20 Tetor 2020

Demoralizimi Demokratik

Shkruar nga Shefqet Dibrani

Isa Mustafa, kreatori i LKJ-së, duhet të marrë shembull nga drejtori i AKI dhe urgjentisht të largohet nga LDK-ja.

Pastaj nëse dëshiron Kryesia e LDK-së mund ta dekorojë me Urdhrin e AVNOJ-it, për merita të jashtëzakonshme, për futjen e konceptit përçarës brenda LDK-së.

Kjo klientelë e ardhur nga RIINVEST, mund të nis procedurën për ta futur Isa Mustafën edhe në Librin e Rekordeve Guinness, pasi Ai është i vetmi komunist në të gjithë kampin e lindjes, përkatësisht në të gjitha vendet postkomuniste, që është zgjedhur kryetar i një Partie Demokratike pa qenë kurrë më parë anëtar i saj.

E të gjithë ne e dimë se bashkë me Isa Mustafën, në LDK, është kapërthurur klientela që anëtarësinë politike e ka në RIINVEST, në Organizata Jo Qeveritare, me ç’rast kanë zbeh rëndësinë e të qenit anëtarë i kësaj partie, dhe në anën tjetër kanë ndërtuar imoralitete të pafundme, duke shantazhuar e keqpërdorur edhe familjarët e personaliteteve të njohura në LDK, që i kanë keqpërdorur fatkeqësitë.

Në zgjedhjet e sivjetme ranë Komandantët që kanë keqpërdorur gjakun e luftëtarëve, kurse në LDK ka ardhur një formë tjetër e Komandantëve, si një lojë me gjakun e familjarëve, vetëm e vetëm për ta shpëtuar Isa Mustafën, të cilit tashmë iu paska ngjallur ambicia për tu bërë edhe President i Kosovës.

Çuditërisht AKI, dhe as Prokurori i Shtetit nuk kanë nisur procedurë hetimore as penal për Këshilltarët e Presidentit të Dytë të Kosovës, të cilët ose nuk ditën për ta ruajtur e këshilluar Presidentin e Kosovës, ose qëllimisht e kanë shantazhuar se ndoshta ishin pjesë e shërbimeve antiamerikane brenda Presidencës së Republikës së Kosovës?!

Kjo nuk dihet. Por, për fat të keq vetëm në Kosovë po ndodhë që këshilltarët e dobët dhe asi që mund të kenë shantazhuar qëllimisht Presidentin e Kosovës, të ngjiten në postin e Kryeministri ose të kenë pretendime për Kryeministre. Sigurisht edh ky rast është për tu regjistruar në Librin e Rekordeve Guinness.

Nëse deri më tash AKI-ja nuk është marrë me këto zhvillime antidemokratike brenda LDK-së, dhe kudo tjetër, tash e tutje duhet ti ketë parasysh edhe këto çështje, dhe bashkë me Prokurorin e Shtetit, duhet të nisin hetime të hollësishme për të qitur në pah se si përbiroi gjithkund dhe në të gjitha sistemet Isa Mustafa.

Qoftë atëherë kur ishte strukturë e LKJ-së, qoftë kur ishte emëruar drejtor i dhunshëm në Qendrën e Studentëve në UP të Prishtinës, pa ia harruar edhe debatet e famshme për ndryshimet kushtetuese në favor të Serbisë, në të cilat është thënë se Isa Mustafa ka qenë mjaftë aktiv.

Ndërsa për afinitetin e tij përçarës mund të flasin Degët e LDK-së në Diasporë, atëherë kur ishte I.M. Ministër në Qeverinë e Bukoshit në ekzil. Pra atëherë kur përçau dhe sabotoi të gjitha përpjekjet e dr. Ibrahim Rugovës dhe të LDK-së për ta sensibilizuar çështjen e Kosovës.

Çuditërisht atëherë kur LDK-ja bënte çmos për tu shkëputur nga Serbia, Isa Mustafa (edhe pse ishte azilant dhe kishte një rrogë minimale), në vitin 1994, bashkëthemeloi Institutin “RIINVEST”, ku thuhet se ishte aksionar, dhe se kishte qëllim për të përgatitur kuadër për sistemin serb në Kosovë.

Pas vdekjes së dr. Ibrahim Rugovës, kjo klientelë vrullshëm u kapërthur në strukturat e LDK-së, pa qenë anëtarë të saj.

Korruptoi maniakë lokal dhe eliminoi të gjithë kundërshtarët e tij, duke spastruar LDK-në nga Elita Intelektuale dhe nga të gjithë themeluesit e saj, pastaj shkatërroi Aktivet e LDK-së si dhe Degët e LDK-së në Zvicër dhe Gjermani duke ndryshuar strukturën e partisë, ai arriti ta largoj LDK-në, edhe nga partneriteti strategjik me SHBA-të.

Ndryshimet që kanë ndodhur në zgjedhjet e 6 tetorit 2019, veçanërisht largimi i Drejtorit të AKI-së, bëjnë të mundur për të nisur hetime të detajuara  për të gjitha veprimet antidemokratike dhe antiamerikane të Isa Mustafës dhe klientelës  RIINVEST, e cila pa meritueshëm, pamoralshëm dhe në kundërshtim me të gjitha normat statutare e juridike, dhe në kundërshtim me të gjitha vlerat demokratike janë kapërthurur në LDK.

