20 Mars 2019

Diaspora, fryma e vendit

Shkruar nga Shpëtim Morina

Kosova njihet me diasporen më të fuqishme nga të gjitha vendet ballkanike por edhe regjionale.

Përderisa ky vend yni përballet me një realitet të hidhur nga sferat më vitale të jetës duke filluar nga niveli shëndetësor, ekonomik, juridik dhe jetësor, shpresa e fundit mbetet tek mërgata jonë që jeton jashtë vendit.

Ky infusion që po e mjekon “pacientin” e sëmurë të quajtur Kosova është i vetmi bar që po funksionin në trupin e sëmurë nga shumë sëmundje që po lëngon ky “pacient”.

Kur qeveria e vendit dhe bartësit e institucioneve shtetërore janë duke u marrur me rritjen e pagave të tyre personale, kur konkurset e institucioneve qendrore e lokale janë formale, kur shëndetësia në këtë vend ka vdekur qe një kohë të gjatë, kur arsimi në Kosovë lëngon nga “analfabetët me diploma”, kur sistemi gjyqësor ballafaqohet me sfida të mëdha ekzistenciale, atëherë e vetmja hallkë që funksionon në mënyrë kontinuele është diaspora. Por nëse bëhet pyetja nëse kjo është zgjidhja? Definitivisht që JO.

Mosfunksionimi i qdo sfere vitale në vendin tonë mundëson që kjo shoqëri prapë të jetë një barrë mbi diasporën tonë të fuqishme.

Kontributi i tyre ishte nje vulë e madhe para, gjatë dhe tash po vazhdon të jetë jetik edhe pas lufte dhe edhe pas shtetformimit.

Kjo vjen në shprehje për shkak të papërgjegjesise totale të institucioneve dhe njerëzve të paaftë që udhëheqin sektorët më jetikë të shtetit.

Ekonomia e një vendi stabil evropian nuk varet vetëm nga remitencat por nga të hyrat bugjetore që i realizon shteti me mekanizmat e vet.

Definitivisht ky vend ka nevojë për reforma të thella substanciale, për një reformim të sistemit të udhëheqjes në nivelin qëndror e lokal, për një mendësi të re qeverisjeje.

Qeverisja e re nuk nënkupton vetëm sjelljen e njerëzve të ri në moshë, por nënkupton sjelljen e njerëzve meritor dhe njëherë e përgjithmonë dhënien e hapësirës për ekspertë të fushave të ndryshme.

Ky fakt sa i përket qeverisjes është mjaftë i rëndësishëm për t’u përmendur sepse shumë investitor të huaj por edhe shqiptarë nga vendet tjera po hezitojnë të investojnë në Kosovë pikërisht nga këta njerëz që qeverisin me vendin.

Prandaj kjo diasporë meriton një medalje të arit sepse atë që po bën, asnjë udhëheqje nuk e ka bërë gjatë këtyre 19 vite në liri.

Padyshim që ka ardhur koha që njerëzit e rinjë me mentalitet evropian ti marrin përgjegjësitë, jo të rinjë të zgjedhur nëpër konkurse false me mentalitet provincial e partiak ku kontributi i tyre në fushata zgjedhore mjafton t’a fitoj një vend pune e jo përgatitja e tij profesionale.

Ky mentalitet po na bënë si vendin më të pa zhvilluar në Evropë, vendin me papunësinë më të madhe në Evropë, vendin i cili ka mbetur i izoluar nga Evropa, vendin ku meritokracia është fjalë e panjohur, vendin ku të paditurit udhëheqin, ku njerëzit e aftë qëndrojnë në shtepitë e tyre pa pasur hapësirë për të dhënë kontributin e tyre për vendin e vet vetëm sepse gjatë fushatave zgjedhore nuk kanë qenë servilë të një krahu të caktuar politik.

Përfundimisht kjo rini nuk e ka merituar këtë nënqmim institucional që po ju bëhet pa dallim nga niveli qendror e lokal.

Vullneti i madh i rinisë do të bëjë ndryshimin e duhur për një të ardhme të ndritur pavarsisht pengesave që po u bëhen.

Ky vend ka ditur, din dhe do të dijë që gjithmonë nëpër kohë t’u bëj ballë ndryshimeve kohore dhe qeverisjeve të dobëta dhe pa koncept qeverisës.
 

