Prishtinë, 16 nëntor - Me rastin e Ditës Botërore të Filozofisë, Departamenti i Filozofisë, Universiteti të Prishtinës dhe Shoqata e Filozofëve të Kosovës organizojnë konferencën nderkombetare "Lufta dhe Paqja". 

Dita Botërore e Filozofisë është vendosur të shënohet në vitin 2002 nga UNESCO për të nderuar reflektimin filozofik në të gjithë botën dhe tashmë është bërë traditë që kjo ditë të përkujtohet të enjten e tretë të nëntorit, në nderim të mendimeve filozofike në botë.
 
Kjo është një ditë ku njerëzit mund të ndajnë në mënyrë të hapur mendimet, të zbulojnë dhe diskutojnë idetë e reja dhe të frymëzojnë debatin publik për të diskutuar rreth sfidave sociale.