26 Janar 2021

Komuna e Mitrovicës nënshkruan marrëveshje me Down Sindrome Kosova

Mitrovicë, 17 dhjetor - Drejtori i Arsimit, Egzon Jashari, sot ka nënshkruar një marrëveshje bashkëpunimi me OJQ “Shoqatën Down Sindrome Kosova”, për implementimin e projektit “Fuqizimi i sistemeve mbështetëse drejt realizimit të të drejtave të personave me sindromën Down”.

Qëllimi i kësaj marrëveshje është furnizimi i shkollave me mjetet didaktike të cilat do të lehtësojnë procesin mësimor brenda klasës ku mësojnë fëmijë me nevoja të veçanta, me këtë rast për fëmijët me sindromën Down.

Pakoja didaktike përmban; librin “Një histori në 5 minuta”, “Një histori në 10 minuta”, “Një histori në 15 minuta”, “Aventurat tona të verës-1”, “Aventurat tona të verës-2”, Xhepi i shkronjave dhe rrokjeve, Ushtrime grafotomorike të planifikuara 3 lloje, postera, shkronjat e alfabetit, njësitë matëse, veprimet matematikore,format gjeometrike, stinët e vitit, tabela e shumëzimit.

Me këtë pako do të pajisen këto shkolla në Mitrovicë; SHFMU “Migjeni”, SHFMU “Gjergj Kastrioti Skënderbeu”, SHFMU “Jashar Begu”, SHFMU, “Trepça”, SHFMU “Elena Gjika”, SHFMU “Mehë Uka”, SHFMU “Eqrem Qabej”.

Me këtë rast drejtori i Arsimit, Egzon Jashari, theksoi se gjithëpërfshirja në arsim është në mesin e prioriteteve të Drejtorisë Komunale të Arsimit.

“Këta fëmijë gjithashtu janë fëmijët tanë, është obligim ynë që ti ofrojmë mundësitë e nevojshme, me qëllim që ata të ndihen të barabartë me moshatarët e tyre”, tha ndër të tjerash drejtori Jashari.



 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)