇK-së do të bëhet përurimi i kompleksit dhe zbulimi i plakës përkujtimore për 41 dëshmorët e kombit, Mujë Krasniqi dhe 40 bashkëluftëtarët tjerë. (Fshati Gorozhub në Prizreni, ora 12:00)

- Aleanca Kosovare e Bizneseve mban konferencën për media lidhur me ndikimin e taksës 100% në ekonominë e Kosovës. (Selia qendrore e AKB-ës, ora 13:00)

- Mbahet takimi me studentët e Fakultetit Ekonomik - Prishtinë dhe prezentimin e temës ‘’Kosova ofron perspektivë’’ , e organizuar nga kompania Al Trade Center. (Objekti i Fakultetit Ekonomik, ora 14:00)

- Swisscontact në Kosovë, organizon një takim miqesor të fundvitit me media. (Restaurant "Remember Me", ora 14:00)

- Presidenti i Republikës së Kosovës, Hashim Thaçi, inspekton trupat e Forcës së Sigurisë së Kosovës. (kazerma “Adem Jashari” në Prishtinë, ora 15:00)

- Nxënësit Kosovarë marrin pjesë në Garën Nacionale të Recitimit të Poezisë në Gjuhën Angleze. (Amfiteatri i Bibliotekës Kombëtare, ora 15:00)

- Galeria e Ministrisë së Kulturës hap ekspozitën “Një perspektivë ndryshe!” te autorit Agon Nimani. (Galeria e Ministrisë së Kulturës në kompleksin “Qafa”, ora 19:00)