23 Nëntor 2017

Parandalimi dhe luftimi i ekstremizmit të dhunshëm pasqyrohet përmes artit

Prishtinë, 2 nëntor - Piktura, fotografi, skulptura dhe instalacione që reflektojnë ndikimet e ekstremizmit të dhunshëm dhe radikalizmit dhe mënyrat për luftimin e tyre janë pjesë e ekspozitës së bashkëorganizuar nga Misioni i OSBE-së në Kosovë, e cila hapet sonte në Galerinë e Fakultetit të Arteve në Prishtinë.

Kjo ekspozitë, në të cilën paraqiten vepra arti të punuara nga studentë të Fakultetit të Arteve të Bukura të Universitetit të Tiranës, është rezultat i një gare të sponsorizuar nga Prezenca e OSBE-së në Shqipëri dhe për herë të parë është shfaqur në Tiranë në qershor 2017.

Ajo është sjellë në Prishtinë nga Misioni i OSBE-së në Kosovë në bashkëpunim me Prezencën e OSBE-së në Shqipëri, Fakultetin e Arteve të Bukura të Universitetit të Tiranës dhe Fakultetin e Arteve të Universitetit të Prishtinës.

Ekspozita ka për qëllim vetëdijësmin e të rinjve dhe audiencës së përgjithshme lidhur me nevojën për ta luftuar ekstremizmin dhe radikalizmin tek të rinjtë, një ndër prioritetet kyçe të Kryesimit Austriak të OSBE-së në vitin 2017. 

Ekspozita do të jetë e hapur për publikun nga 2 deri më 9 nëntor 2017, në Galerinë e Fakultetit të Arteve në Prishtinë. 

Ekspozitën do ta hapin Shefi i Misionit të OSBE-së në Kosovë, Ambasadori Jan Braathu, Kryetari i Prezencës së OSBE-së në Shqipëri, Ambasadori Bernd Borchardt, si dhe Dekani i Fakultetit të Arteve të Bukura nga Universiteti i Tiranës, Ardiani Isufi.

 

Kalendari

Ngjarjet e datës 23 Nëntor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Kryeministri Ramush Haradinaj merr pjesë në Konferencën për Energjinë e Ripërtëritshme në Sektorin e Prodhimit. (Swiss Diamond Hotel, ora 9:00)

- Mbahet seanca e Kuvendit të Republikës së Kosovës. (Kuvendi i Kosovës, ora 10:00)

- Save the Children në bashkëpunim me Ministrinë e Arsimit Shkencës dhe Technologjisë, organizojnë konferencën rajonale "Investimi në Kujdesin dhe Zhvillimin gjatë Fëmijërisë së Hershme: Faktet, Mundësitë dhe Sfidat". (Hotel International, rrugës për Lipjan, ora 10:00)

- Misioni i OSBE-së në Kosovë do të mbajë ligjëratë në Universitetin “Kadri Zeka” në Gjilan për qeverisjen e mirë. (Objekti i Univesitetit të Gjilanit, ora 10:00)

- Mbahet takimi i 143 -të i Këshillit Prokurorial të Kosovës. (Objekti i Prokurorisë së Shtetit, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 11:30)

- Joni Sefedini, nxënëse në klasën e tretë në Shkollën fillore “Nazim Gafurri” në Prishtinë, promovon librin e dytë të tij me titull “Dy arinj të humbur” dhe hapet ekspozita me piktura të tij. (Shkolla fillore “Nazim Gafurri”, ora 12:00)

- Me rastin e 17-vjetorit të vrasjes së veprimtarit, Xhemail Mustafa, Kryetari i LDK-se, Akademik Isa Mustafa me anëtarët e Kryesisë së LDK-së, do të bëjnë homazhe tek varri i tij. (Fshati Gllamnik në Podujevë, ora 13:00)

- Forumi për Iniciativa Qytetare organizon Konferencën “Volunteers in Action” përmes së cilës synohet vetëdijesimi i të rinjve mbi rëndësinë e filantropisë dhe punës vullnetare. (Biblioteka “Hivzi Sulejmani”, ora 14:00)

- Kryetarja e Dhomave të Specializuara të Kosovës, gjykatëse Ekaterina Trendafilova së bashku me Administratoren e Dhomave të Specializuara, dr. Fidelma Donlon, do të takohen me përfaqësues të shoqërisë civile zyrtarë të qeverisë si dhe me organizata vendore e ndërkombëtare për të diskutuar veprimtarinë e Dhomave të Specializuar.  (Hotel Garden n lagjen Kalabria, ora 14:30)

- Kryetari i LDK-së, Akademik Isa Mustafa me Nenkryetarin e LDK-së, z. Lutfi Haziri, do të mbajnë konferencë për medie. (Selia qendrore e LDK-së, kompleksi "Qafa", ora 15:00)

- Hapet ekspozita e artistes znj. Emiranda Beka. (Galeria e Ministrisë së Kulturës së Kosovës, ora 19:00)