Në anën tjetër ne mendojm se ka ardhur koha që brenda LDK-së të nisin reforma rrënjësore, por kësaj radhe, elektorati i LDK-së nuk duhet me u mashtruar nga ata të cilët sabotuan procesin e reformave që patën nisur gjatë vitit 2015-2016.

Kjo klientelë është identifikuar se janë me Isa Mustafën, të cilin në kundërshtim me të gjitha vlerat demokratike kanë qëllim për ta bërë edhe President të Kosovës!

Zot ruaje LDK-në, nga i ashtuquajturi “Brezi i Republikës” dhe reformatorët e rrejshëm!...

Kalendari

Ngjarjet e datës 20 Tetor 2020 - Kryetari i Komunës së Prizrenit, Mytaher Haskuka do të pret në takim shefin e Zyres së Bashkimit Evropian në Kosovë, ambasadorin Tomas Szunyog. (Hapësirat e Shtëpisë së Bardhë, ora 8:20 - vetëm pamje)

- Kryeministri Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në Inaugurimin e Palestrës Sportive në Deçan. (Objekti i Palestrës Sportive në Deçan, ora 10:00)

- Ministri i Bujqësisë Besian Mustafa viziton Gjilanin ku do te takohet me kryetarin Lutfi Haziri. (Zyra e krytarit Haziri, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Abuzimi i fëmijëve dhe sulmet seksuale- Nevoja për trajtimin me prioritet të rasteve të abuzimeve seksuale”. (Platforma zoom, ora 10:00)

- Ministri i Ekonomisë dhe Ambientit, Blerim Kuçi pritet nga kryetari i Komunës se Suharekës. (Komuna e Suharekës, ora 10:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për të Drejtat Pronësore të shtetasve të huaj në Republikën e Kosovës, projektligjin për të drejtën ndërkombëtare Private, etj. (Ndërtesa e Kuvendit, salla N303, ora 11:00)  

- Ministrja e Kulturës, Rinisë dhe Sportit Vlora Dumoshi viziton Komunën e Klinës. (Komuna e Klinës, ora 11:00)

- Kryeministri Avdullah Hoti viziton Komunën e Klinës. (Komuna e Klinës, ora 11:00)

-  Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisioni për Mbikëqyrjen e Financave Publike Raportin lidhur me raportin Vjetor te Auditimit. (Ndërtesa e Kuvendit, salla C203, ora 11:00)

- Bëhet përurimi i ujësjellësit, investim nga CDI-Zvicerrane, Hidroregjioni Jugor dhe Komuna e Suharekës. (Fshati Nëpërbisht të Suharekës, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton projektligjin për identifikimin elektronik dhe shërbimet e besuara në transaksionet elektronike, Projektligjin për Inspektoratin e punës, etj. (Ndërtesa e Kuvendit, salla N225, ora 11:00)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë Industrin e Mishit “Malësia” në Gjilan. (Gjilan, ora 11:10)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë feremrët e fshatrave të Karadakut. (Fshatrat e Karadakut, ora 11:30)

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Zhvillimit Ekonomik, Besim Beqaj. (Ndërtesa e Kuvendit, salla N225, ora 13:00

- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim, do të shënojë Ditën Ndërkombëtare për Zhdukjen e Varfërisë ku do të do të ndahet edhe Çmimi i Gazetarëve për Çrrënjosjen e Varfërisë. (Amfiteatri i Muzeut Kombëtar, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis njoftohet për problemet me grumbullimin e qumeshtit nga ana e fermereve të Kosovës, i  ftuar Kryetari i Këshillit koordinues të fermerëve të qumështit. (Ndërtesa e Kuvendit, salla N204, ora 13:00)

- Punëtorët teknik që operojnë në Ministrinë e Mjedisit, Ministrinë e Administratës se Pushtetit Lokal, Ministrinë e Zhvillimit Rajonal, Ministrinë e Drejtësisë dhe Administratës Publike do të protestojnë për ngritjen e pagave te tyre. (Objekti ish Rilindjes, ora 13:00)

- Komisioni për të Drejtat dhe Interesat e Komuniteteve dhe Kthim shqyrton nismen legjislative e Komisionit për plotësimin dhe ndryshimin e Ligjit për Festat Zyrtare në Republikën e Kosovës. (Ndërtesa e Kuvendit, salla N10, ora 13:00)

- Komisioni Qendror i Zgjedhjeve mban mbledhjen e radhës në të cilën do të diskutohet për  lidhur me raportin e vlerësimit të materialeve zgjedhore dhe implikimet buxhetore pas shtyrjes së zgjedhjeve për kryetar të komunës së Podujevës, etj. (Ndërtesa e KQZ-së, në sallën që gjendet në katin 4, ora 13:30)  

- Forumi për Lidership dhe Diplomaci lanson Projektin “Akademia-Ngritja e pjesëmarrjes së Grave Rome, Ashkali dhe Egjiptiane në qeverisje dhe ekonomi në Kosovë”, i mbështetur financiarisht nga Zyra e Këshillit të Evropës në Prishtinë, si dhe realizohet nga Forumi për Lidership dhe Diplomaci. (Hotel Sirius, ora 13:30)