24 Shtator 2018

Teatri Kombëtar i Kosovës në kaos

Prishtinë, 13 prill - Teatri Kombëtar i Kosovës ndodhet në kaos. Menaxhmenti dhe aktorët rezidentë të këtij institucioni nuk janë duke gjetur gjuhë të përbashkët për mbarëvajtjen e programit.

Përderisa menaxhmenti të mërkurën ka lajmëruar se institucioni më i lartë teatror do të vazhdojë punën pas problemeve me ujëra të zeza, aktorët kanë refuzuar të dalin në skenë. Kësisoj publiku është kthyer prapa.

Kasta e aktorëve të shfaqjes “Pasioni” nuk ka pranuar të jepet shfaqja me arsyetimin se ndihen të rrezikuar për shkak se deri të hënën bodrumi i TKK-së ishte vërshuar nga ujërat e zeza. Refuzimi ka ardhur edhe pasi paraditen e së martës, të gjitha hapësirat janë dezinfektuar dhe në orën 13:00 është mbajtur një akademi përkujtimore për dëshmorët e Brigadës 138 “Agim Ramadani”, ku në skenën e madhe kanë folur udhëheqësit më të lartë shtetërorë, shkruan sot Koha Ditore.

Një orë para orarit për dhënien e shfaqjes, ushtruesja e detyrës së drejtorit të TKK-së, Kumrije Hoxha, i ka thënë gazetës se shfaqja do të jepet pasi menaxhmenti ka marrë vendim që institucioni të nisë punën pasi e kishte ndërprerë atë për të hënën dhe të martën. Por Hoxha ka dështuar t’i bindë aktorët.

Kësisoj ka ngjarë edhe pse balerinët e Baletit Kombëtar të Kosovës nuk i kanë ndalur provat asnjë ditë, e këtë nuk e ka bërë as ekipi i shfaqjes “Hamleti simbas Horacit”, premiera e së cilës do të jepet të hënën. Punëtorët e stafit teknik dhe ata të administratës ndryshe prej një grupi aktorësh, nuk kanë munguar asnjë ditë në punë.

Pos dezinfektimit që ka kushtuar 350 euro, aktorët duan edhe një shkresë zyrtare nga inspektorati si dëshmi që mund të luajnë në skenë pa iu rrezikuar shëndeti.

/Koha Ditore/

Kalendari

Ngajrjet e datës 24 shtator 2018 - Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)

- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Ministria e Kulturës, Rinisë dhe Sportit mban ceremonin e ndarjes së certifikatave për të rinj për shkathtësitë e buta. (Salla e konferencave Orion, përballë Kino ABC, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)