17 Qershor 2019

Fuqia amerikane dhe e ardhmja e Kosovës në Ballkan

Shkruar nga Fidan Mustafa

Fuqia Amerikane në Ballkan dhe Evropë, po dëshmon edhe njëherë se mbetet e pakrahasueshme nga forcat politike evropiane e botërore.

 Proceset e rëndësishme të cilat zhvillohen në rrafshin ndërkombëtar si ajo e NATO-së, Klimës, Ekonomisë dhe boshtit të ndikimit evropian në vendet e Ballkanit, dëshmon qartë se roli i SHBA-së mbetet substancial për të ardhmen e kontinentit të vjetër dhe Ballkanit në veçanti.  

Pavarësisht llojeve të pushteteve nëpër vendet evropiane, qofshin ato liberale, konservatore apo nacionaliste, pushtetet e shteteve në Evropë e Ballkan janë mjaftë formale përballë proceseve të rëndësishme ndërkombëtare e gjeopolitike amerikane.

Ato marrin trajtën e ndryshimeve sa herë që kërkon nevoja e një interesi me rëndësi gjeostrategjike amerikane.

Shembujt e protestave në Paris, Tiranë e Beograd, të dala nga hiqi, dëshmojnë qartë se gjithçka ngrihet dhe bije si rezultat i marrëdhënieve politike me Shtetet e Bashkuara të Amerikës.

Fuqitë evropiane vazhdojnë të mbesin brenda kohezionit të një mendësie të vjetër të peshës e protokolleve formale e gjithashtu strategjive boshe, të cilat e vënë në pikëpyetje të madhe vendimmarrjet e rëndësishme ndërkombëtare përgjatë proceseve të rëndësisë dhe sigurisë gjeostrategjike, veçanërisht karshi të ardhmes së Ballkanit dhe ndikimit Rus. 

Britania e Madhe, tashmë ka rrëshqitur në Brexit prej BE-së, si një vend i rëndësishëm dhe domethënës për shumë zhvillime në Evropë gjatë Luftës së Parë e të Dytë Botërore. Gjithashtu Britania ishte e rëndësishme edhe për sigurinë dhe zhvillimet e ardhshme në BE por që po humbiste si rrjedhojë e burokracisë dhe paqartësisë gjeostrategjike. 

Turqia gjithashtu po kalon përskaj procesit të rrëshqitjes gjeostrategjike si njëra ndër aleatët e para dhe më të rëndësishme të NATO-së mes Azisë, Rusisë dhe Evropës. Turqia mbetet një hapë mbrapa në këtë aspekt për shkak të interesave të ngushta në Ballkan dhe peshën e saj në dekadat e ardhshme ndërvepruese me linjat e energjisë dhe linjat ekonomike ndërmjet Azisë, Rusisë dhe Evropës.

Mirëpo, pavarësisht këtyre parametrave mes lindjes e perëndimit, mes Evropës, Rusisë e Turqisë, Kosova shumë shpejt do të transformohet prej një vendi të korruptuar në një vend shembull për rajonin. Do të kthehet në një fuqi ekonomike e ushtarake, njësoj sikurse Japonia, Koreja e Jugut, Kuvajti, të cilat u bënë përmes mbështetjes amerikane dhe interesave gjeopolitike të saj. 

Rrugët energjetike dhe e rrugët e mëndafshta ekonomike mes Azisë, Rusisë, Turqisë dhe Evropës, kalojnë mes përmes trojeve shqiptare, rëndësi të cilën e kanë analizuar shumë hollësisht SHBA-të dhe se kjo 'portë' e kontrollit mund të funksionoj vetëm përmes faktorizimit dhe forcimit të shqiptarëve në Ballkan, miqtë më pro amerikan në botë.

Ndonëse Kosova po kalon nëpër një proces formal të konsumimit të mekanizmave të te drejtës ndërkombëtare për vetëvendosjen e popujve karshi ngritjes së shtetit, negociatash, bërjen e ushtrisë dhe shtrirjen e sovranitetit, gjithsesi bota tashmë ka përjetuar ndryshimet radikale në mënyrën amerikane siç ka ndodhur në shumë vende të botës.  Kosova mbetet segmenti i saj i ndryshimeve të shpejta në dekadën e ardhshme politike, ekonomike e ushtarake me apo pa miratimin e BE-së.

