17 Shkurt 2019

Kanosjet e mendjes shqiptare përmes ndikimit të huaj

Shkruar nga Vjollca Hajdari

A është duke u përsëritur historia në trojet shqiptare? Çfarë rreziku është duke iu kanosur mendjes shqiptare përmes ndikimit të huaj?

Kush ka interes në zhveshjen e identitetit, mbjelljen e dogmës, injorancës dhe fanatizmit, sipas stilit "ndaj dhe sundo"?

Përse - për shqiptarët që ndër shekuj ishin (dhe janë) shembull unik në botë për harmoni ndërfetare - tani raportohet për ekstremizëm fetar?

Sa ndikon kjo në imazhin shqiptar dhe çfarë bëjmë ne për ta përmiresuar atë në nivel ndërkombëtar? Si e përceptojmë ne veten dhe si na shohin të tjerët?

Me keto pyetje, dhe me gjere, në fillim të ligjërimit te saj mbi harmoninë ndërfetare shekullore tek shqiptarët, gazetarja dhe politologia Vjollca Hajdari ka ofruar një pasqyrë mbi zhvillimin historik dhe koekzistencen paqësore të besimeve fetare.

Me moton "ruajtja e vlerave, shpirtit dhe identitetit shqiptar" ajo ka mbajtur nje leksion me temen "Harmonia nderfetare tek shqiptaret" ne shtepine e Lessing-ut ne Berlin.

Qellimi i kesaj ligjerate ka thene Vjollca, ishte se pari per te informuar opinionin gjerman dhe ate nderkombetar lidhur me shembullin unik te harmonise fetare, por njekohesisht per te sensibilizuar, se dyti, rreth rrezikut qe po i kanoset popullit shqiptar nga ndikimet e huaja.

"Ne e dijme qe historikisht fuqite e medha jane perplasur ne Shqiperi dhe trojet shqiptare, me qellim qe te ndikojne ne popull me ideologjite e tyre misionarizuese, fetare e politike. Keto synime tendencioze per te percare popullin, jane duke u perseritur edhe ne shekullin 21, ne nje kohe kur iluminizmi eshte qenesor", ka thene Vjollca Hajdari.

Mu per kete arsye, leksionin e saj ajo e ka filluar me citatin e Pashko Vases "mos shikoni kisha e xhamia, feja e shqiptarit eshte shqiptaria", duke apeluar qe shqiptaret mos te bien pre e neogreqizmit, islamit politik, te udhehequr nga Turqia dhe Arabia Saudite dhe rrymave tjera indoktrinuese, te cilat religjionin e perdorin si arme politike.

Gazetarja shqiptare ka thirrur per me shume vetedijesim, sa i perket vlerave, shpirtit dhe identitetit shqiptar, duke aluduar ne besimin tradicional dhe ne autoktonine e popullit me te vjeter ne Evrope.

Permes fotografive ajo ka ilustruar pjesen antike qe nga koha e pellazgeve e ilireve, dhe ka elaboruar besimin pagan deri ne kohen e krishterizmit, per te vazhduar me periudhen e islamizimit nga pushtimi osman dhe ate te ateizmit ne Shqiperi.

Hajdari ka prezantuar mbreterit ilire, 4 papet me te njohur shqiptare dhe perfaqesuesit rilindas, nder ta Naim, Sami e Avdyl Frasheri, te cilet i takonin bektashizmit.

Me gjithe personalitetet e ndritshme qe ajo ka paraqitur, fokus te vecante kishte kryeheroi Gjergj Kastrioti - Skenderbeu, i cili kishte unifikuar popullin shqiptar, permes Beselidhjes se Lezhes.

 "Jam sidomos krenare qe ligjerimin tim e vizituan shqiptaret ortodoks, katolike, myslimane dhe ateiste, njashtu sic jemi mesuar te bashkejetojme me shekuj" ka thene Vjollca Hajdari, e cila ishte e ftuar nga Shtepia e Lessingut dhe Instituti i Evropes Juglindore ne Berlin.

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)