20 Qershor 2019

Kosova e përkushtuar për bashkëpunim rajonal në fushën e rinisë

Prishtinë, 20 maj - Ministri i Kulturës, Rinisë dhe Sportit, Kujtim Gashi, po qëndron për një vizitë zyrtarë në Gjermani. Në kuadër të kësaj vizite, Gashi në Berlin në cilësinë e përfaqësuesit nga Kosova, është duke kryesuar Zyrën Regjionale për Bashkëpunim Rinor (RYCO) po merr pjesë në konferencën: "Bashkëpunimi rajonal parlamentar në mbështetje për angazhimin e RYCO-s dhe parlamenteve në procesin e Berlinit".

Në këtë konferencë po morën pjesë deputetë e përfaqësues nga vendet e Ballkanit perëndimor si dhe nga Gjermania e Franca. U diskutua për rëndësinë dhe rolin ndihmues të parlamenteve në procesin e Berlinit, respektivisht për ndihmën që parlamentet mund ta japin për rininë në përgjithësi dhe RYCO-n në veçanti.

Ministri Gashi potencoi se Parlamentet dhe deputetët kanë rol të veçantë dhe domethënës sa i përket ndihmës dhe mbështetjes për të rinjtë, duke pasur parasysh ndikimin që ata mund ta luajnë tek subjektet politike e veçanërisht në parlamentet e tyre. Ata mund të lobojnë dhe përkrahin iniciativat rinore të cilat kanë për qëllim krijimin e një klime bashkëpunuese dhe bashkëvepruese mes të rinjve të 6 vendeve të Ballkanit Perëndimor.

“Arsyeja për të cilën ne jemi mbledhur këtu është jashtëzakonisht e rëndësishme jo vetëm për RYCO-n si mekanizëm që synon fuqizimin e bashkëpunimit rajonal por për secilin prej nesh, pasi që konsideroj se qëllimi ynë përballë këtij procesi është i njëjtë ani pse perspektiva mund të jetë e ndryshme”, tha në fjalën e tij ministri Gashi.

Ministri e vlerësoi rolin e parlamenteve dhe parlamentarëve si thelbësor posaçërisht në krijimin e një mjedisi ku qytetarët e rajonit tonë, me theks, të rinjtë, të jenë të gatshëm dhe në gjendje të bashkëpunojnë me njëri tjetrit.

“Si ligjvënës në nivel nacional ju keni fuqi për të bërë politika të cilat po ashtu në një formë apo tjetër implikojnë zhvillimet në nivelin rajonal. Prandaj, edhe kontributi juaj është i një rëndësie të veçantë. Mbështetja juaj konkrete si ligjvënës për RYCO-n dhe të rinjtë e rajonit të Ballkanit Perëndimor, duke e pasur parasysh faktin se RYCO dhe të rinjtë e rajonit po bashkëjetojnë në një mjedis të ndjeshëm socio-politik, është më se e nevojshme”, porositi ministri Gashi.

Në fjalën e tij ministri Gashi, po ashtu u bëri thirrje deputetëve pjesëmarrës në konferencë se të bashkohen drejt kauzës që tërë Ballkanin Perëndimor ta bëjnë një rajon më të mirë për gjithë duke e mbështetur RYCO-n dhe të rinjtë me vendime të duhura politike dhe mënyra tjera.

“Mbështetja e vazhdueshme financiare dhe jo financiare edhe nga partnerët tjerë do të jetë e nevojshme në vazhdimësi andaj përkrahja e partnerëve si Franca dhe Gjermania, mbetet e domosdoshme për një rritje të qëndrueshme të RYCO-s”, tha ministri në fund të fjalës së tij si kryesues i Bordit Drejtues të RYCO-s, me ç’rast edhe falënderoi Parlamentin Gjerman për fondin e alokuar tek RYCO për mbështetje të shkëmbimeve të shkollave në rajon, por edhe qeverinë e Francës për mbështetjen e RYCO-s.

Ministri porositi edhe të rinjtë që të jenë ambicioz dhe këmbëngulës në kërkesat e tyre duke i sfiduar vendimmarrësit e politikbërësit në limite. “Unë besoj në sloganin e RYCO-s që Një Rajon më i mirë fillon me të rinjtë, andaj është radha juaj.”
 

