20 Shtator 2019

Mbahet sfilata e modës për persona me nevoja të veçanta

Prishtinë, 7 dhjetor - Në vigjilje të Ditës Ndërkombëtare për të Drejtat e Njeriut Ambasadorja e Vullnetit të Mirë për Kosovën në IHRC Elvana Shala sonte organizon për herë të parë në Kosovë eventin e modës për persona me nevoja të veçanta “E Bukura Fillon Me Ne”.

Ky event që organizohet për herë të parë në Kosovë, në bashkëpunim me dizajnerët më eminent vendor si: Valdrin Sahiti Lia Stublla Drenusha Xharra, Diana Qerimi, Etnik Shala, Shema Sahiti Labinot Gashi Enkelejda Shatri, Mia Matin, dhe Valon Pestisha, kreacionet e të cilëve do të prezantohen ekskluzivisht vetëm nga këta persona, ka për qëllim krijimin e  mundësisë së shfaqjes së talentit të këtyre personave në këtë fushë.

Mbi të gjitha, fokus kryesor ka ngritjen e vetëdijësimit të shoqërisë sonë se edhe këta persona që kanë aftësi ndryshe duhet dhe mund  të jenë te integruar edhe në fushën e modës, dhe krijimin e një pozite të barabartë të kësaj kategorie në shoqërinë tonë.

Ideja kryesore e kësaj ngjarjeje është përqimi i një mesazhi ndryshe nga radhët e tjera për respektimin e të drejtave të njeriut. me fokus të vecantë respektimin dhe integrimin e barabartë të personave me nevoja të vecanta në shoqërinë tonë.

Në këtë event para publikut do të paraqiten 35 model dhe modele me nevoja të vecanta nga të gjitha kateogritë dhe komunitetet.

Në event kanë konfirmuar pjesëmarrjen mysafir nga fusha e politikës, artit, kulturës, diplomacisë dhe shoqërisë civile. Pervec sfilatës, ne skene do te ngjiten edhe Shefja e Zyres se BE-se ne Kosove Natalya Apostolova, Ambasadori i Norvegjise ne Kosove Per Strand Sjastaad, Ambasadorja e Kroacise ne Kosove Marija Kapitanovic, Ministri i Kultures Kujtim Gashi, Avokati i Popullit Hilmi Jashari dhe deputetja Flora Brovina te cilet do te perqojne mesazhin e respektimit te te drejtave te njeriut dhe do te kene nga nje fjale rasti.

Ky projekt vjen si vazhdimësi e projekteve që Ambasadorja Shala inicon cdo vit për kategori të caktuara të shoqërisë sonë dhe është mbështetur nga Zyra e Bashkimit Evropian në Kosovë, Ambasada e Kroacisë në Kosovë, Ambasada e Norvegjisë në Kosovë dhe disa sponsor të tjerë vendor.

Përzgjedhja e modelëve pjesëmarrës është bërë në bashkëpunim me organizatat: Handikos, Down Syndrome Kosova, Autizmi dhe Rrograek.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)