25 Nëntor 2020

Fillon edicioni i 20 –të i “Javëve të Frankofonisë në Kosovë"

Prishtinë, 5 mars - Ambasada e Francës në Kosovë do të prezantoj, edicionin e 20-të programit të Javëve të Frankofonisë në Kosovë.

Këtë vit, Organizata Ndërkombëtare e Frankofonisë feston 50 vjetorin e saj. Javët e Frankofonisë 2020 zhvillohen nga 5 deri më 31 Mars në Prishtinë dhe në tri qytete të tjera të Kosovës, Pejë, Prizren dhe Mitrovicë.

 Ngjarjet e planifikuara për këtë rast organizohen në partneritet me Ministrinë e Punëve të Jashtme, Ministrinë e Kulturës, Rinisë dhe Sporteve të Kosovës, ambasadat dhe misionet diplomatike të Belgjikës, Kanadasë,Hungarisë, Luksemburgut,  Republikës Çeke, Zvicrës, si dhe Aleanca Franceze e Prishtinës, Qendra Universitare Frankofone e Prishtinës dhe Shkolla Ndërkombëtare Franceze e Prishtinës.

 Këto aktivitete janë realizuar në bashkëpunim me Organizatën Ndërkombëtare të Frankofonisë, Agjensinë Universitaire të Frankofonisë,  Instituti Francez Paris,  dhe falë mbështetjes së sponsorëve (Banque TEB, Interex, Swiss Diamond Hotel).
 
Konferenca për medie do të mbahet sot në Ministrinë e Punëve të Jashtme të Kosovës. 

Për shpalosjen e programit dhe rëndësin e Frankofonisë në Kosovë do ju flasë Ambasadorja e Francës në Kosovë Znj.  Marie-Christine Butel, përfaqësues nga Ministria e Punëve të Jashtme, Ministria e Kulturës, Rinisë dhe Sportit të Kosovës, si dhe përfaqësues nga Ambasadat e Zvicrës, Belgjikës dhe Luksemburgut.
 
Ndërsa ceremonia e hapjes  do të mbahet po të enjten me 5 mars në ora 20:00 në Amfiteatrin e Bibliotekës Qëndrore Universitare, me koncertin nga Erza Muqolit nga Franca, dhe Korin Siparantum nën drejtimin e Memli Kelmendit.
 
Gjatë muajit mars, Javët e Frankofonisë do të jenë të pasura me një shumëllojshmëri të gjerë të ngjarjeve: koncerte, konferanca, filma, ekspozita, letërsi, rini, gastronomi, punëtori, filma të metrazhit të gjatë, dhe të shkurtë.

Në focus do të jenë artistë e poetë si Arta Dobroshi, Sophie Guyot, Julie Dénès, Anna Anderegg, dhe Bernard Cerquiglini, ndërsa në kuadër të javës së shijes franceze  “Goût de France/ Good France” do të na nderoj profesori  i gastronomisë franceze  Chef Christophe. 

Kalendari

Ngjarjet e datës 25 Nëntor 2020 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit njofton me ftesën e Gjykatës Kushtetuese adresuar Kryetarit të Komisionit për Legjislacion, etj. (Ndërtesa e Kuvendit, salla N303, ora 9:00)

- Hapet edicioni i pestë të Panairit Nacional të Punës dhe të Karrierës, i cili për herë të parë do të organizohet online. (Përmes platformës virtuale: virtual.kosovafair.com, ora 9:00)

- Kryeministri Avdullah Hoti merr pjesë në shënimin e 25 Nëntorit - Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 10:00)

-  Komisioni për Buxhet dhe Transfere shqyrton raportet vjetore financiar të Operatorit të Sistemit, Transmisionit dhe Tregut, Zyrës Rregullative për Energji dhe Autoritetit Rregullativ për Komunikimeve Elektronike dhe Postare. (Ndërtesa e Kuvendit, salla C203, ora 10:00)

