14 Dhjetor 2018

IPKO krijon një vend atraktiv për të rinjtë në Bibliotekën Kombëtare

Prishtinë, 11 janar - Në kuadër të platformës më të madhe për të rinjtë Hej!, IPKO ka investuar në Bibliotekën Kombëtare të Kosovës “Pjetër Bogdani”, duke krijuar një hapësirë relaksuese. Studentëve të Universitetit të Prishtinës, tashmë u ofrohet një hapësirë brenda bibliotekës, ku në të njëjtën kohë mund të përdorin internet pa pagesë, kolltukë të rehatshëm, kabinë për të mbushur bateritë e telefonave të tyre të mençur, libra etj.

“Kosova është vendi me numrin më të madh të të rinjve në Evropë, prandaj IPKO është e përkushtuar që të ndihmojë komunitetin e të rinjve në forma të ndryshme."

"Shpresoj që ky investim i IPKO në këtë hapësirë të Bibliotekës Kombëtare do t’ua lehtësojë të rinjve rrugëtimin e tyre drejt arritjeve akademike” ka thënë Robert Erzin, drejtor i kompanisë IPKO, pronë e së cilës është platforma Hej!.

Hej sipas tij ka arritur që brenda një periudhe të shkurtër kohore të bëhet komuniteti më i madh i të rinjve në Kosovë, me afro 150 mijë anëtarë.

"Përgjatë këtyre gjashtë viteve, përveç mundësisë për komunikim të vazhdueshëm, Hej! të gjithë anëtarët e saj i ka shpërblyer me mijëra telefona të mençur mobil, ka organizuar dhjetëra ngjarje për të rinjtë në pothuajse çdo qytet të Kosovës, ka organizuar udhëtime dhe aktivitete të shumta kreative dhe sportive, si dhe u ka mundësuar të rinjve të marrin pjesë në festivale dhe ngjarje të mëdha kulturore, sportive dhe edukative", ka theksuar Erzin.

Pakrahasueshëm, Hej! është komuniteti më i madh i të rinjve në Kosovë, me çmimet më të ulëta në treg dhe njëra ndër platformat e vetme e cila ekskluzivisht mbështet të rinjtë.   
 

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)