21 Maj 2019

Aventura Thaçit me Gjykatën Kushtetuese

Shkruar nga Gani Qarri

Hashim Thaçi po bënë përpjekjet e fundit dhe ndërmerr çdo gjë të mundshme, për ta anashkaluar edhe Kushtetutën e vendit si dhe Kuvendin e Kosovës, në mënyrë që fazën finale të dialogut me Serbinë, ta përmbyllë ashtu siç do ai dhe vetëm me nënshkrimin e tij personal.

I përballur me kritika të shumta e të gjithanshme dhe mungesën totale të mbështetjes nga partitë politike të vendit, për çuarjen përpara të çmendurive të tij aventureske në fazën finale të dialogut me Serbinë, kuislingu Hashim Thaçi po insiston me këmbëngulje, për mbajtjen gjallë të qëndrimit të tij anti-Kosovë pa zgjedhur mjete dhe metoda veprimi deri te ato kundër kushtetuese.

Madje Thaçi ka shkuar aq larg, duke provokuar jo vetëm Gjykatën Kushtetuese, por duke rrezikuar edhe rendin kushtetues të vendit me shtruarjen e një pyetje djallëzore kësaj Gjykate,përmes së cilës kërkon direkt nga institucioni më i lartë kushtetues, që t`ia heq qafe Kuvendin për marrëveshjet që ai dëshiron ti bëj sipas dëshirës së tij, me Brukselin dhe Serbinë.

Për arritjen e këtij qëllimi, Hashim Thaçi po keqpërdor në mënyrën më banale, një dispozitë- njëherëshe të marrëveshjes Kosovë-BE, mbi vazhdimin e mandatit të EULEX’it, vazhdimi i të cilit, është bërë vetëm me dërgimin e anasjelltë të shkresave ndërmjet Presidentit të vendit dhe Përfaqësueses së Lartë të BE’-s.

Këtë marrëveshje të përkohëshme, që ka të bëjë vetëm me mandatin e EULEX-it, Thaçi po insiston, që në mënyrë djallëzore, ta shndërrojë me forcë në vendim presidencial, për shitjen e territoreve të Kosovës.

Kështu që pas mbylljes së të gjitha dyerve për avancimin e çmendurive të tij aventureske, ai së fundmi i ka rënë në qafë edhe vet Gjykatës Kushtetuese, të cilën përmes ndikimeve të veta dhe të Klanit PRONTO, po përpiqet ta detyrojë, që ajo tani, ti hap rrugë projektit të tij famëkeq për ndarjen e Kosovës.

Këtë akt të parecedent, ai e ndërmori si shancën e fundit, për ti shpëtuar Gjykatës speciale, me të cilën qeveria serbe, shihet se po i rri dhe do ti rri edhe në të ardhmen mbi kokë, deri në realizimin e qëllimeve të saj, për shkëputjen e veriut të vendit tonë me vendimin dhe nënshkrimin personal të Hashim Thaçit. 

Se Hashim Thaçi nuk është i vetëm në aventurat pro-serbe për ndarjen e Kosovës, e vërtetoi së fundmi edhe kryeministri shqiptar Edi Rama, i cili pranoi publikisht që ka punuar fshehurazi me Vuçiqin për ndryshim kufijsh në dëm të Kosovës dhe trojeve shqiptare.

Deklarata të tilla dëshmojnë katërçipërisht se për zhbërjen e shtetit të Kosovës, Serbia as që ka fare nevojë për ndihmën e Rusisë, asaj i mjafton puna e djallit që po bëjnë tandemi Edi Rama dhe Hashim Thaçi, të cilët shihet hapur se jo vetëm që janë shndërruar në argatët më besnik të Aleksandër Vuçiqit dhe dorë të zgjatur të Serbisë, por realisht ata po deklarojnë vet se përfaqësojnë hapur, interesat ruso-serbe në tokat tona.  

Madje Hashim Thaci e ka marrë aq me zell punën e ndryshimit të kufijve duke rrezikuar edhe zhvlerësimin e vendimit të Gjykatës Ndërkombëtare të Drejtësisë në Hagë, më 2010, mbi ligjësin e Pavarësis së Kosovës, dhe po i ngutet aq shumë për realizimin e këtij plani shkatërrues për vendin, sa që pas kundërshtimeve të gjithanshme të projekteve të tij ogurzeza për shuarjen e shtetit tonë të brishtë,don ta detyrojë edhe Gjykatën Kushtetuese të futet në shërbim të tradhtive të tij kombëtare e shtetrore.