Kalendari

Ngjarjet e datës 20 mars 2019 - Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë, do të organizojë konferencë informuese për lansimin e “Programi për Grantet e Përputhshme”, që është i financuar nga Banka Botërore. (Hotel Emerald, ora 8:30)

- Ministri i Drejtësisë, Abelard Tahiri raporton para komisionit për Integrime Evropiane për zbatimin e Programit Kombëtar për zbatimin e Marrëveshjes së Stabilizim- Asociimit dhe Agjendës për Reforma Evropiane. (Ndërtesa e Kuvendit, salla N 302, ora 10:00)

- Ministria e Tregtisë dhe Industrisë prezanton Programin për Mbështetjen e Konkurrueshmërisë së NVM-ve  bashkëfinancuar nga BE-ja dhe BERZH-i.  (Hotel Swiss Diamond, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të diskutohet rreth organizimit të një konference rajonale me Kryetarët e Komisioneve homologe dhe Kryetarët e Gjykatave të Auditimit të Shteteve të rajonit. (Ndërtesa e Kuvendit, salla N 225, ora 10:00) 

- Jahjaga Foundation organizojnë tryezën e rrumbullakët me temë “Roli i medias në përmirësimin dhe raportimin e drejtë për gratë në qeverisje”. (Hotel Sirius, ora 10:30)

- Ministri i Kulturës, Rinisë dhe Sportit, Kujtim Gashi do të vizitojë Federatën e Basketbollit të Kosovës me ç’rast do të nënshkruhet edhe një memorandum bashkëpunimi. (Federata e Basketbollit, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal Publike në të cilën do të diskutohet lidhur me shqetësimet e bizneseve për furnizimin me energji elektrike. (Ndërtesa e Kuvendit, salla C 405, ora 11:00)

- Me rastin e Ditës Ndërkombëtare të Frankofonisë, dhe në kuadër të javëve të Frankofonisë në Kosovë, Ambasada e Francës feston ditën ndërkombëtare të frankofonis. (Sheshi Zahir Pajaziti, ora 11:00)

- Mbahet mbledhja e komisionit për Shëndetësi, Punë dhe Mirëqenie Sociale në të cilën do të diskutohet informata e drejtorti të Shërbimit Spitalor dhe Klinik Universitar të Kosovës, lidhur me gripin sezonal në Kosovë. (Ndërtesa e Kuvendit, salla N 303, ora 11:00)

- Komisioni për Buxhet dhe Financa voton raportin vjetor të shpenzimeve të Kuvendit të Kosovës për vitin 2018, voton për Projektligjin për Qasje në Dokumente Publike dhe amendamentet e Komisionit për Administratë Publike, Qeverisje Lokale dhe Media. (Ndërtesa e Kuvendit, salla C 203, ora 11:00) 

- Nën kryesimin e kryetarit Mustafa, mbahet mbledhja e kryesisë me kryetarët e degëve të Lidhjes Demokratike të Kosovës. (Hotel Sirius, ora 14:00)

- Kuvendi i Republikës së Kosovës, me iniciativën e Forumit për Transparencë Parlamentare, vazhdon aktivitetin "Ditët e Kuvendit" në Skenderaj. (Salla e mbledhjeve të Kuvendit Komunal në Skenderaj, ora 14:00)

 - Kryeparlamentari Kadri Veseli, i shoqëruar nga Ministri i Drejtësisë, Abelard Tahiri, do të vizitojnë Agjencinë Kundër Korrupsionit, ku do të takohet me Drejtorin e kësaj Agjencie, Shaip Havolli. (Agjencia Kundër Korrupsionit, Rr. "Nazim Gafurri" Nr. 31, ora 14:00)

- Kryetari i Lidhjes Demokratike të Kosovës, Isa Mustafa, u drejtohet gazetarëve në një konferencë për media pas mbledhjes së kryesisë. (Hotel Sirius, ora 16:00)

- Fondi për të Drejtën Humanitare Kosovë mban ligjëratën publike “Sot, 20 vite më parë: Rasti ‘Te Pishat’ në Skënderaj”. (Qendra e Dokumentimit Kosovë në bibliotekën Hivzi Sulejmani, ora 16:30)