Kalendari

Ngjarjet e datës 20 qershor 2019 - Organizata Inject- Iniciativa për Drejtësi dhe Barazi organizojn konferencën “Trajtimi Institucional i Rasteve të Dhunës në Familje”. (Hotel Emerald, ora 9:30)

- Open Data Kosovo organizon panelin e diskutimit me temën “Hapja e të Dhënave të Bizneseve dhe Kontributi i tyre në Zhvillimin Ekonomik të Kosovës”. (Hotel Sirius, ora 10:00)

- Universiteti ''Kadri Zeka'' në Gjilan në bashkëpunim me Oden e Avokatëve të Kosovës dhe aktivitetin e USAID-it Drejtësia Vlen, do të organizojë Orët për Ndihmë Juridike pa Pagesë, ku do të ofrohen shërbime juridike pa pagesë për qytetarët me nevojë. (Universiteti ''Kadri Zeka'', ora 10:00)

- Ministria e Punëve të Brendshme së bashku me Agjencinë e Kosovës për Forenzikë do të organizojë ceremoninë e pranimit të certifikatës së Ri-akreditimit të laborantëve. (Ambientet e Agjencisë së Kosovës për Forenzikë, ora 10:30)

- Anëtarët e Komisionit për Mbikëqyrje të Financave Publike, Avdullah Hoti dhe Driton Selmanaj nga Grupi Parlamentar i LDK-së mbajn konferencë për media. (Ndërtesa e Kuvendit, para sallës C301.  ora 10:30)

- Ministri i Inovacionit dhe Ndërmarrësisë, Besim Beqaj, do të mbajë konferencë për media. (Objekti i Ministrisë së Punëve të Jashtme, ora 11:00)

- Fushata për Zhvillimin e Qëndrueshëm Ekonomik në Kosovë bën shpalljen e finalistëve dhe fituesit të konkursit "Tregojeni mendjen tuaj afariste". (Shtëpia e Evropës, ora 11:00)

- Federata Sindikate e Telekomit të Kosovës mban konferencë për media lidhur me qendrimet rreth kontrates se Z-Mobile dhe hapave qe do të nderrmiren diteve në vijim. (Objekti Qendror i PTK-së në Dardani, ora 11:00)

- Mbahet seanca solemne me rastin e 20 Qershorit  Ditës së Çlirimit të Istogut. (Salla e Kuvendit Komunal, ora 11:00)

- Drejtori i Arsimit i Komunës së Gjilanit, Nazim Gagica mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Partia Socialdemokrate mban konferencë për media. (Zyrët qendrore në lagjen Arbëria, ora 11:30)

- Kryeministri Ramush Haradinaj pret në takim themeluesin e shoqatës bamirëse, “Jetimat e Ballkanit”, Halil Kastrati. (Ndërtesa e Qeverisë, ora 12:00)

- Me rastin e 20 Qershorit  Ditës së Çlirimit të Istogut bëhën homazhe dhe vendosje kurora lulesh tek Lapidari i Dëshmorëve në Istog. (Qendra e qytetit në Istog, ora 12:00)

- Mbahet ceremonia e përurimit të projektit të Adresave, ku do të marrin pjesë Kryetari i Komunës së Klinë, Prof. Dr. Zenun Elezaj, Ambasadori Norvegjez në Kosovë, Per Strand Sjaastad, zv. Ministri i Ministrisë së Mjedisit dhe Planifikimit Hapësinor, Gjergj Beka dhe Avni Ahmeti, Kryeshefi Ekzekutiv i Agjencisë Kadastrale  të Kosovës dhe qytetarë Klinas. (Oborri i Komunës së Klinës, ora 13:45)

- Ambasadori amerikan Philip Kosnett do të jetë prezent në përurimin e punëtorisë kreative të tipit “makerspace” në Komunën e Gjilanit, të financuar nga USAID-i. (Shkolla Xhavit Ahmeti në Gjilan, ora 14:15)

- Bëhet përurimi i qendrës së tretë të qëndrimit ditor për të moshuarit. (Lagjja Pejton, përballë Katedrales "Nëna Terezë", ora 15:00)

- Asociacioni i Gazetarëve të Kosovës do të mbajë tryezën e radhës me temën “Roli i medieve në raportimin e problemeve ndëretnike”. (Hotel Sirius, ora 16:30)

- Aksion për Nëna dhe Fëmijë do të bëj lansimin e Librit 'Ditari i Nënës' udhërrëfyesi për hapat e prindërimit, libër ky i shkruar nga Albiona Beselica Beha. (Libraria Dukagjini në sheshin Nënë Terezë, ora 17:00)

- Me rastin e 20 Qershorit  Ditës së Çlirimit të Istogut mbahet turniri në futboll të madh ku do të marrin pjesë ekipet nga komuna e Istogut, Klinës ,Deçanit dhe Pejës. (Fshati Banjë, ora 17:00)

- Kryeministri Ramush Haradinaj viziton komunitetin egjiptian në Fushë Kosovë, në kuadër të Javës së Egjiptianëve. (Amfiteatri përballë komunës së vjetër në Fushë Kosovë, ora 18:00)

- Me rastin e 20 Qershorit  Ditës së Çlirimit të Istogut mbahet programi festiv me këngë e valle. (Shtëpia e Kulturës në Istog, ora 18:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Tisa" nga Valter Lucaj dhe "Përtej Rrugës" nga Yll Çitaku. (Kino Armata, ora 20:00)