05 Mars 2021

Nënshkruhet marrëveshja për hapjen e shkollës së Muzikës në Kamenicë

Gjilan, 6 gusht – Në Komunën e Kamenicës është mbajtur sot takimi I kryetarëve të Komunave të Regjionit, që ka rezoltuar në nënshkrimin e marrëveshjes së bashkëpunimit në fushën e arsimit, mes kryetarit Lutfi Haziri dhe kryetarit Qëndron Kastrati, e cila parasheh hapjen e shkollës së muzikës edhe në Kamenicë, që ështê degë e shkollës së Gjilanit.

Në këtë takim temë ka qenë edhe parandalimi i pandemisë globale Covid-19 dhe bashkëpunimin në fushën e menaxhimit të situatës deri në normalizimin e plotë të gjendjes.

Në fjalën e tij, nikoqiri I këtij takimi, kryetari i Kamenicës, Qëndron Kastrati, ka thënë se bashkëpunimi me kryetarët e regjionit të Gjilanit është i vazhdueshëm dhe gjithnjë në raport të ruajtjes së shëndetit public të qytetarëve.

“Diskutuam për menaxhimin e pandemisë dhe gjendjen në Komunën tonë sikur edhe gjendjen e përgjithshme në këtë regjion. Gjithashtu, kemi nënshkruar marrëveshjen me kryetarin Haziri për hapjen e Shkollës së Muzikës në Kamenicë, në bashkëpunim dhe mbështetje nga Komuna e Gjilanit. Në këtë kohë pandemie jemi së bashku duke e ndihmuar njëri-tjetrin”, ka thënë në fjalën e tij Kastrati.

Ndërsa, kryetari i Komunës së Gjilanit, Lutfi Haziri, në konferencën me gazetarë, ka thënë se bashkëpunimi me komunat e regjionit është i vazhdueshëm, përkundër që janë territore të ndara dhe përgjegjësi të ndara, mirëpo në funskion dhe shërbim maksimal për qytetarët.

“Bashkëpunimi ynë në menaxhimin e pandemisë, pastaj bashkëpunimi në fushën e arsimit sikur marrëveshja e sotme, projektet e përbashkëta në infrastrukturë, zgjidhjen e problemeve lokale ekonomike, apo edhe Tregu i përbashkët në Komunën tonë, janë vetëm disa nga sektorët ku jemi duke bashkëpunuar mes vete. Komunat tona kanë probleme të njejta port ë ndara në aspektin administrativ. Detyra parësore e të gjithë neve nga muaji mars është përballja me pandeminë dhe këtë do ta kalojmë gjithmonë në bashkëpunim të ngushtë", tha kryetari Haziri.

Falënderues për bashkëpunimin kanë qenë edhe kryetarët e Komunave tjera, si ai i Ranillugut Vladica Artinoviq, i Novobërdës, Svetislav Ivanovic dhe përfaqësuesit e tjerë nga Kllokoti dhe Parteshi. 

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)