24 Gusht 2017

Mbahet panel diskutimi mbi rolin e rinisë në vendimmarrje

Prishtinë, 8 gusht - Si pjesë e Festivalit Ndërkombëtar të Filmit Dokumentar dhe të Shkurtër DokuFest, Misioni i OSBE-së në Kosovë organizon sot panel diskutimi mbi rolin e rinisë në formësimin e peizazhit shoqëror dhe politik në shoqëritë tona.

Diskutimi titullohet “Lidhemi, udhëheqim, ndryshojmë: të rinjtë ndërtojnë të ardhmen tonë” dhe ka të bëjë me temën kyçe të festivalit, ARDHMËRIA. Anëtarët e panelit do të diskutojnë për rolin që duhet ta luajë rinia në ndërtimin e së ardhmes, për mënyrat e reja për të marrë pjesë në jetën publike dhe për rolin e tyre për promovimin e dialogut dhe pajtimit.

Anëtarë të panelit janë Djuro Blanuša, Sekretar i Përgjithshëm i Zyrës Rajonale për Bashkëpunim Rinor; Fatos Mustafa, Zëvendës Sekretar i Përgjithshëm i Zyrës Rajonale për Bashkëpunim Rinor; Alisa Kockar, anëtare e Kuvendit të Komunës në Zrenjanin dhe Rina Domi, anëtare e Kuvendit të Komunës në Gjakovë.

Shefi i Misionit të OSBE-së në Kosovë, Ambasadori Jan Braathu, do ta kryesojë diskutimin.

Kalendari

Ngjarjet e datës 24 Gusht 2017

- Agjencia për Menaxhim të Emergjencave e Ministrisë së Punëve të Brendshme me përkrahjen dhe asistencë nga KFOR-i do të zhvillojnë ushtrimin fushor “MASCAL”, me skenar rrëzimin e një aeroplani komercial, ku si pasoj ka lëndime në masë. (Aeroporti i Gjakovës, ora 9:00)

- Kryesia e OVL UÇK-së mbanë mbledhjen e radhës, e cila do të jetë e hapur edhe për media. (Selia e OVL UÇK-së, ora 13:00)

-  Vazhdimi i seancës konstituive të Kuvendit të Republikës së Kosovës ku do te behët zgjedhja e Kryetarit të Kuvendit dhe e nënkryetarëve të Kuvendit. (Kuvendi i Kosovës, ora 10:00)