21 Shtator 2018

Gjerë kur dënime raciste vetëm për shqiptarët në Maqedoni, Serbi dhe Kosovë

Shkruar nga Valon Jashari
   
Vendimi i gjykatës në Shkup që dënoi 33 shqiptarë i njohur si grupi i Kumanovës me gjithsej 746 vite burgim dhe të shtatë  personave me burgim të përjetshëm edhe njëher tregoj njëanshmërin dhe mendësin sllavo-maqedonase mbi diskriminimin vetëm të shqiptarve me vendime drakonike-raciste.

Mbrojtja e lirive dhe të drejtave të njeriut për një gjykim të drejtë dhe të paanshëm është element themelor në funksionimin e shtetit demokratik.

Shtylla kryesore në funksionimin normal të shteteve demokratike është barazia para ligjit dhe respektimi i lirive themelore të tij.

Këtë e kanë dëshmuar shtetet euro – perëndimore (skandinave) ku respektimi i lirive dhe të drejtave të njeriut ka arritur në zenit dhe janë shtetet më të fuqishme ekonomike, sociale dhe demokratike.
  
Duke mos dashur të hym në detaje të këtij rasti pasi që edhe ashtu ka qenë shumë i mbyllur për publikunë si rastë gjatë gjykimit, por do të shpresojm se ky rastë duhet të  i nënshtrohet një hetimi ndërkombëtar dhe të shfuqizuar ky vendim racist.

Në shtetin e Maqedonis nuk është vetëm ky rastë që mori këtë denim drakonik por janë me dhjetra raste të njohura si ai: Sopotit, Mostra, Abdyl Jakupit, etj… raste ku vetëm shqiptarët marrin dënime kapitale.

Pjesa esenciale e mosfunksionimit normal të ligjit apo për të thënë zbatimi i ligjit në mënyr të një anshme me vija të qarta politikeo-raciste vetëm atëher kur bëhet fjalë për shqiptarët në shtetin maqedonas është politika që është e kapur me gjyqësorin.

Duke mos dashur të shpresuar tek partit politike maqedonase për të vënë një sistem ku ligji është i barabart për të gjitha etnitetet që e përbëjn këtë shtetë pasi që ende nuk janë të liruar nga mendësia hegjemoniste e saj që ka në raportë me shqiptarët.

Ky realitet i hidhur të lë për të kuptuar se partit politike shqiptare jo vetëm që nuk unifikohen në momente e duhura për qeverisje por dinë ti shërbejn palës maqedonase vetëm për të qenë në qeverisje si një pataric e kalbur dhe duke mbyllur sytë para shkeljeve elementare të ligjit kur është fjala për popullatën shqiptare.
  
Këto standarte të dyfishta janë po ashtu edhe në serbi kur është fjala për shqiptarët. 
  
Gjykatat në shtetin serb në shqiptimin e dënimeve janë aqë raciste të një anshme në raport me shqiptarët  saqë të krijohet përshtypja se po jetojm në shekullin shtatëmbëdhjet, atëhër kur liritë dhe të drejtat e njeriut ishin në konsolidim e sipër në kontinentin europian.

Po ti referohemi të gjithave vendimeve gjyqësor të gjykatave në Serbi mund të vëresh që në shikim të parë këtë racizim e njëanshmëri të ligjit, vetëm atëher kur do të ndërlidhej ndonjë shqiptarë në këto raste gjyqësore.

Politika e shtetit serb është aq e ndërlidhur në sistemin gjyqësor të saj, sa që këtë mund të e vëreni me rastin e ndërhyrjes direkte të qeveritarve serb dhënë në mënyr publike ndaj proceseve gjyqësore.

Mjafton të shikoni ndërhyrjet drikete të qeveritarve serb edhe atë jashtë juridiksionit të shtetit të tyre, kur ishte rasti i shqiptimit të dënimit qesharak, gjë që ishte minimal, të ish-liderin e Iniciativës serbe SDP, Oliver Ivanoviq.

Shteti serb nuk hezitoi të deklarohet publikisht për raste të tilla, si gjatë procesit të gjykimit si dhe pas shqiptimit të dënimit, ku edhe dënimet e shqiptuara rezultuan minimale. 

Ish-komandanti i Xhandarmërisë së Serbisë, Bratislav Dikiq i cili së bashku me 19 shtetas të tjerë serbë që  u arrestuan më 15 tetor nën dyshimin për planifikimin e sulmeve  në institucionet shtetërore të Malit të Zi gjatë natës kur u mbajtën zgjedhjet, edhe në këtë rast në mënyr publike shteti serb u deklaur në mbrojtje të Dikiqit.

Çështja e gjyqësorit as në shtetin e  Kosovës nuk është shumë për të dëshiruar për fatë të keq. 

Shumë herë për fatin tonë të shqiptarve ku dallon me raste e lart cekur si në Maqedoni dhe Serbi, pasi që këtu është shteti ynë dhe kemi pasur edhe asistencë ndërkombëtare që pas përfundimit të luftës.

Kjo politik e mos funksionalizimit të duhur të ligjit në shtetin e Kosovës edhe atë me vendime edhe raciste që nxjerrin gjykatat tona atë shpesh herë si me vendimet e ish-gjyqëtarve të UNMIK-t dhe Eulex-t mund të e vërejm që në shikim të parë.

 Po ti referohemi veprave të karakterit politik në Kosovë shihet shumë qartë  një diferencë e madhe gjatë shqiptimit të dënimeve.

Kur kanë qenë të përfshirë serbët për krime lufte apo terrorizëm apo huliganizëm, në territorin e Kosovës, shqiptimi i dënimeve ka qenë aqë minimal sa për të thënë edhe qesharak.

