19 Korrik 2018

Kosova dhe Lugina e Presheves

Shkruar nga Bahri Bivolaku

Më kujtohen fare mirë vitet e 90-ta në Kosovë, atëherë kur shumica e punëtorëve shqiptarë u larguan nga puna si pasojë e futjes së masave të dhunshme në çdo kolektivë punues apo institucion nga Kuvendi i Serbisë.

Fillimi ishte i vështirë, më kujtohet se vitin e parë në gjendje të krijuar e konsideronin si dimrin e madh social. Krahas organizimeve të brendshme, gjithsesi se mundësitë ishin të vogla për të përmbushur kërkesat për bijetesë të mijëra familjeve.

Në fokus doli aksioni familja ndihmon familjen dhe ende i ruaj të freskëta kujtimet apo aksionet e zhvilluara nga shqiptarët e Luginës së Preshevës për të ndihmuar vëllezërit e tyre në Kosovë. Më kujtohet Avniu, Rahovica etj.

Më kujtohet bujaria e atyre bashkëkombasve tanë për të na ndihmuar në atë kohë, për të qëndruar në vend dhe mos lejuar realizimin e spastrimit etnik përmes kartës sociale.

Sot, në Kosovë nga ajo kohë ka realitet tjetër dhe luginë tjetër. Atje qoftë në aspektin social, të sigurisë dhe hapësirës politike, rrezikohet jetesa e shqiptarëve. Një pjesë e mirë e shqiptarëve të Luginës së Preshevës janë veç të shpërngulur në kërkim të jetës më të mirë dhe po braktisen ato territore.

Politika nuk mund të zhvillohet pa elementin kryesor, qytetarët e atij vendi. Po ne, si shoqëri e Kosovës, a thua kemi obligime karshi këtij zhvillimi?

Po i lëmë institucionet e vendit, duke ditur se ende kanë problemet në rrugën e tyre të shtetndërtimit dhe zhvillimit. A mundemi ne si qytetarë të Kosovës të bëjmë diç për të ndihmuar që shqiptarët e Luginës të forcohen si etnitet, ta zhvillojnë rajonin, të kultivojnë arsimim e kulturë autonome? -

 Gjithsesi se po, por duhet pasur vullnet dhe iniciativa. Fare pa hyrë në statistika zyrtare, konsideroj të jenë rreth 40 mijë biznese në Kosovë që në vit do të mund të ndanin nga 100 euro pa asnjë problem për fondin e mbijetesës për Luginën e Preshevës, nga të cilat shuma do të krijoheshin në vit së paku 4 milionë euro. Sigurisht se me shuma të tilla nuk ishte bërë nami, porse me destinime të mirëfillta do të krijoheshin realitete faktike gradualisht në fusha të caktuara.

Mendoj që në këtë fazë të zhvillimeve, lëvizjet e tilla drejt krijimit të realiteteve me hapa të ngadaltë por të sigurtë, është rruga që çon te suksesi apo synimi.

Rrugët tjera, me anë të të cilave synohet që me një veprim politik të arrihet caku, mendoj të hynë në sferën e aventurës politike sado që të jenë të drejta kërkesat.

Një porosi gjithsesi është për gjithë ata shqiptarë me prejardhje nga Lugina, por që jetojnë e veprojnë në Prishtinë, ndoshta edhe në kushte luksi, por që fare pak e mendojnë se çfarë të bëjnë me shqiptarët e Luginës apo bashkëvendasit e tyre.

Qytetarët e Luginës së Preshevës aq sa kanë nevojë për mbështetje institucionale e politike, kanë nevojën e mbështetjes vëllazërore nga qytetarët e Republikës së Kosovës.

Serbia si vend që aspiron në BE, gjithsesi se do ta ketë një stacion ndalës për të plotësuar ca standarde dhe ai momentum politik do të vie patjetër, por ne duhet të gjithë të ndihmojmë që të krijojmë realitete atje.

Ky duhet të jetë vetëm fillim i aktiviteteve...

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)