Ai duke llogaritur në ndikimet që ka vet mbi gjykatat dhe gjyqtarët kudo në Kosovë, ndihmën e SHIK-ut dhe Klanit PRONTO, në fillim të këtij muaji, ka vendosur ta sfidojë edhe Gjykatën Kushtetuese të vendit, duke i kërkuar asaj që ta interpretojë, një dispozitë të vetme të nenit 18 të Kushtetutës së Kosovës, që ka të bëjë me një ratifikim të njëhershëm, të marrëveshjes ndërkombëtare, për vazhdimin e mandatit të EULEX-it, e cila si marrëveshje e përkufizuar vetëm për këtë mision,është bërë përmes letërkëmbimit të thjeshtë të presidentit të vendit dhe përfaqësues së lartë të Bashkimit Europian,por që nuk guxon të kthehet në leje për shitje territoresh, këmbim as korrigjim të kufijve shtetrorë.

E pasi që, si tërësi-neni 18 i Kushtetutës së Kosovës, nuk ka  të bëjë vetëm me dispozitën mbi mandatin e EULEX-it,, por edhe me çështjen e territorit, çështjet politike dhe ushtarake të vendit,lidhjen e paqes dhe aleancave të shtetit tonë me vendet tjera, si dhe anëtarësimin e Republikës së Kosovës në organizata ndërkombëtare, etj, kuislingu Hashim Thaçi me shpresën se përveç të drejtës për vazhdimin e mandatit të EULEX-it, do ta marrë dritën e gjelbër edhe për shitjen e territoreve të vendit, kërkon nga Gjykata Kushtetiuese që dispozitën njëherëshe të letërkëmbimit të vitit 2018 në mes të Presidentit dhe Përfaqësues së lartë të Bashkimit Europian,ta shndërrojë në vendim për këmbimin e territoreve me Serbinë dhe atë vetëm me nënshkrimin e Presidentit pa ratifikim nga Kuvendi i Republikës së Kosovës. 

Fatkeqësisht megjithëse kërkesa e Presidentit të Kosovës për interpretimin e nenit 18 të Kushtetutës u është dërguar nga Kryetarja e Gjykatës Kushtetuese, Arta Rama-Hajrizi edhe deputetëve të Kuvendit të Kosovës, të cilët deri më datën 28 shtator, kanë të drejtë t’i japin komentet e tyre lidhur me këtë tendencë antikushtetuese të Thaçit, çudit fakti se si nga asnjë deputet deri më tani, qoftë pozitë apo opizitë,jo vetëm se asnjëherë nuk është ngritë kërkesa për shkarkimin e këtij presidentit kontrovers e të shantazhuar deri në palcë nga Serbia, por edhe prej asnjërës nga partitë parlamentare në Kuvendin e Kosovës, nuk bëhet përpjekje minimale që të merren masat e parapara për ta ruajtur sistemin demokratik të Republikës Parlamentare nga çdo formë e autoritarizmit e despotizmit të një individi të tillë të papërgjegjshëm si Hashim Thaçi.

Ndaj duke pasur duart e lira nga partitë politike vendore dhe aluduar në dispozitën e lartcekur  mbi vazhdimin e mandatit të EULEX-it, me përgjithësimin e pyetjes, të shtruar në mënyrë aq djallëzore, se: "A konsiderohen të ratifikuara- marrëveshjet ndërkombëtare që nënshkruhen nga Presidenti, pa i dërguar ato në Kuvend dhe pa marrë fare miratimin e deputetëve me 2/3 e votave", duke përzier dhe hijëzuar ato me dispozitën njëherëshe, për vazhdimin e mandatit të EULEX-it, Thaçi po tenton që sërish ta fus Kosovën në një cikël të ri dhune e tensionesh, protestash e trazirash, vetëm e vetëm që përsëri ai të shfaqet si “shpëtimtari” i kombit, siç ka dëshmuar edhe deri më tani, se di ta mashtrojë një popull të tërë.

Kështu që, për çfarëdo që mund të ndodhë,tanimë dihet hapur, se përveç fajeve të pafund politike të kuislingut Hashim Thaçi dhe kalbjes së tij edhe në miliarda të grumbulluara në mënyrë kriminale, shkaku i të cilave tash ai mendon si të dalë i pa lagur dhe pa u përballur me drejtësinë për krimet e veta sa ishte kryeministër dhe tani president, përgjegjësinë kryesore para popullit dhe ligjit,nuk do ta mbajë më vetëm ai dhe PDK, por edhe partitë tjera e veçanërisht opozita kontroverse dhe totalisht e pa organizuar.

 
 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)