19 Prill 2019

Ca zëra turpi karshi kërkesës së mësimdhënësve

Shkruar nga Hilmi Gashi

Se në këtë vend vazhdojnë hera herës të shpërfaqën marrëzi nga më të ndryshmet, kjo tashmë nuk bën as çudi e as lajm.

Marrëzi këto që kryesisht për të mos thënë gjithmonë, burim kanë politikën dhe qasjen pa asnjë pikë morali të ushtruesve të saj vendimmarrës karshi qytetarit.

E fundit e këtij lloji, është mospërfillja e qeverisë tash e ca javë karshi kërkesës së mësimdhënësve për rritje page.

Akoma më i marrë është qëndrimi i ca zërave turpi që ca figura karakter-vogël neveritshëm nën petkun e tyre të injorancës shpërfaqin karshi kërkesës së tyre.

Në një kohë kur në botën e qytetëruar mësimdhënësi është diamanti i shoqërisë, në një kohë kur bota e qytetëruar paguan mendjen, dijen dhe arsimin, madje e blen, kurse ne i braktisim në fatin e vet. I lëmë mënjanë, në varfëri.

Edhe ashtu të topitur nga pesha e përgjegjësisë që kanë, i lëmë me një pagë që mezi ia dalin muajit.

Elitën që ushtron profesionin më të çmuar dhe të shenjtë, i lëmë të kërrusur, të lodhur e të përhumbur.

Këta që dikur dhanë gjithçka për këtë vend, këta që dikur punuan pa asnjë të ardhur vetëm që arsimi dhe dija të mos ndalën, sot shkelën “me ligj”.

Për t’ia vënë kulmin marrëzisë, ca analistë të profesionit të ekonomisë thonë së ngritja e pagës për këtë kategori e rrezikon ashpër sistemin fiskal dhe ekonomik në vend.

 Pra, vetëm kjo kategori e rrezikuaka bilancin ekonomik në vend dhe për çudi këtë s’po e bëka asnjë kategori tjetër, madje as rrogat marramendëse të qeveritarëve dhe politikanëve të të gjitha shtresave, që ua bënë vetës pagat më të larta në rajon dhe këtë e bënë “me ligj”.

Madje as dhënia e miliona eurove në vit për veteranë të rrejshëm nuk e prishka sistemin fiskal dhe ekonomik në vend, pazare këto që prekin tash e sa kohë dinjitetin e veteranëve të vërtetë dhe emblemës së tyre të shenjtë.

Ky vend vazhdon të mbetet një xhungël e egër nëpër të cilën lundron politika. Politikanët! Ky lloj i veçantë specie, pushtet-ngrënës, të egër, mizorë. Sot ka të rinj të arsimuar që gjenden të strukur nëpër skuta dhe titujt shkencorë i kanë të varur nëpër gardëroba si relike të braktisura.

Në një vend ku bëhet biznes me luftën, në një vend ku përdhosen edhe dëshmorët që dhanë jetën për lirinë, atëherë pyetja lind së çka s’mund të ndodhi tjetër. Ky vend që moti ka marrë tatëpjetën dhe assesi ta marri vetën.

Në këtë vend çdo ditë dëgjon gjëma të mëdha, por si kjo e mësimdhënësve është një brejtje e ndërgjegjes që duhet ta vret gjithsecilin.

Duhet të lihen mënjanë inatet e ligësitë dhe të jemi të bashkuar dhe të arsyeshëm kur gjykojmë këtë kërkesë më sublime të mësimdhënësve për rritje pagash. Rritje kjo që natyrisht do duhej t’i prekte edhe sektorë të tjerë jetik, ndonëse në momente të tjera.

Zotërinj! Më tepër së karrigen duaj, dojeni popullin, dojeni atdheun, dojeni doktorin, dojeni prokurorin, dojeni gjyqtarin, dojeni policin, dojeni ushtarin, e mbi të gjitha dojeni mësimdhënësin që iu rriti me dijen e tij.

Mos i gjykoni ata mbi bazën e pagave dhe mirëqenies tuaj, por gjykoni sikur jeni nën lëkuren e tyre sepse vetëm kështu do t’i kuptoni drejt hallet dhe kërkesat e tyre sot.
 

Kalendari

Ngjarjet e datës 19 prill 2019

- Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)

- Komisioni Qendror i Zgjedhjeve mbanë mbledhjen e radhës. (selia e KQZ-së, ora 11:30) 

- Kryetari Shpend Ahmeti dhe Drilon Pireva, Udheheqës i projektit për investimet në hyrjet e banesave, do të mbajnë konferencë për shtyp. (lagja Dardania, rr. Kadri Zeka, Blloku 7/1, hyrja A te Bast Trade, ora 17:00)