24 Shkurt 2021

Diskursi NE dhe ATA - Populist dhe Revulicionar!

Shkruar nga Bahri Bivolaku

Ora u është ndalur në teoritë politike të viteve 1930 e tutje. Teori këto të cilat nxitën luftën e dytë botërore mbi maksimën NE dhe ATA.

Në politikat e së majtës moderne socialdemokrate, ky diskurs moti është braktisur, ndërsa politikat e qëndrës a të djathtë ironizojnë me mendimet e tilla të tejkaluara moti.

Nuk ka politikë të vjetër apo të re. Ka mendim të ri për mënyrën e qeverisjes apo për një çështje të caktuar e jo ndarje mbi maksimën ne jemi politika e re dhe ju jeni politika e vjetër.

Logjika nga ky diskurs revolucionar na qon tek ideja se kancelarja Gjermane Merkel pasi ka qeverisur gjatë me vendin i takon mendësisë së politikës së vjetër dhe duhet përmbysur për t'i krijuar hapësirën politikës së re të së majtës ekstreme.

Nga mendimi i tillë mbi politikën Joe Biden nuk do të duhej fare të garonte për president të SHBA-ve, pasi po i takojka politikës së vjetër.

Diskursi mbi ndarjen në politika e vjetër dhe e re ka elementin moralizues në politikë për t'i shërbyer mobilizimit të masës për përmbysje e revolucion.

Konsiderohet si instrument i duhur për marrjen me çdo kusht të pushtetit, karakteristikë kjo e njohur në politikë nga vitet 1930 në Evropën e së majtës ekstreme.

Cili ishte mendimi i ri në politikë në qeverisjen 100 ditëshe të këtyre ideatorëve politikë. Mbizotërim i plotë i mendimit e veprimit politik që në emër të çkapjes të kapet çdo gjë edhe pa respektu procedura. Me këtë mendim të "ri" ishte karantinimi selektiv, apo edhe keqpërdorimet në luftimin e pandemisë.

Mos vallë mendim i ri qenka shkelja e kushtetutës apo edhe shumë e shumë shkelje tjera??? Mendim i ri në politikë na qenkan sharjet, linçimet e atakimet për të gjithë ata të cilët nuk mendojnë si NE por si ATA. Në raport me politikat me ndërkombëtarët ka një diskurs i konsideruar si i "ri" dhe i cili dallon me të "vjetrin". U ftohën marrëdhëniet me SHBA-në . Vërtet politika e mendimit të "ri" dhe atij të" vjetrit", vetëm këtu dallon e në asnjë formë tjetër në këto 100 ditët e qeverisjes.

Konsideroj se ky diskurs i cili po tenton të lartësohet në kauzë populliste nuk paraqet asfarë mendimi të ri në politikë, madje mund të konsiderohet se është mendësia politike më e vjetra. Sot, vendit tonë në politikat e brendshme i duhet qartësim në vendosje të kufirit ndarës se ku mbaron politika e fillon kriminaliteti, dhe jo teoritë revolucionare të të menduarit politik.

"Kërcënimet" virtuale dhe gënjeshtra si standard i ri në politikën e Kosovës e instaluar nga diskursi politik NE dhe Ata , nga e majta ekstreme!

Politika në Kosovë po e prek fundin e pusit. Etja për pushtet e privilegje të imagjinuara e kanë bërë të humb natyrësinë e saj të ekzistencës. Një pjesë e kësaj politike, e cila me çdo kusht po dëshiron ta ruajë pushtetin nuk zgjedh mjete në këtë qëllim. Po tenton ta instalojë një mentalitet e standard të ri në politikë pa zgjedhur mjetet.

"Kërcënimet" virtuale, gënjeshtrat në deklarime publike, presionet dhe e drejta selektive si pronë e tyre e bëjnë të dëmshme për vetë ekzistencën e shtetit. Tendenca e tillë ka për objektiv destabilizimin e vendit dhe konfliktet brenda vetë shoqërisë dhe ikjen nga rregullat e lojës në demokraci. Shpresoj që shoqëria në vendit tonë është sa e emancipuar aq edhe racionale për mos ta pranuar këtë diskurs politik i cili po ka dëshirē të imponohet.

 Diskursi i tillë i përcjellur me " Demokracinë e Rrugës" na rikthen në vitin 1999 , tek Rezoluta 1244,si derivati nga ka dalur Marrëveshja e Rambujesë. Politika nëse pak e do vendin e braktis këtë diskurs, dhe i kthehet tavolinës së bisedës në arritjen e konsensusit primar, ndërsa për atë sekundar të mbajn dallimet programore.

 Pres që PDK-ja , me veprimtarinë e saj të prijë me idetë e saja dhe nxjerr nga ky shtrat moçalor ku është duke u ndërtuar politika në Kosovë. Asgjë nuk është pushteti kur do na mungojë shteti.

 

Kalendari

Ngjarjet e datës 24 Shkurt 2021

- Mbahet ceremonia e shpërndarjes së çertifikatave të auditorëve të energjisë. (Ministria e Ekonomisë dhe Ambientit, ora 10:00)

- Agjencia e Kosovës për Akreditim dhe Projekti për Arsim të Lartë, Hulumtim dhe Shkencat e Aplikuara Plus bën prezentimin e Manualit për Ekspert të mbështetur nga HERAS Plus. (Hotel Sirius, ora 10:00)

- Mbahet seanca për shqyrtimin e ankeses per rritjen e denimit për rastin e vrasjes së Kujtim Veselit. (Gjykata e Apelit, ora 10:15)

- Pasi që në SHBA u shënua një moment historik i zymtë dhe i matur, ku u përkujtuan më shumë se 500.000 vdekje nga COVID-19 në këtë shtet, shoqata "Miqtë e Amerikës", me qëllim të solidarizimit me popullin e institucionet amerikane  do ta ulë në gjysëm shtizë flamurin amerikan dhe do të ndez qirinjë në nderim të të vdekurve. (Tek shtatorja e Presidentit Bill Clinton në Prishtinë, ora 11:00)

- Mbahet konferenca e radhës për ecurinë e çështjes së rastit ndaj krerëve të veteranëve të luftës së UÇK-së Hysni Gucati dhe Nasim Haradinaj. (Gjykata Speciale në Hagë,ora  11:00)

 

- Ministri në detyrë të Bujqësisë, Pylltarisë dhe Zhvillimit Rural, Besian Mustafa mban konferencë për shtyp. (Ambientet e Ministrisë së Bujqësisë, ora 15:30)