27 Qershor 2019

Edhe një herë për kullën e Sylejman Vokshit

Shkruar nga arch. Ylber Vokshi-Ylli         

Nuk do ti përsërisë të dhënat të cilat i kamë theksuar në shkrimin e muajit tetor të vitit të kaluar kur në K.K. të Gjakovës në rend të ditës u kërkua“ Shqyrtimi i propozim vendimit për Ndryshimin e një vendimi nga viti 2015 për Shpallje  të Interesit Publik për Monumentin Historik Kulla e Sylejman Vokshit në Gjakovë ”.

Tentimi i pare, ashtu edhe i dyti dështuan përkundër asaj që kryetari aktual i Komunës kishte marr rrolin e tellallit dhe tentoi të manipuloi faktet para asamblistëve.

 Të verbëruar pas interesave të pa shpjegueshme grupore prapë për herën e tretë po tentojnë të kaloi ky propozim në asamble, duke treguar haptas mos dituri elementare ndaj ligjeve, normave e standardeve të trashëgimisë dhe ndërtimit të cilat janë në fuqi në Kosovë,edhe se kryetari i Kuvendit K komunal ishte Ministër në MMPH.

Ajo që kanë bërë këta me degradimin urban të qendrës së qytetit aspak nuk befason njohësit e urbanistikës dhe urgjent duhet ndërmarrë masa parandaluese edhe nga niveli qendror për rastin e kullës.

Me argumente profesionale e shpjegova se një veprim i tillë është tërësisht i gabueshëm dhe përthekon në vete pasoja të pa riparueshme së pari për Gjakovën pastaj për Kosovën dhe për tërë shqiptarinë, pasi është fjala për një monument të trashëgimisë kulturore që i takon shtëpisë të Heroit të Popullit,  Ministrit të Mbrojtjes dhe Financave të Qeverisë së Lidhjes Shqiptare të Prizrenit, Sylejman Vokshit.

Si pjesëmarrës aktiv në formësimin urban të Gjakovës, para luftës, posaçërisht të qendrës së qytetit e cila ishte e mbuluar me plan detal urbanistik, kemi qenë të kujdesshëm që kontakt zona në mes të vjetrës (Çarshish së madhe) dhe të resë (Qendrës) të jetë vetëm hotel “Pashtriku”, kurse pjesa e tjetër të jetë parking i qytetit, duke i ruajtur vizurat ndaj qytetit të vjetër dhe Çabratit, që ka domethënie të madhe për gjakovarët.

Duke iu frikësuar rrethanave politike të kohës dhe apetiteve destruktive të disave, kishte filluar procedura e shpronësimit të  atyre objekteve e cila dhunshëm është ndërpre pa kurrfarë arsyetimi bindës nga ana e Komunës.

Ky ishte  shenjë ogurzi, që kjo zonë të atakohet pas luftës, menjëherë me ndërtimin e një kafe – restoranti, për të  kulmuar me një zgjidhje urbanistike e cila definitivisht ka bërë ndarjen mekanika të dy pjesëve të qytetit, që ishte gabim i madh urbanistik, që e vërtetoi koha.

Pasi kjo zgjidhje urbanistike është në kundërshtim me ligjin e Trashëgimisë Kulturore është dashur të bëhet revidimi detal i projektit e mos të lejohet që afër kullës të ndërtohen objekte shumëkatëshe banimi, por kjo aspak nuk iu konvenon këtyre profiterëve të cilët të vetmin ideal i  kanë përfitimet e lehta materiale.

Duke u nisur nga situata reale në teren dhe me qellim që të fillojnë procedurat e renovimit të objektit dhe hapësirave përcjellëse që duhen në këso raste, në vitin 2015  Asambleja Komunale kishte marrë vendim që ky objekt të jetë i interesit të veçantë publik dhe të jetë pjesë integrale i një tërësie urbanë që së bashku me katër monumente tjera, me shkollën e muzikës dhe parkun “Ali Podrimja” ti shërbejnë qytetit e njëherit të jetë ajo kontakt zona e domosdoshme në mes të vjetrës dhe  të resë.

