20 Shkurt 2020

Big Brother is watching you!

Shkruar nga Vetëvendosje

KFOR-i të shikon. Qoftë edhe nëse je duke kaluar qaste intime me partnerin sikur në reklamë. Ai është kudo. Dhe vjen me helikopter. Të shikon me dylbi. Ai është Vëllai i Madh. Ani pse është strukturë më e vogël: KFOR-i është më i shpejtë se kurrë.

KFOR-i të shikon deri në hollësitë më të imëta. Ai e sheh drurin, por nuk e sheh pyllin. Nëse diku në ndonjë fshat të largët të Kosovës e organizon një tubim, KFOR-in do ta kesh pas. Por kur digjen kufijtë e Kosovës nga Serbia, KFOR-i i fut veshët në lesh. Nuk sheh as dëgjon. Po sikur struci. KFOR-i nuk e çan kokën kur strukturat paralele të Serbisë i okupojnë gjykatat në veri. As kur ata hedhin granata dore e shtijnë me kalashnikovë për t’i pengur shqiptarët që t’i ndërtojnë shtëpitë e tyre të shkatërruara atje.

KFOR-i të shikon e dëgjon nganjëherë. Varet. Nëse je shqiptar, ai sillet si Vëlla i Madh. Nëse je strukturë paralele e Serbisë sillet si partner. Të gjitha reklamat e KFOR-it u drejtohen vetëm shqiptarëve. Madje edhe ajo ku tregohen muskujt. Nganjëherë ato u drejtohen të dy palëve – maces dhe qenit. KFOR-i është rojtari i Kosovës që e ka shndërruar në kopsht zoologjik.     

KFOR-i është për stabilitetin e rajonit. Stabilitet që kërkon çarmatosjen e shqiptarëve dhe toleron militarizimin e Serbisë. Ky është stabiliteti i Rezolutës 1244. Stabilitet i gjendjes ekzistuese. Stabiliteti i të dobëtit, i varfërisë, stabiliteti i shitjes së pasurive të Kosovës. Por, sipas KFOR-it ti duhet të rrish i qetë. Të mos bëzash. Sepse Vëllai i Madh po të shikon!

 

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)