10 Dhjetor 2018

A po bën përpjekje FER-i ta dërgojë Vetëvendosjen në Ferr

Shkruar nga  Behxhet Sh. Shala - Bajgora

Gjeneza e një ngjizjeje kundër ligjeve të natyrës: Na ishte një kohë e një ditë kur  një kusar diplomatik në Kosovë që kishte pangopësi për para, seks pa kufi dhe të kushtëzuar me të dy gjinitë dhe prirje që, përmes shantazhimit të sundojë mbi klasën kryesisht të paemancipuar politikisht në Kosovë në kohën kur mediet dhe shoqërinë civile e kishte shndërruar në një prezervativ për gjysmë përdorimi duke shkaktonte rrëmujë në skenën politike në këtë vend të brishtë, me politikanë kryesisht të prishtë!

Ky farë diplomati dhunues nuk kishte vizion politik afatgjatë por i kishte llogaritë afatgjata te Behteli, për rrugë që ishin më të kushtueshme se në Las Vegas.

Thuaja të gjithë politikanët në Kosovë janë pëshurrur me të dëgjuar emrin e tij kurse, me të kuptuar se mund të jenë pjesë joafirmative e Listës së Shin- Dellit, procesi fiziologjik i tyre ka përparuar me një shpejtësi të madhe, deri në prodhimin final të produktit të tyre.

Ky farë Kaligula i Kosovës nuk ka pasur vetëm një senator në personalitetin e kalit të tij shkaku se të gjithë politikanët i ka konsideruar si pjesë e ergjelës së tij, tufë kuajsh të padinjitetshëm.

Shin – Delli, senatorin kryesor e ka pasur këshilltarin Pushikar me të cilin bëri puç institucional duke e  instaluar Gjet Macollin si President postihistorik dhe anakronik të Kosovës. Përpjekja tjetër e radhës ishte ta instalojë një subjekt parapolitik, me kod gjenetik projugosllav të quajtur FER në mënyrë që, përmes tyre ta marrë pushtetin duke e kthyer vëllazërim – bashkimin e kombit serb në Kosovë, me grupet e tjera etnike  në mesin e të cilëve shqiptarët bënin grupin më të madh.

Duhej një udhëheqës që kishte karizmë dhe tope .Tregëtari me imunitet diplomatik mendojë të ishte Zog Ahmeti ai, prej të cilit hoqi dorë shpejt duke i thënë se :” as për 500 vjet nuk do të bëhej lider sepse ke mungesë të theksuar të karizmës dhe shoqërueseve – topeve“.

FER-i pësoi debakël prandaj falimentoi politikisht duke iu kthyer aktiviteteve tjera, materialisht tërheqëse. Atëbotë FER-ialistët, Lëvizjen Vetëvendosje e konsideronin si një mishërim të agresivitetit primitiv nacionalist, dhunës së papërmbajtur, politikisht përjashtues ku nuk do ta gjenin vendin për t’i lëshuar spirancat e tyre të marrjes së pushtetit. Shin – Delli ua futi një të rënë bythëve, duke mos investuar më në ta.

Lëvizja Vetëvendosje,  në atë kohë u binte trumpetave të bashkimit kombëtar sikur që edhe pushkatonte të gjithë ata që nuk pajtoheshin me këtë manipulim për masa.

E pranoj se edhe unë një kohë u besoja“ çerqiztopujve“ të bashkimit kombëtarë të LV sepse, midis mundësisë reale që ishte rikthimi në Serbi apo ëndrrës së bashkimit kombëtar, më e pranueshme ishte ëndrrra e bashkimit kombëtar !

Lëvizja Vetëvendosje pastaj hyri nën kontrollin e“ pullazgjiut të Amerikës“ i cili, përkrahjen materiale e kushtëzoi me pjesëmarrje në zgjedhje anipse ato organizoheshin sipas Pakos së Ahtisarit e që kundërshtohej fuqishëm nga LV por jo edhe nga padroni i ri nga Amerika që e hapi thesin për ta financuar këtë Lëvizje.

LV, në vend se ta bënte një distancim nga e kaluara kur përballej, me të drejtë me strukturat e dhunshme të UNMIK-ut dhe EULESH-it, me të njëjtin vullnet veproi kundër Policisë së Kosovës dhe institucioneve të Kosovës, të tilla siç ishin ndonëse Policia e Kosovës, në të shumtën e rasteve është treguar tepër e durueshme, kishte sjellje korrekte dhe i shmangej përdorimit të forcës edhe në raste kur ky përdorim ishte i pashmangshëm.

