New York, 3 mars - Top modelja amerikane, Naomi Campbell është kërkuar që të merret në pyetje nga policia e New York pasi ajo u akuzua nga shoferi i saj për ushtrim dhune. Policia e New York raportoi se supermodelja akuzohet se e ka goditur shoferin e saj në kokë.

Në kohën kur policia ka takuar akuzuesin , shoferin e modeles amerikane, njoftohet se personi i dhunuar ka pasur shenja të dukshme dhune nën syrin e tij të djathtë.

Pas këtij lajmi, një zëdhënës i policisë pohoi se ata prisnin që Naomi Campbell të vinte vullnetarisht që të raportonte në polici në lidhje me këtë ngjarje.

Në vitin 2008, Naomi Campbell u dënua me 200 orë punë të detyrueshme në komunitet. Ky denim u krye në qytetin e Londrës.

Shkaku i këtij dënimi ishte një incident që kishte pasur supermodelja me dy policë britanikë të cilët punonin në një aeroport.

Arsyeja e këtij vendimi ishte se ylli i pasarelave ishte nxehur me dy policët pasi asaj i kishte humbur një çantë udhëtimi.

Por nuk mbarojnë këtu rastet e dënimeve për Naomi Campbell. Campbell u dënua për ditë burg pasi ajo i pati përplasur në kokë një celular shërbueses së dhomës së hotelit, ku ajo po qëndronte aktualisht. Kjo ngjarje ndodhi gjithashtu në New York.