27 Tetor 2020

Ta ruajmë dhe kultivojmë Trashëgiminë Kulturore tek gjeneratat e reja

Prishtinë, 29 shtator - OJQ “CULTURAT” Prishtinë në bashkëpunim me Policinë e Kosovës, në ambientet e shkollës fillore “Xhavit Ahmeti” në Prishtinë kanë realizuar  punëtorinë “Ta ruajmë dhe kultivojmë Trashëgiminë Kulturore tek gjeneratat e reja”.

Pjesëmarrës në këtë ngjarje kanë qenë nxënësit e klasave të ulëta, të cilëve fillimisht iu është prezantuar një pasqyrë e shkurtur për Trashëgiminë Kulturore dhe rëndësin e saj; iu janë prezantuar fotografi të monumenteve, artefakteve dhe ushqimeve tradicionale; pjesa e diskutimit interaktiv; paraqitja e e Trashëgimisë Kulturore përmes artit (vizatimit) nga ana e vet nxënësve.

Organizatorja e kësaj punëtorie, njëherit drejtoresha e OJQ-së “CULTURAT” Prishtinë, Mihane Hoxha, duke folur për rëndësin e ruajtjes dhe kultivimit të Trashëgimisë Kulturore tek gjeneratat e reja është shprehur e kënaqur për interesimin që kanë treguar nxënësit gjatë diskutimit dhe për njohurit e shumta që ata posedojnë karshi Trashëgimisë Kulturore të Kosovës.

“Kënaqësi e madhe kur takon gjenerata të reja, sidomos nxënës fillorist të cilët i çasen me pozitivitet dhe njëkohësisht shprehin interesim për të diskutuar për Trashëgiminë Kulturore, me theks të veçantë për traditat tona shqiptare”, është shprehur Hoxha.

Gjatë punëtorisë etnologia Arbnora Thaqi, ka theksuar se Trashëgimia Kulturore është një thesar i pazëvendësueshëm në Republikën e Kosovës.

“Trashëgimia Kulturore është një thesar i pashterrur. Andaj, është kënaqësi kur sheh gjeneratat e reja që bëjnë hulumtime të tilla për të vetëdijësuar vetën dhe të tjerët që rëndësia e Trashëgimisë Kulturore nuk krahasohet me asgje. Pra, është identiteti jonë”, ka thënë Thaqi.

Kurse, zyrtaret policore nga Drejtoria e Policimit në Bashkësi dhe Parandalim, Fidane Ballazhi dhe Myrvete Hodaj kanë theksuar rëndësin e bashkëpunimit të qytetarëve me Policinë e Kosovës, me anë të të cilit mbrojmë vetën, familjen, shoqërinë dhe shtetin.

“Policia e Kosovës është për të luftuar të gjitha dukuritë negative. Ne, kur punojmë së bashku fëmijët, policia dhe shoqëria gjithmonë kemi me qenë më të fortë, më të kujdesshëm edhe në ruajtjen e monumenteve kulturore."

"Nëse e shohim se dikush dëmton apo tenton të dëmton monumentet kulturore duhet me njoftuar Policinë e Kosovës, e cila është 24 orë në dispozicion për t’iu dal në ndihmë qytetarëve, duke filluar nga fëmijët, shoqëria deri tek sigurimi dhe mbrojtja e Trashëgimisë Kulturore”, është shprehur rreshterja Fidane Ballazhi.

Tutje Ballazhi ka theksuar që Policia e Kosovës ka njësi që mbikqyr Trashëgiminë Kulturore.

Ndërsa, drejtori i shkollës fillore “Xhavit Ahmeti” Prishtinë, Xhavit Berisha, ka mirëpritur një nismë të tillë dhe është zotuar që aktivitetet e tilla që synojnë edukimin e nxënësve në fushën e Trashëgimisë Kulturore, të vazhdojnë dhe të jenë të pranishme nëpër shkolla.

“E mirëpresim një aktivitet të tillë dhe është jashtëzakonisht e rëndësishme të punohet me gjeneratat e reja, pikërisht në kulturë për të ruajtur të kaluarën dhe për të shkuar kah e ardhmja."

"Mbase, një ditë ekspertët e kësaj fushe do të ndërmarrin iniciativa që të vendoset si lëndë mësimore pjesa e Trashëgimisë Kulturore apo Etnologjia, në mënyrë që nxënësit dhe fëmijët tanë të mësojnë më shumë për të kaluarën. Çdo aktivitet i tillë është i dobishëm për nxënësit”, ka përfunduar Berisha.