Kjo sjellje i largoi shumë aktivistë dhe përkrahës të LV nga kjo Lëvizje por që asnjëherë nuk dolën kundër saj.

Në zgjedhjet e para, kur gazetarët më pyesnin për LV, unë flisja për LDK, PDK dhe subjektet tjera sepse nuk doja ta dëmtojë këtë Lëvizje në hapin e parë i cili, po të bëhej si duhej, do ta garantonte një rrugëtim të gjatë dhe të sigurt politik.

Aty ishin vijat ndarëse midis meje dhe LV dhe, ndonëse ishte krijuar një perceptim se do të bëhesha pjesë e kësaj Lëvizjeje, kurrë dhe në asnjë rrethanë buk do të bëhesha pjesë, as e LV e as të asnjë subjekti politik tjetër.

Mirëpo,  në një kohë kishim qëndrime të përafërta politike e që tash nuk jemi askund. Mungesa e respektit, arroganca e tepruar, mbyllja në vendimarrje në një rreth shumë të ngushtë e sidomos pushkatimi publik i aktivistëve apo bashkëthemeluesve kur nuk pajtoheshin me kreun vendimarrës ishte e papranueshme.

Përpjekja për demokratizim apo për degjenerim: Shumë aktivistë të LV u keqtrajtuan dhe u ndoqën nga politika dhe një pjesë (e vogël e Policisë të ndikuar nga politika) dhe pikërisht ata aktivistë, ose u eliminuan, ose mbetën në margjina.

Dyert e mëdha u hapën me pompozitet të madh për anëtarët e FER-it që u nokautuan nga votuesit dhe, që është për keqardhje, këta dështakë të FER-it u vendosën në majat e Lëvizjes Vetëvendosje, sikur të ishin anëtarë të kësaj Lëvizjeje, së paku, që nga koha e Hasan Prishtinës.

Nëse në skenën politike kosovare, Hashim Thaçi njihet dhe pranohet si politikan improvizues dhe që i bënë lëvizjet ad hoc (atypëraty), pa menduar për pasojat, LV ishte improvizuesja më e madhe, si subjekt politik.

Tash, pas integrimit të pamerituar të FER-it në LV e që e kishin prejardhjen politike nga sitemi i kaluar, kombëtarët në LV u margjinalizuan edhe më shumë. U krijua një bashkëdyzim përjashtues ku rryma më e butë e bijve dhe bijave të ish vëllazërim – bashkimit e dominuan LV shkaku se ata konsideroheshin si demokratë, më profesionistë, më të emancipuar dhe më të shkolluar e që nënkupton se ishin më të pranueshëm për bashkësinë ndërkombëtare.

 Kam pasur përballje të ashpra me disa kuadro të FER-it e që u bënë më Vetëvendosje se vet Vetëvendosja, madje njëri nga ata, një një përballje pati deklaruar se:“ asgjë nuk po ua bënë policia atyre në krahasim çka do t’ua bënte ai ...”.

Pastaj, ky farë pleshti u bë njëri ndër elefantët e Vetvendosjes.  Zog Ahmeti“ anëtar“ i LV u bë kryetar i Prishtinës, me ndihmën e LV dhe të PDK-së. Në ndërkohë Zogu, me“ anëtarët“ e tjerë të LV u fuqizua shumë materialisht në komunën e Prishtinës duke e krijuar brumin e një fraksioni që do ta merr pushtetin.

Albin Kurti drejt rrugëtimit për t’u bërë kryeministër e la anash LV, mendoi se e bërë Visar Imerin kryetar kukull i cili do të lëvizë në ritmin se si do t’i tërhiqte penjt Albini e që nuk doli të jetë ashtu.

Nuk thuhet kot se për ta provuar karakterin e njeriut, jepi pushtet, para dhe femra. Visari u pajis me pushte, para kishte mjaft dhe bëri në ndërkohë ndërsa, për femra, nuk kam informata nëse ka dhe as që më intereson.

Duke e parë forcimin e FER-ialistëve brenda LV, para dy viteve pata shkruar se Albini vetëm kur ta shoh një ditë se ka mbetur pa parti, sikur gjenerali i ushtrisë së vdekur, pa ushtri. FER-ialistët u forcuan shumë ndonëse shumica e tyre kishin mungesë guximi dhe topeve të sakrificës.