Këtu jo vetëm me fajin e gjyqtareve  vendor që nga koha e bartjes së kompetencave por të atyreve ndërkombëtar të fraksioneve të caktuar që vepronin në këto misione ndërkombëtare.
  
Politikant janë aqë shumë të involvuar në sistemin gjyqësor sa që kur janë vetë objekt i akuzës,  ata dalin me dënime minimale shpesh herë edhe të pafajshëm, këtu mund të i’u referohemi me dhjetra raste. Edhe pse sistemi gjyqësor në Kosovë nga e kaluara e sistemit Jugosllav i barti edhe ish-gjyqëtarët kriminel që ishin të involvuar në krimet e sistemit kundër popullatës shqiptare.
  
Këta gjyqëtar duhet së pari nënshtruar ligjit të Lustracionit, dhe pastaj për të mundur për të ndar drejtësi, pasi që ndarja e drejtësi nga një përson me të kalur kriminale është një krimë i dyfisht dhe vetëm drejtësi nuk mund të quhet.


/Autori eshte historian, ish-veteran i UÇPMB-së, ish-Kryetar i “Lëvizjes së Lirisë”, lëvizje që vepron në Preshevë, Bujanoc dhe Medvegjë, ish i burgosur në grupin e Dobrosinit, si dhe aktivist për të drejtat e shoqërisë shqiptare/
  
 

Kalendari

Ngajrjet e datës 21 shtator 2018

- Kolegji “Tempulli” i mbeshtetur nga Oda Ekonomike Gjermane dhe Asociacioni Kosovar i Motorizimit organizojnë tryezë diskutimi për të shënuar Ditën Evropiane pa Viktima në Rrugë. (Ndërtesa e OEGJK, në Zonën Industriale në Fushë Kosovë, ora 9:00)

- Let’s Do It Kosova organizon aksioni i radhës në kuadër të fushatës “Ta Pastrojmë Kosovën”. (Pranë stadiumit “Fadil Vokrri”, ora 9:00)

- Kryeministri Ramush Haradinaj merr pjesë në aksionin e pastrimit në kuadër të Task Forcës “Ta pastrojmë Kosovën”. (Deponia pranë Stadium “Fadil Vokrri”, ora 9:00)

- Universiteti “Kadri Zeka” në Gjilan organizon provimin pranues për studentë të rinj. (Universiteti i Gjilanit, ora 9:00)

-  Oda Ekonomike Amerikane në Kosovë organizon tryezën e titulluar “Disponueshmëria e Fuqisë Punëtore në Kosovë”. (Salla e Konferencave Orion, ora 10:00)

- Projekti rajonal "Rrjeti i Veprimit për Ndërtimin e Ripërtritjes Urbane në Evropën Juglindore" organizon një ceremoni nënshkrimi të Marrëveshjes Ndër - Komunale për themelimin e rrjetit "Ripërtëritja nga Fatkeqësitë për komunat e Istogut, Klinës, Malishevës dhe Pejës”. (Hotel Swiss Diamond, ora 10:00)

- Në Kuvendin e Republikës së Kosovës bëhen homazhe me rastin e rivarrimit të Kolonel Ahmet Krasniqi dhe Qazim Jakupi. (Holli i Kuvendit, ora 10:00)

- Kryeparlamentari Kadri Veseli bënë homazhe me rastin e rivarrimit të dëshmorit Ahmet Krasniqi. (Holli i Kuvendit, ora 10:00)

- Kryeministri Ramush Haradinaj bënë homazhe pranë arkivolit të Dëshmorëve të Kombit, Kolonel Ahmet Krasniqi dhe Qazim Jakupi. (Holli i Kuvendit të Kosovës, ora 10:00)

- Ushtrues i Detyrës së Ministrit të Mjedisit dhe Planifikimit Hapësinor, Fatmir Matoshi  do të vizitojë Komunën e Prizrenit, ku së bashku me kryetarin e kësaj komune, Mytaher Haskuka do të nënshkruajnë një memorandum bashkëpunimi për ndërtimin e deponisë së mbeturinave inerte. (Ndërtesa e komunës se Prizrenit, ora 10:15) 

-  Promovohet raporti 'Stafi Akademik i UP-së - studimet, angazhimet tjera, plagjiaturat, vlerësimet e profesorëve dhe përpjesa staf-studentë e studentë-hapësirë', mes tjerash, do të publikohen rastet e 16 profesorëve të Universitetit të Prishtinës që ndër vite kanë kryer plagjiaturë. (Qendra Informative Kulturore e BE-së, ora 11:00)

- Kryeparlamentari Kadri Veseli merr pjesë në manifestimin për 20 vjetorin e rënies së Dr. Lec Gradica. (Fshati Gradicë në Drenas, ora 12:00)

- Kryeministri Ramush Haradinaj merr pjesë në Akademinë Përkujtimore për Dëshmorët e Kombit, Kolonel Ahmet Krasniqi dhe Qazim Jakupi. (Teatri Kombëtar, ora 12:30)

- Kryeministri Ramush Haradinaj merr pjesë në Rivarrimin e Dëshmorëve të Kombit, Kolonel Ahmet Krasniqi dhe Qazim Jakupi. (Varrezat e Dëshmorëve, ora 14:00)

- Mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” dhe EuroMetal-it. (Rektorati i UPHP-së, ora 14:00)

- Academic English Center KS  organizon ngjarjen e promovimit të librit të parë me thënje në gjuhën angleze, botim i parë i këtij lloji me autor kosovar i lindur në Libi. (Ambientin e qendrës Academic English Center KS, afër sheshit “Zahir Pajaziti” , mbrapa bankës TEB, ora 19:00)