26 Nëntor 2020

Kinema "Jusuf Gërvalla" ndryshon pamjen vizuele

Pejë, 20 dhjetor - Kinema "Jusuf Gërvalla" ka ndryshuar pamjen vizuele. Në tre muajt e fundit, Anibar ka punuar bashkë me trembelat për të krijuar një identitet të ri vizuel për Kinema "Jusuf Gervalla".

Përmes identitetit të ri vizuel të Kinemasë ne në Anibar kemi dëshiruar të ndërthurim të kaluarën e lavdishme të Kinemasë me të tashmen aktiviste të një qendre kulturore.

Një qendër kulturore e ndërtuar me financimin e sindikatave të punëtorëve përgjatë viteteve të 50-ta, e ushqyer përmes mbështetjes së qytetarëve të Pejës deri në vitet e 90-ta, si dhe një simbol i angazhimit qytetar dhe aktivizmit në vitet e fundit.

Pra, Kinema "Jusuf Gërvalla" si vendtakim i vjetër, sot ka identitet të ri!

Kalendari

Ngjarjet e datës 26 Nëntor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave, Muhamet Malësiu dhe drejtorin e Autoritetit të Rajonit të Pellgjeve Lumore Gani Berisha, nga Ministria e Ekonomisë dhe Ambientit. (Ndërtesa e Kuvendit, salla N204, ora 12:00)

- Kryeministri i Republikës së Kosovës Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në përurimin e kompletit te veprave të prof. Anton Çettës. (Biblioteka Kombëtare e Kosovës, ora 12:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Kryetarin i Komunës së Deçanit, Bashkim Ramosaj. (Ndërtesa e Kuvendit, salla N204, ora 14:00) 

 

- Ministrja e Kulturës, Rinisë dhe Sportit Vlora Dumoshimerr pjesë në koncertin e Ansamblit “Shota”, kushtuar 70 vjetorit të formimit të Ansamblit të parë profesional të këngëve dhe valleve në Kosovë. (Teatri Kombëtar i Kosovës, ora 16:00)