Ata filluan t’ia marrin edhe disa figura të rëndësishme të LV, kryesisht të kriminalizuara e që ua kishin frikën. Vetëm atëherë Albinit iu ndezë e kuqja duke parë se udhëheqja e LV po rreshtohet kah FER-i.

Gabimin më të madh, sipas meje, Albini e bëri në çastin kur, si Antonio Gramshi e shkroi një Letër nga Burgu duke u dhënë pretekst të dorëhequrve që ta zbatojnë planin e hartuar shumë më parë për shembjen e LV dhe duke e rrëzuar sundimin autokratik dhe diktatorial të Albinit, për ta zëvendësuar me demokracinë e Zog Ahmetit, kryeFER –ialistit, pa tope dhe pa një miligram karizme.

Plani për shembjen e LV është hartuar shumë më heret ndërsa arriti majat kur Zog Ahmeti, për tri ditë rresht gënjeu opinionin, votuesit dhe qytetarët se nuk ka qenë fare në jahtin e Devollëve dhe kaloi pa pasoja.

Në çdo vend normal, Zog Ahmeti do të shkarkohej, jo se paska pirë një pije në jahtin e Devollëve e që unë nuk e konsideroj gabim por se ka gënjyer tri ditë dhe më në fund e ka pranuar të vërtetën.

Atëherë kishte zëra se Zog Ahmeti duhet të shkarkohet nga vet LV mirëpo, FER-ialistët , që tash po dorëhiqen në mënyrë të sinkronizuar u organizuan sipas instiktit të vetmbrojtjes dhe mbrojtjes së intereseve milionëshe në komunën e Prishtinës. Madje, njëri nga kryepuqistët e ka përzënë Albinin nga zyra e tij.

Nuk po përmend emra por nëse ka nevojë e them orën, ditën, muajin kur ka ndodhë ky rebelim e që Albini e ka kaluar lehtë, për ta shprehur pastaj mllefin kundër policëve dhe institucioneve të Kosovës.

FER-ialistët, në zgjedhjet e fundit parlamentare kur LV u rrit mbi të gjitha parashikimet, garuan me ekipin kryesorë gjë që nuk ndodhi në zgjedhjet tjera. Synimin e kishin, që, duke e shfrytëzuar LV të si mekanizëm për vota të sigurojnë sa më shumë ulëse në Kuvendin e Kosovës e që edhe e arritën.

Ashtu vepruan edhe në zgjedhjet lokale duke i deleguar anëtarët e familjeve të tyre për asambleistë komunalë. Se LV po shkon drejt fundit të pusit (e për çka nuk gëzohem aspak) u binda me largimin e njërit prej emirëve të KAN-it, ORA-s dhe FER-it dhe kurrë i LV, Ylli Hoxha. Kjo humbje ishte e pakompensueshme.

Albini po ndërmerr veprime, jo për ta shpëtuar LV por për t’i ruajtur pozicionet e lëkundura. Jam shumë i sigurt se Albin nuk është korruptuar  në aspektin material por nuk jam aspak i sigurt se nuk është korruptuar në aspektin politik.

Çka tash: FER-ialistët e LV nuk po bëjnë asgjë tjetër veç se po i kthehen rrënjëve, zanafillës dhe origjinës. Nga një subjekt i falimentuar politik, me ndihmën e Albinit dhe LV do të bëhen forcë përcaktuese për shumë procese të Kosovës duke e përdorur mercenarizmin e dëshmuar, taktik dhe strategjik për arritjen e qëllimeve politike.

Të gjithë këta që kanë dhënë dorëheqje deri më tani, këtë gjë do të kishin mundësi ta bënin në një ditë të vetme. Por nuk e bëjnë dhe nuk do ta bëjnë sepse duan të krijojnë përshtypje se nuk e kanë qëllim shkatërrimin e LV por demokratizimin e saj.

A mund ta bëjnë këtë keqbërësit dhe përfituesit e tenderëve, nga dhënia e lejeve të ndërtimit jonormale, lidjes së politikës me ndërtues dhe kompani kriminale e deri te ata që përmbajtjen e kanë të dhunshme dhe kriminale e tani duan të vishen me petkun socialdemokratik. 

A e ka për qëllim ky fraksion ta bëjë një Vetëvendosje si të Dimitrije Tucoviqit. Jo dhe jo. Këta duan ta ruajnë grazhdin në komuna që i kanë, të sigurohen nga mosndjekja penale dhe të konvertohen në demokratë të pranuar nga bashkësia ndërkombëtare.

