19 Mars 2024

Ilir Shaqiri boton poemën “Adem Jashari”

Prishtinë, 20 shkurt - Lidhja e Shkrimtarëve e Kosovës (LSHK), sapo e ka botuar poemën “Adem Jashari”, nga këngëtari dhe poeti i mirënjohur shqiptar, Ilir Shaqiri, e cila vije për lexuesin shqiptar në vigjilje të 20-vjetorit të Epopesë së Jasharajve të Prekazit.

Artisti Shaqiri i është rikthyer Kryeheroit të Kosovës - jo si rëndom përmes muzikës, por kësaj radhe përmes letërsisë, duke e shndërruar heroin e real-historik në hero letrar.

Poema e Ilir Shaqirit “Adem Jashari” është nga të rrallat (në mos e vetmja gjerë më tani) që trajton temën e heroit nacional të Kosovës në letërsi dhe e njëjta provon të jetë një vazhdimësi e traditës së eposit heroik në letërsi që e krijuan autorët e traditës, si: De Rada, Naimi, Noli, Fisha etj.

Poema ka 28 pjesë, apo këngë, të shkruara me disa lloje vargjesh duke filluar nga tetërrokëshi. 

Ka disa vite që kur  Ilair Shaqiri i është rikthyer pasionit të tij të hershëm për letërsinë, ndërsa ka botuar dy romane “Tan Temali” dhe “Lemza e dheut”, ndërkaq ka botuar po ashtu edhe një libër me studime nga fusha folkloristikës dhe estetikës me titull “Estetika dhe semiotika në krijimtarinë e nënës”.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)