24 Tetor 2018

Këshilli i Mediave prezanton Udhëzuesit për Mbrojtjen e Fëmijëve në Media

Prishtinë, 6 dhjetor - Këshilli i Mediave të Shkruara të Kosovës në bashkëpunim me Zyrën e UNICEF-it në Kosovë organizon konferencën me temë “Media dhe Fëmijët” si dhe bën prezantimin e Udhëzuesit për Mbrojtjen e Fëmijëve në Media.

 Në mars të vitit 2016, Këshilli i Mediave të Shkruara ka nisur një projekt bashkëpunimi me Zyrën e UNICEF-it në Kosovë.

Ky bashkëpunim ka për qëllim të adresojë çështjet që kanë të bëjnë me fëmijët në media në përgjithësi, nga raportimi për ta e deri te përdorimi i mediave nga ana e fëmijëve.  

 Duke e parë këtë çështje si shumë të rëndësishne, Këshilli i Mediave të Shkruara të Kosovës ka mbajtur një punëtori gjithëditore në kuadër të Shkollës së Etikës së Gazetarisë ku janë prekur një sërë çështjesh që kanë të bëjnë me fëmijët në media.

Me po këtë grup të studentëve pjesëmarrës është mbajtur edhe një punëtori njëditore për t’i aftësuar ata në lidhje me aspektet e raportimit për fëmijët dhe çështjet që lidhen me ta apo i prekin ata.  

 Këshilli i Mediave të Shkruara ka shfrytëzuar takimet e veta me gazetarët e rajonit për të prekur edhe këtë çështje shumë të rëndësishme sa i përket raportimit profesional të mediave.

Ky bashkëpunim ka paraparë edhe angazhimin e një eksperti për të përpiluar një udhëzues për raportimin lidhur me çështjet e mediave.  

 Për këtë qëllim Këshilli i Mediave të Shkruara ka angazhuar eksperten e ligjeve për media e cila ka përpiluar një udhëzues duke u bazuar në Kodin e Mediave të Shkruara të Kosovës, në legjislacionin vendor e ndërkombëtar që prek çështjet e mediave si dhe praktikat më të mira ndërkombëtare, me fokus të veçantë në praktikat e Këshillave të Mediave të Europës.

 Për të diskutuar për këtë çështje dhe për temat e tjera të ndërlidhura, Këshilli i Mediave ka ftuar znj. Flutura Kusari, autore e udhëzuesit, Pieter Knapen nga Këshilli Mediave i Belgjikës, znj. Naile Krasniqi nga Komisioni i Pavarur për Media, dhe Arben Salihu nga Asociacioni i Gazetarëve i Kosovës.

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)