Fuqia amerikane tashmë ka mësuar nga ndërhyrjet nëpër botë se gjeni i një kombi nuk ndryshon për një ditë e as një dekadë, por kur ai të ndryshon për 100 vjet, mbetet i tillë edhe për 100 të tjera, ky është kombi i transformuar shqiptaro - kosovar.

Populli ynë nga ky transformim do të humbas disa nga elementët e rëndësishëm kulturor, fetar e kombëtar, gjithsesi ky është çmimi që do të paguajmë për të shpëtuar dhe ribërë edhe njëherë Shqipërinë e madhe nga një komb që varet e ardhmja e Ballkanit dhe vet fati i shqiptarëve.

Rezistenca jonë kulturore mund të duket e mjaftueshme për publikun, megjithatë tashmë shenjat e para të këtij ndryshimi jemi duke i përjetuar brenda familjeve tona. Ndryshimet të cilat prekin fizionominë e jashtme, janë mesazh i qartë se organizmi ynë veçse ka ndryshuar. 

Zoti e ndihmoftë popullin tonë liridashës!
 

Kalendari

Ngjarjet e datës 17 qershor 2019 - Komuna e Prizrenit nënshkruan kontratë me organizatën Caritas për “Kujdesin Socio-Shëndetësor, shtëpiak dhe ambulator për qytetarët e Komunës së Prizrenit”. (Shtëpia e Bardhë, ora 9:00)

- Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”. (Restaurant Fuad-As në fshatin Reçanë, ora 10:00 - transporti i organizuar nga ana e Komunës, nisja nga Shtëpia e Bardhë, ora 9:20)

- Komisioni Hetimor Parlamentar në lidhje me gjendjen në PTK dhe Vala interviston Rexhë Gjonbalaj, ish Kryetar i Bordit të Drejtoreve të PTK-së. (Ndërtesa e Kuvendit, salla N204, ora 10:00)

- Organizatat e shoqërisë organizojnë Marshin e Refuzimit, i cili do të zhvillohet në kundërshtim të Projektligjit për Financimin e Subjekteve Politike. (Marshi do të nis nga sheshi “Skënderbeu”, ora 10:00)

- Në kuadër të fushatës "Të flasim për ekonominë!" të Zyrës së Bashkimit Evropian në Kosovë mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë". (Shtëpia e Evropës, ora 10:30)

- Kryeministri Ramush Haradinaj bën homazhe në Kompleksin Memorial “Dëshmorët e Kombit” në Gllogjan, me rastin e njëvjetorit të vdekjes së veteranit të luftës së UÇK-së, Hilmi Haradinaj, baba i tre heronjve të kombit. (Kompleksi Memorial në Gllogjan, ora 11:00)

- Drejtori i Administratës në Komunën e Gjilanit, Bardhyl Syla mban konferencë për media lidhur me punën 5-mujore dhe planifikimi për tre muajtë e ardhshëm i drejtorëve të Komunës. (Zyra e kryetarit të Komunës, këndi i konferencave, ora 11:00)

- Mbahet mbledhja komemorative për të ndjerën Prof. Dr. Mandushe Berisha. (Fakulteti Filologjik, ora 11:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi shqyrton kërkesen e Këshillit Kombëtar Shqiptar dhe njoftimi i Komisionit lidhur me vizitën e realizuar në Luginë të Preshevës si dhe diskuton lidhur me tekstet e reja shkollore e riorganizimin e shkollave. (Ndërtesa e Kuvendit, salla N 302, ora 13:00)

- Lëvizja FOL organizon Forumin e FOL Hapur me shefen e Zyrës së BE-së në Kosovë znj. Apostolova dhe ministrin e Administratës Publike Mahir Yagcilar ku temë diskutimi do të jetë ‘Etika në Administratën Publike”. (Zyrat e Lëvizjes FOL, ora 15:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Ajo" nga More Raça dhe "Martesa" nga Blerta Zeqiri. (Kino Armata, ora 20:00)