Mu ky vendim kryetarit aktual të komunës po i  pengon dhe me nguti po orvatet ta shfuqizon,duke bërë gabim të pa falshëm ndaj historisë të bujshme të Gjakovës. Mbes me shpresë që qytetarët e Gjakovës ma në fund do të kthjellen dhe me mjete demokratike  të  ndalojnë këto veprime në të ardhmen.   
 
Autori është ish-Kryetar i Këshillit për Planifikim Hapësinor të Kosovës (KPHK)

 

Kalendari

Ngjarjet e datës 27 qershor 2019 - Ministria e Punëve të Brendshme, Qendra Kombëtare për Menaxhim Kufitar dhe Programi për Kontrollin e Eksportit dhe Sigurinë e Kufijve të Ambasadës Amerikane do të bëjnë "Demonstrim të drejtpërdrejtë" të sistemeve të QKMK-së ku përfshihen: aftësia e pranimit të thirrjeve të telefonatave përmes VOIP, Sistemi për Menaxhimin e Rasteve dhe veglën për Analizë Inteligjente të Biznesit. (Objekti qendrorë i MPB-së, ora 9:00)

- Ministria e Administratës Publike organizon seminarin për Monitorimin e Treguesve të Kontratës për Reformën Sektoriale të Reformës së Administratës Publike në Kosovë - Rezultatet e para të vlerësimit të ekspertëve të BE-së. (Swiss Diamond Hotel, ora 9:00)

- Let’s Do It Kosova” organizon Forumin “EverGreen Kosovo”. (Hotel Emerald, ora 9:00)

- Mbahet seanca e jashtëzakonshme e Kuvendit të Republikës së Kosovës në të cilën do të behët votimi në lexim të dytë i Projektligjit për tatimin në të ardhurat e korporatave. (Kuvendi i Kosovës, ora 10:00)

 - Komuna e Prizrenit do të bëj shpërndarjen e granteve për fermerët përfitues nga projekti i përbashkët i Drejtorisë së Bujqësisë dhe Zhvillimit Rural me Caritas Switzerland, "Prosperiteti i prodhimtarisë agrare në Kosovë nga investimet e qëndrueshme rurale – PASURI". (Hapësira e parkingut prapa Shtëpisë së Bardhë, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Operatori i Sistemit, Transmisionit dhe Tregut të energjisë elektrike të Kosovës organizon ceremoninë solemne të inaugurimit të Nënstacionit 220kV Drenasi. (Objekti i ri në Drenas, ora 11:00)

- Mbahet ceremonia e diplomimit të kadetëve të Forcës së Sigurisë së Kosovës. (Kazerma e Komandës së Doktrinës dhe Stërvitjes në Ferizaj, ora 11:00)
 
- Presidenti i Republikës së Kosovës, Hashim Thaçi, merr pjesë në ceremoninë e inaugurimit të Nënstacionit 220/10 (20), në Drenas. (Objekti i ri në Drenas, ora 11:00)

- Kryeministri Ramush Haradinaj merr pjesë në ceremoninë e diplomimit të kadetëve të FSK-së, gjenerata 2019. (Kazerma “Skënderbeu”, Ferizaj, ora 11:00)

- Mbahet seanca e jashtëzakonshme e Kuvendit të Republikës së Kosovës lidhur me gjendjen në arsim dhe vendimet e Ministrisë së Arsimit, Shkencës dhe Teknologjisë në Republikën e Kosovës. (Kuvendi i Kosovës, ora 11:00)

- Konsorciumi Kosovar i Shoqërisë Civile për Zhvillim të Qëndrueshëm, KOSID, organizon një konferencë për media “Publikimi i letrës së re që KOSID i ka dërguar OPIC-ut, bankës që po e kosnideron përkrahjen ndaj Kosovës së Re”. (Shtëpia e Evropes, ora 11:30)

- Ministri i Kulturës, Rinisë dhe Sportit, Kujtim Gashi do të ndajë certifikatat për pjesëmarrës e kampit veror “Change-Makers”. (Parku i Gërmis, te koshat, ora 12:00)

- Kosovo 2.0 sjell themeluesin e revistës MyKali, Khalid Abdel Hadi i cili do të flasë për rolin e artit në ballafaqimin me çështjet si identiteti gjinor në shoqëritë ku dominojnë disa norma të posaçme, si dhe për sfidat dhe përvojat e tij në zhvillimin e revistës MyKali. (Hapësira e K2.0, ora 18:00)