20 Shkurt 2020

Krenaria vazhdon

Shkruar nga Emin AZEMI

Raportimet e pavërteta të Norddeutschen Rudfunk (NDR) për kompaninë Ecolog, tash më i ngelin të kaluarës së palavdishme profesionale të kësaj shtëpie mediatike, sepse është vetë NDR ajo që ka nisur në adresë të kompanisë Ecolog dhe familjes Destani dy letra pendimi, me të cilat, përpos që shpreh keqardhje dhe këron ndjesë për cënimin e imazhit të tyre, ajo zotohet të mos përsëris thëniet denigruese në lidhje me kompaninë Ecolog AG dhe familjen Destani, duke i tërhequr, fshirë,  njoftimet përkatëse në web faqet e radios dhe kudo tjetër.

Gjithashtu, merret vesh se NDR  u pajtua  që  të  paguj  një dëmshperblim të madh, ndonëse për shumën e saktë të këtij dëmshpërblimi nuk deshën të flasin as në NDR as në Ecolog. Po, ajo që dihet është tagri mjaft i lartë i joprofesionalizmit që i kushtoi NDR, duke plasuar të pavërtetat e gazetarit Christoph Heinzle, i cili në mungesë të etikës profesionale u bë një zëdhënës i keq i thashethemeve për një kompani prestigjioze, siç është Ecolog.

Vendimi i NDR për t’i kërkuar ndjesë kompanisë Ecolog dhe familjes Destani tani, erdhi pasi që Gjykata e apelit e Hamburgut  i kishte ndaluar NDR-së përsëritjen e shprehjeve përkatëse të dyshimit ndaj firmës Ecolog AG dhe ndaj familjes së themeluesit të kompanisë.

Vendimi i fundit gjyqësor i Gjykatës së Apelit në Hamburg dhe ai paraprak në Keln, dëshmuan se makina e shpifjeve mund ta lë në baltë atë që e përdor për të bartur të pavërteta. Kësaj radhe, gazetari Christoph Heinzle, jo vetëm që ngeli në baltën që e krijoi vet, por ai baltosi edhe mediumin ku punon, duke e bërë atë, padrejtësisht, vegël për prodhimin e të pavërtetave mbi kompaninë prestigjioze Ecolog.

Por, në fakt, ajo që nuk arriti asnjeherë të verifikohet, e që hidhte hije dyshimi se firma Ecolog AG, kontratat për misionin ISAF në Afganistan t’i ketë keqpërdorur për veprime ilegale, u kthye në bumerang për vetë NDR dhe reputacionin e saj në publik, sepse ishin vetë gjerneralët e NATO-s ata të cilët, përpos që kishin hedhur si të pabaza të gjitha pretendimet e NDR, por edhe u bene mrojtesit me te forte te kompanise Ecolog.

Në një shtet demokratik si Gjermania, drejtësia nuk ka se si të mos prodhojë rehati shpirtërore tek palët e dëmtuara, sidomos kur ato padrejtësisht shantazhohen në sytë e opinionit publik. Por, epilogu gjyqësor që hedhë si të pavërteta të gjitha insinuatat e NDR dhe gazetarit të saj Christoph Heinzle, ngre në piedestalin më të lartë vlerat qytetëruese të një shoqërie.

Ecolog dhe familja Destani, kanë arsye më shumë të besojnë se puna e ndershme e  tyre ka çmim serioziteti dhe përkushtimi. Mbase, këtë çmim kanë ditur ta vlerësojnë më së miri partnerët e tyre, që po shtohen vazhdimisht,  por edhe ata qindra të punësuar të cilët sigurojnë mirëqenie për familjet e tyre. 

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)