06 Tetor 2022

OSBE prezanton dokumentarë për të drejtat e njeriut

Prishtinë, 10 gusht - Mbrëmë, Misioni i OSBE-së në Kosovë prezantoi pesë dokumentarë të shkurtër mbi të drejtat e njeriut dhe vlerat demokratike në kuadër të Festivalit Ndërkombëtar të Filmit Dokumentar dhe të Shkurtër “DokuFest” që mbahet në Prizren.

Dokumentarët janë rezultat i dy kampeve kinematografike të organizuara nga Misioni i OSBE-së dhe “DokuFest” me 20 të reja dhe të rinj nga Novi Pazari, Podgorica dhe Prishtina.

Pjesëmarrësit u mentoruan nga regjisorja e vlerësuar me çmime Blerta Zeqiri, regjisori Leart Rama dhe Eroll Bilibani, drejtor i Departamentit të Edukimit “DokuLab” në kuadër të “DokuFest”.

Nëpërmjet një procesi bashkëpunues kinematografik, pjesëmarrësit i prodhuan dokumentarët e tyre mbi sfidat me të cilat përballen pjesëtarë të nënpërfaqësuar të shoqërisë.

Secili film sjellë këndvështrime të ndryshme të autorëve mbi temat e shtjelluara, duke filluar nga një vëzhgim eksperimental i një koleksionisti kanaçesh që jeton në varfëri ekstreme e deri te historia e rrugëtimit të një gruaje në zbulim të vetvetes.

“Së bashku me DokuFest, këtë vit kemi mundësuar një forum për të rinjtë që të diskutojnë rreth mundësive të barabarta dhe problemeve të përbashkëta, si dhe u kemi ndihmuar t’i zhvillojnë njohuritë dhe aftësitë e nevojshme për të pasur rol aktiv në shoqëri,” tha Ambasadori Michael Davenport, Shef i Misionit të OSBE-së në Kosovë.

“Duke i fuqizuar dhe ngritur kapacitetet e grupeve të ndryshme nëpërmjet projekteve të këtij lloji, ne synojmë të nxisim krijimin e kontakteve dhe vendosjen e bashkëpunimit ndërmjet të rinjve që vijnë nga shoqëri të ndryshme dhe dëshirojnë të avancojnë dialogun dhe të drejtat e njeriut përmes shembujve të tyre personal.”

Ngjarja ishte vazhdimësi e bashkëpunimit të kahershëm ndërmjet Misionit të OSBE-së në Kosovë dhe “DokuFest”, ku çdo vit Misioni ka mbështetur organizime me tema si rinia, barazia gjinore, edukimin mediatik dhe të informacionit.
 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)