27 Shtator 2020

“Hyjnesha n’libër” përmbyllët me hapjen e 12 minibibliotekave

Prishtinë, 26 dhjetor - Organizata jo qeveritare ETEA organizon sot ngjarjen përmbyllëse te fundvitit “Hyjnesha n’libër” e cila i dedikohet minibibliotekave.

Në këtë ngjarje diskutohet rreth 12 minibibliotekave të lagjeve të Prishtinës dhe planeve e mundësive për bashkëpunim në zgjerimin e projektit gjatë vitit 2020 në lagjet dhe qytetet tjera të Kosovës, me fokus në 6 qendrat e tjera rajonale, si: Prizreni, Gjakova, Mitrovica, Peja, Ferizaji dhe Gjilani.

Këtë jave janë hapur 5 minibiblioteka të reja dhe si përfundim 12 lagje të kryeqytetit po bëhen me kënde libri. Lagjet si "Qafa", "Arbëria",  "Taukbashqja", "Parku i Qytetit" dhe Sheshi “Ibrahim Rugova” nga kjo javë gëzojnë minibibliotekat e tyre.

Po ashtu është bër edhe rihapja e minibibliotekave të "Bregut të Diellit" dhe "Lagjes së Spitalit" në lokacionet e reja. 

Krejt kjo punë e mirë, filluar nga muaji gusht 2019, po përmbyllet me ngjarjen e fundvitit “Hyjnesha n’libër” që organizohet sot në ambientet e Librarisë Dukagjini.

Projekti “Minibibliotekat e lagjeve” u mundësua nga organizata ETEA dhe Kuvendi Rinor i Prishtinës, në bashkëpunim me Librarinë Dukagjini dhe Komunën e Prishtinës, përkrahur nga Forumi për Iniciativa Qytetare me burim financiar nga Zyra e BE-së në Kosovë.

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)