 

Kalendari

Ngjarjet e datës 27 Tetor 2020 - Komisioni për Çështje të Sigurisë dhe Mbrojtjes diskuton lidhur me zhvillimet në Policinë e Kosovës. (Ndërtesa e Kuvendit, salla N303, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Bujqësisë dhe Zhvillimit Rural, Agron Limani, do të bëjnë shpërndarjen e motokultivatorëve me frezë, në kuadër të prjektit: “Furnizimi me Mekanizëm Bujqësorë”. (Tek parkingu mbrapa Shtëpisë së Bardhë, ora 10:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrotn interpretimin e ligjshmërisë së përzgjedhjes sē drejtorit gjeneral të RTK-së. (Ndërtesa e Kuvendit, salla N302, ora 10:00)

- Ministri i Ekonomisë dhe Ambientit, Blerim Kuçi, raporton në Komisionin për Ekonomi, Punësim, Tregti, Industri, Ndërmarrësi dhe Investime Strategjike, lidhur me emërimet e fundit në bordet e përkohshme; gjendjen dhe veprimet e Qeverisë në Ndërmarrjen Trepça ShA; për funksionimin dhe operimin e hidrocentraleve. (Ndërtesa e Kuvendit, salla N10, ora 11:00)

- Ministri i Ekonomisë dhe Ambientit, Blerim Kuçi nënshkruan Marrëveshje të Mirëkuptimit me Institucionet e Arsimit të Lartë të Kosovës. (Objekti i ish-MZHE-së, ora 11:00)

- Drejtuesit e Federatës Sindikale të Bujqve të Kosovës do të protestojnë. (Para ndërtesës së Ministrisë së Bujqësisë, ora 11:00)

-  Lëvizja FOL organizon forumin online FOL Hapur me ambasadorin e Mbretërisë së Bashkuar  Nicholas Abbott ku nder të tjera do të diskutohet edhe kontributi i Mbretërisë së Bashkuar për qeverisjen e mirë në Kosovë, veçanërisht në procesin e rekrutimit si dhe do të diskutojmë për sfidat kryesore të Kosovës, në të ardhmen e afërt. (Përmes platformës online ZOOM - https://zoom.us/j/97706999692, ora 11:30)

- Kryeministri Avdullah Hoti vendos kurora me lule te shtatorja e Ukë Bytyçit, me rastin e 18 vjetorit të vrasjes së tij. (Oborri i Komunës në Suharekë, ora 12:00)

- Komisioni për Çështje të Sigurisë dhe Mbrojtjes do të zhvillojë një vizitë pune në pikën kufitare në Merdare lidhur me zbatimin e marrëveshjeve Kosovë - Serbi. ​(Pika kufitare në Merdare, ora 12:00)

- Komisioni Hetimor Parlamentar lidhur me procesin e privatizimit në Kosovë interviston ish Ministrin e Tregtisë dhe Industrisë, Bujar Dugolli. (Ndërtesa e Kuvendit, salla C203, ora 13:00)

- Asociacioni i Gazetarëve të Kosovës me mbështetje nga Fondacioni i Kosovës për Shoqëri të Hapur do të publikojë hulumtimin "Ndikimi i Pandemisë Covid-19 në gjendjen ekonomike të gazetarëve, kameramanëve dhe fotoreporterëve". (Hapësira e Fondacionit 17, ora 13:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur e Projektligjin për të drejtën ndërkombëtare Private. (Ndërtesa e Kuvendit, salla C203, ora 13:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton listën e kandidatëve për Anëtarët e Këshillit të Kosovës për Trashëgimi Kulturore. (Ndërtesa e Kuvendit, salla N303, ora 13:00)

-  Komisioni për Punë të Jashtme dhe Diasporë diskuton mbikëqyrjen e zbatimit të Ligjit për shërbimin e jashtëm të Republikës së Kosovës. (Ndërtesa e Kuvendit, salla N302, ora 13:00)

- Komisioni Hetimor Parlamentar lidhur me procesin e privatizimit në Kosovë interviston ish- Drejtore Menaxhuese te AKP-se Mrika Tahiri. (Ndërtesa e Kuvendit, salla C203, ora 14:00)