29 Shkurt 2020

Çfarë është një Titist?

Shkruar nga Shefqet Dibrani

Titisti, është insekti më vdekjeprurës në Kosovë, Ai është politikani më i urryer, më i pabesë, më tradhtarë më antikombëtar.

Titisti, të premton në mëngjes të gënjen në drekë dhe të vret në mbrëmje, dhe pastaj pa turp, pa fytyrë, pa ndërgjegje, del para mediave për tu tallur me Kosoven se qenka në mbrojtje të votës qytetare.

Titisti, është ndotësi më i madh i ambientit politik në Kosovë, është pleh, është qenef që vazhdimisht kundërmon.

Titisti, është verem, është gëlbaz, mumie, shtrigë është kanibal...

Titisti, është 7 herë më i poshtër se enverizmi, 70 herë më i keq se marksizëm-leninizmi, ai është vet “Dora e Zezë” e Rankoviqit, që si Shemra po terron mbi Kosovën.

Titisti, është sakat, në tru, në trup, në trap, ai është llumi i proletariatit Jugosllav që për 50 vjet këndoi «Druzhe Tito miti se kunemo».

Titisti, përjashtoi studentët në vitin 1981, diferencoi profesorët në universitet, ai mbajti krahun serb për ndryshimet Kushtetuese dhe vazhdimisht ishte për “Bratsov-Jedinstvo”.

Titisti, vazhdimisht luftoi kundër “Kosovës Republikë”, e sot Republikës së Kosovës, ka vendosur t’ia qes pelikorin (qefinin) e vdekjes.

Titisti, e hëngër, e vodhi paranë e diasporës, ai mashtroi, gënjeu të gjithë Oficieret e karrierës, me një fjalë titisti është reja e zezë mbi qiellin tonë, është fara e zezë në tokën demokratike të Kosovës...

Titsti, është gjithçka por jo njeri. Ai mund të jetë Esat Toptani por jo edhe Avni Libohova, prandaj po vuan kaq shumë e kaq keq Kosova.

E, Kosova po vuan pasi Trimat mbetën në Luftë, Heronjtë i shtanguam në Piedestale, ndërsa Komandantët janë ngatërruar nëpër Tenderë...

Por "Kush do ta vras Ujkun?", që moti ka pyetur Ali Podrimja... S'ka pas faj POETI!... 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)