23 Shtator 2018

SHBA paralajmëron tërheqje nga UNESCO

Washington, 12 tetor - Shtetet e Bashkuara të Amerikës (SHBA) kanë thënë se do të tërhiqen nga UNESCO, duke e akuzuar organizatën për qëndrime kundër Izraelit.

Zëdhënësja e Departamentit të Shtetit Heather Nauert tha përmes një deklarate se “ky ishte një vendim i vështirë por pasqyron shqetësimet e Uashingtonit për borxhet e shtuara të UNESCO-s, nevojën për reforma thelbësore si dhe vazhdimin e qëndrimeve kundër Izraelit .

Tërheqja e Shteteve të Bashkuara, që japin një-të-pestën e buxhetit të UNESCO-s është një goditje e rëndë për organizatën me seli në Paris, që u themelua në vitin 1946. Sipas zëdhënëses së Departamentit të Shtetit, tërheqja e Shteteve të Bashkuara nga UNESCO do të ndodhë më 31 dhjetor të vitit 2018.

Disa orë më vonë, edhe Izraeli deklaroi se do të tërhiqet nga UNESCO.

Në një deklaratë të qeverisë izraelite thuhej se kryeministri Netanyahu "e mirëpret vendimin e Presidentit Trump për t’u tërhqequr nga UNESCO. Ky është një vendim i guximshëm dhe moral, sepse UNESCO është bërë skenë e absurditeteve dhe ngaqë në vend që ta ruajë historinë, e shkatërron atë.”

Zyrtarët e UNESCO-s shprehën keqardhje lidhur me vendimin amerikan për tërheqje nga organizata. Sekretarja e Përgjithshme e organizatës tha se SHBA do të vazhdojnë të mbeten të angazhuara në organizatë në rolin e vëzhguesit dhe se si një nga vendet themeluese të agjencisë, atyre do t’u jepet mundësia të rikthehen në këtë organizatë.

Ambasadorja amerikane në OKB Nikki Haley, tha se vendimi ishte i nevojshëm “pas një vendimi fyes dhe të motivuar politikisht”, për ta emëruar Qytetin e Lashtë të Hebronit dhe Varrin e Patriarkëve, si pjesë të territorit palestinez.

Kryetari i Komisionit me Jashtë në Dhomën e Përfaqësuesve Ed Royce tha përmes një deklarate, se vendimi i SHBA për t’u tërhequr nga UNESCO ishte “fatkeq, por i përshtatshëm, duke patur parasysh menaxhimin e keq të organizatës dhe qëndrimet shqetësuese ndaj Izraelit.”

Shtetet e Bashkuara anuluan një kontribut të konsiderueshëm buxhetor tek UNESCO në vitin 2011, si protestë për anëtarësimin me të drejta të plota të palestinezëve në të. Presidenti Reagan e tërhoqi Amerikën nga UNESCO në vitin 1984 për shkak të keq-menaxhimit financiar dhe disa qëndrimeve anti-amerikane, por Shtetet e Bashkuara u rianëtarësuan përsëri në vitin 2002 në kohën e adminisitratës së presidentit George ë. Bush.

Kalendari

Ngajrjet e datës 23 shtator 2018

- Mbahet ceremonia e hapjes zyrtare te Javes Evropiane te Sportit. (Hotel Swis Diamond, ora 11:00)

- Lëvizja Vetëvendosje! mban konferencë për media. (Zyrët qendrore të Vetëvendosjes, ora 13:00)