Bashklësia ndërkombëatare nuk dëshiron bashkëpunëtorë të ndershëm dhe të dinjitetshëm, ajo pranon vetëm bashkëpunëtorë të dëgjueshëm dhe që u mbarojnë punë pavarësisht dëmit që i bëjnë Kosovës dhe qytetarëve të saj.

Pastaj i hudhin në plehra, sikur të mos kishin ekzistuar kurrë ! A nuk bashkëpunuan me Millosheviqin, Karaxhiqin, Mlladiqin, Noriegën, Bin Ladenin, Eskobarin, Sadam Hyseinin, Gadafin dhe shumë të tjerë .. Ku janë sot ata ??!!

Duhet pranuar edhe nëse nuk pajtoheni me Albinin se në planin politik Albin Kurti është Ajnshtajn i politikës për të dorëhequrit spekulativ dhe mashtrues mirëpo Albinit po i mungon guximi për vendimarrje shkaku se ka frikë se përçarja do të thellohet edhe më shumë. Nuk po e kupton një çështje se, sa më shumë që po bënë thirrje për t’u kthyer, të dorëhequrit mashtrues, dorëheqjet vetëm sa po shtohen.

Organet vendimarrëse të LV, në situatën e krijuar duhet t’i pranojnë të gjitha dorëheqjet (sepse të gjitha këto janë sipas një modeli  dhe po deklarohen si të parevokueshme) dhe, gjithashtu duhet t’i largojë nga partia të gjithë të dorëhequrit që fituan poste të larta dhe me përgjegjësi kurse me dorëheqjet nuk duan ta pranojnë asnjë përgjegjësi duke deklaruar se duan të mbesin anëtarë të thjeshtë të LV.

Nuk shkon, dhe nuk është logjike që ta shembni subjektin që ua ka siguruar të gjitha privilegjet dhe të mos jepni përgjegjësi. Në të kundërtën agonia e LV vetëm sa do të vazhdojë.

Dikush edhe mund ta shtrembërojë situatën sipas dëshirës, mirëpo është e çartë se LV është në krizë të madhe  dhe se kurrë më nuk do të kthehet gjendja e mëparshme.

Me këtë ndarje është krijuar edhe një situatë e re politike e që i shkon në favor LDK aq më parë që krahu dorëheqës është afër LDK-së, si nga origjina politike ashtu edhe nga veprimi dhe qëllim.

Në këtë mes më ka befasuar Aida Dërguti për të cilën mendoj se është shumë kombëtare, korrekte dhe e pakorruptuar sikur edhe një numër i vogël që e shoqëron.

Sipas perceptimit të opinionit, Zog Ahmeti po i merr pas krahun intelektual të LV shtuar këtu edhe ate kriminal, të forcës ndërsa Albinit po i mbetet Saliu, Hyseni, Xhela, Lena dhe të tjerët.

Megjithatë, kjo ndarje do t’i shpejtojë shumë procese sikur që ka mundësi të provokojë zgjedhje të parakohshme. Kurse, pas rrethanave të reja, nuk ka siguri qeverisëse në asnjë komunë ku diferenca fituese matet me disa qindra vota. Po presim .
 

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Ministria e Drejtësisë, Zyra e Koordinatorit Nacional kundër Dhunës në Familje, organizon konferencën “Qasja në drejtësi e viktimave të dhunës në familje dhe dhunës në baza gjinore”. (Hotel Emerald, ora 10:00)

- Kryeministri Ramush Haradinaj merr pjesë në Konferencën Rajonale "Qasja në drejtësi për viktimat e dhunës në familje dhe dhunës në baza gjinore". (Hotel Emerald, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Koalicioni i OJQ-ve “Java Kundër Korrupsionit 2018” organizon tryezën e diskutimit me temë “Parandalimi dhe luftimi i konfliktit të interesit në pushtetin gjyqësor”. (Hotel Sirius, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje bashkëpunimi me kryetarin e Komunës së Klinës Zenun Elezaj. (Objekti i Komunës së Klinës, ora 11:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje me kryetarin e Komunës së Junikut Agron Kuçi. (Objekti i Komunës së Junikut, ora 13:30)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Me rastin e 10 dhjetorit, Ditës ndërkombëtare të të Drejtave të Njeriut, Misioni i OSBE-së në Kosovë do të organizojë sot një ekspozitë me fotografi dhe poezi, vepra te artistëve të rinj që morën pjesë në konkursin e Misionit të titulluar “Të drejtat e njeriut përmes artit”.  (Lapidariumi i Muzeut të Kosovës, ora 15:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)