12 Nëntor 2018

Kënd po e pengon identiteti shqiptar në tekstet arsimore në Kosovë

Shkruar nga Fidan Mustafa

Debatet e ngritura kohëve të fundit, gjoja mbi tekstet arsimore shkollore me përmbajtje të fjalëve të 'huaja', ngrit edhe njëherë para opinionit publik propagandën e pastër kundër vlerave dhe identitetit kombëtar shqiptar.

Një projekt i financuar qartësisht nga qarqet Serbe, Ruse dhe shoviniste në vendin tonë kundër të ardhmes së Republikës së Kosovës dhe identitetit të saj.

Ne gjithë jemi dëshmitar se viteve të fundit, disa nga mediet e figura publike në Kosovë, Shqipëri etj., po financohen direkt përmes fondeve të paverifikuara, përmes së cilave po synohet dëmtimi i imazhit të popujve tanë në arenën ndërkombëtare. Këto financime tashmë nuk janë pretendime apo iluzione, këto janë fakte para publikut.

Disa muaj më parë lëvizja "Gylen" financoi disa nga mediumet në Kosovë dhe figura publike me qindra e mijëra euro. Njësoj u veprua edhe përmes financimit milionësh Grek në Shqipëri. E po ashtu njësoj po financohen edhe disa të tjera përsëri në Kosovë nga çarqet Serbo e Ruse.

Një qasje e tillë nga këto mediume e figura publike, nuk i kontribuojnë vlerave dhe identitetit të shtetit të Kosovës, aq më pak ngritjes së cilësisë në arsim siç po deklarohen. Një qasje e tillë, ka prapaskena dashakeqëse kundër çdo vlere kombëtare e tradicionale ndaj popullit të Kosovës.

Institucionet tona arsimore në vend, janë të kujdesshme ndaj një propagande të tillë antikombëtare dhe kundër vet shtetit të Kosovës, andaj edhe si të tillë duhet me mjaftë kujdes të trajtohet në hapat e mëvonshëm brenda institucional deri tek institucionet e sigurisë në vend.

Si studiues i rrethanave gjeopolitike në Ballkan, mund të konstatoj se i gjithë skenari i këtij debati mbrapa vetes synon dy gjëra njëkohësisht kundër Kosovës dhe popullit të saj:

E para: Synohet zhvendosja e vëmendjes publike drejtë një teme e cila nuk ka të bëjë fare me sfidat dhe problemet thelbësore të qytetarëve tanë e as të ardhmes së Shtetit të Kosovës, veçanërisht në kohën kur pjesë e negociatave mes Kosovës e Serbisë po kyçet edhe Rusia;

E dyta: Përmes kësaj propagande të pastër antishqiptare, po tentohet edhe njëherë shkatërrimi i çdo gjëje tradicionale shqiptare duke e zhveshur edhe matej identitetin e popullit të Kosovës jashtë çdo vlere kombëtare, fetar e tradicionale. Vlera të cilat popullin shqiptar e kanë mbajtur gjallë ndër shekuj edhe atëherë kur pushtuesit synonin po këtë që po synohet sot nga figura e media antishqiptare.

Si përfundim, institucionet tona të Drejtësisë, së bashku me ato të Sigurisë dhe Arsimit, mbi gjitha qytetarët e vendit, duhet të tregohen mjaftë të kujdesshëm përballë këtyre propagandave antishqiptare të kamufluara nën petkun e lirisë së shprehjes dhe fjalës së lirë.

Zoti e ruajt popullin tonë liridashës!

Kalendari

Ngjarjet e datës 12 nëntor 2018 - Ministri i Punës, Skender Reqica, Ministri i MASHT-it, Shyqiri Bytyçi, Ministri i Shëndetësisë, Uran Ismaili dhe Ministri i Kulturës Rinisë dhe Sportit, Kujtim Gashi raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zbatimin e Strategjisë Nacionale për të Drejtat e Personave me Aftësi të Kufizuar në Republikën e Kosovës 2013 - 2023. (Ndërtesa e Kuvendit, salla C 203, ora 10:00)

- Qendra e Inovacionit  dhe Oda Ekonomike Amerikane shënojn Javën Globale e Ndërmarrësisë. (Salla plenare e Kuvendit të Kosovës, ora 10:00)

- Kryetari i Kuvendit të Republikës së Kosovës, Kadri Veseli dhe Kryeministri Ramush Haradinaj merr pjesë në hapjen e Javës Globale të Ndërmarrësisë. (Kuvendi i Kosovës, ora 10:00)

- Grupi për Studime Juridike dhe Politike mban konferencën për media në të cilën prezanton një propozim për “Minimumin e një Platforme për Dialogun e Fazës Finale në mes të Kosovës dhe Serbisë” (Grupi për Studime Juridike dhe Politike, përballë Kino ABC, mbi Maxi Market, ora 11:00)

- Qendra e Lëvizjes në Prishtinë mban konferencë për media. (Sheshi "Adem Jashari", ora 12:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit takohet me Kryeministrin, Ramush Haradinaj, Ministrin e Drejtësisë, Abelard Tahiri dhe Ministren e Integrimeve Evropiane znj. Dhurata Hoxha lidhur me bashkërendimin e veprimeve lidhur me pakon legjislative dhe procesin e liberalizimit të vizave. (Ndërtesa e Kuvendit, salla  C-203, ora 13:00 - mediat mund të marrin pamje vetëm në fillim të takimit)

- Komisionin hetimor parlamentar në lidhje me ndriçimin e rastit të dëbimit të gjashtë shtetasve turq interviston ish-Drejtorin e Përgjithshëm të Policisë së Kosovës, Shpend Maxhuni. (Ndërtesa e Kuvendit, salla N 10, ora 13:00)

- Në kuadër të Fushatës “Ta Pastrojmë Kosovën” do të zhvillohet aksion pastrimi në Prishtinë. (Përreth hapësirave të Shkollës “Model”, ora 13:30)

- Ministri i MPMS-së, Skender Reçica, bën lansimin në konsultime publike të Koncept Dokumentit për Rregullimin dhe Menaxhimin e Fushës së Pensioneve dhe Beneficioneve, të hartuara nga MPMS. (Salla e konferencave në MPMS, ora 14:00)

- Kryetari i LDK-së Isa Mustafa, mban mbledhje me kryetarët e degëve të LDK-së. (Hotel Sirius, ora 16:00  - konferencë për medie, 17:30)