24 Shtator 2018

Nisin përgatitjet për Festivalin Folklorik Gjithëkombëtar “I këndojmë lirisë”

Klinë, 11 prill - Në Klinë, filluan përgatitjet për organizimin dhe mbajtjen e Festivalit Folklorik Gjithëkombëtar “I këndojmë lirisë”, i cili edhe sivjet do të mbahet  më 6,7 dhe 8 qershor.

Skënder Merturi, drejtor komunal i Kulturës paraqiti përbërjen e Këshillit organizativ të festivalit, si dhe përgatitjet për mbajtjen e këtij festivali tashmë tradicional, duke theksuar ndryshimet që do të bëhen me qëllim të avancimit të festivalit.

Ushtrues i detyrës së drejtorit të festivalit u zgjodh Dibran Fylli, që ishte ideatori dhe skenaristi i Festivalit të Parë  të mbajtur  në vitin 2000. Ai theksoi se ky festival do t’i kthehet burimit aty ku ka nisur, pa politizime dhe duke afirmuar këngën folklorike nga të gjitha trojet shqiptare.

Ndërkaq, zëdhënës i festivalit “I këndojmë lirisë” u zgjodh Enver Maloku.

Në mbledhjen e Këshillit organizativ  u përcaktuan kahet dhe detyrat konkrete të trupave punuese të festivalit, duke filluar nga Këshilli organizativ dhe bartësit tjerë të këtij manifestimi folklorik gjithëkombëtar. U kërkua që Ministria e Kulturës ta ndihmojë financiarisht këtë festival gjithëkombëtar.

Hapja e festivalit, edhe sivjet bëhet në Çabiq, në vendlindjen e Mujë Krasniqit, komandant Kapuçit, nga një bashkëluftëtar i komandantit të shquar të UÇK-së.

Sivjet pos çmimit kryesor “Mujë Krasniqi”, do të ndahen edhe dy çmime të tjera, ai i “Beqir Gashit” dhe “Ali Krasniqit”.

 

Kalendari

Ngajrjet e datës 24 shtator 2018 - Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)

- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Ministria e Kulturës, Rinisë dhe Sportit mban ceremonin e ndarjes së certifikatave për të rinj për shkathtësitë e buta. (Salla e konferencave Orion, përballë Kino ABC, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)