- Ministria e Arsimit dhe Shkencës në bashkëpunim me Agjencinë Austriake për Zhvillim, nën përkujdesje të Ambasadorit Austriak, Christoph Weidinger dhe Ministrit Ramë Likaj, do të bëjë lansimin zyrtar të Projektit “Heras Plus”. (https://zoom.us/j/91960516678?pwd=cFRXZXVodTR1Q1ZnQVNIaWtwWTd2QT09, - Meeting ID: 919 6051 6678 dhe Passcode: 167271, ora 10:00)

- Drejtësia Sot, platformë e Grupit për Studime Juridike dhe Politike organizon konferencën për media me temë “Si dështuan institucionet në trajtimin e rasteve të mosdeklarimit dhe deklarimit të rrejshëm të pasurisë”. (Hotel Sirius, ora 10:00)

- Sindikata e Pavarur e Sektorit Privat të Kosovës mbanë konferencë për shtyp, me qëllim të informimit për keqpërdorimin e punëtorëve në sektorin privat nga pronarët e kompanive dhe vet shteti. (Zyret e kësaj sindikate në objektin Ish Gërmia, ora 11:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport interviston kandidatët për Anëtarë të Këshillit të Kosovës për Trashëgimi Kulturore. (Ndërtesa e Kuvendit, salla N10, ora 11:00)

- Komuna e Prizrenit organizon debat publik me temën “Gjendja e përgjithshme e komuniteteve jo shumicë në Komunën e Prizrenit dhe bashkëpunimi”. (Shtëpia e Kulturës “Xhemajli Berisha”, ora 11:00)

- Instituti i Prishtinës për Studime Politike organizon diskutimin “Reforma për Racionalizimin e Agjencive: Faza e Dytë”. (https://us02web.zoom.us/j/89564823471?pwd=VmcwY2J5TVpWZWhZUGl2SVIrTFJ5QT09 - Meeting ID: 895 6482 3471 dhe Passcode: 192988, ora 11:00)

- Shënohet 76 vjetori i themelimit të Bibliotekës Kombëtare të Kosovës dhe në hapësirat e Bibliotekës do të hapen dy ekspozita për nder dhe kujtim të profesor Anton Çettës, ku do të merr pjesë edhe Ministrja e Kulturës, Rinisë dhe Sportit, Vlora Dumoshi. (Biblioteka Kombëtare, ora 12:00)

- Zëvendëskryeministrja e Kosovës, Albulena Balaj- Halimaj pret në takim zëvendëskryeministrin e parë të Maqedonisë së Veriut, Artan Grubi. (Ndërtesa e Qeverisë, ora 12:00)

- Hapet ekspozita “Anton Çetta : 100-Vjetori i lindjes” me libra dhe artikuj të/për Anton Çettën në koleksionet e BKK-së si dhe ekspozita e fotografisë: “Anton Çetta: 30-Vjetori i pajtimit të gjaqeve” ku do të paraqiten fotografi të publikuara për herë të parë. ((Biblioteka Kombëtare, ora 12:40)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve dhe diskuton planin e punës për periudhën e mbetur. (Ndërtesa e Kuvendit, salla N303, ora 13:00)

- Qendra për Informim, Kritikë dhe Aksion organizon konferencë për media në të cilën do të publikohet analiza për rastin e Suzana Zogëjani Sekiraqa, e cila është shpallur fajtore për vrasje të rëndë të bashkëshortit të saj dhe është dënuar me 25 vjet burgim. (Zyret e organizatës QIKA, në rrugën Hajdar Dushi, C2, Hy2/6, Prishtinë, ora 13:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e drejtorit te prokurimit në SHSKUK-së, Selami Krasniqi. (Ndërtesa e Kuvendit, salla N302, ora 14:00)

- Kryeministri Avdullah Hoti i shoqëruar nga përfaqesues të Aleancës Kosovare e Bizneseve  viziton fabrikën Silcapor në Kaçanik ku do të përcjell eksportin e një kontigjenti të prodhimeve vendore në katër shtete regjionale e që kjo është edhe promovim i prodhimeve Made in Kosova në Ballkanin Perendimor. (Fabrika Silcapor, Kaçanik, ora 14:30)
 
- Kryeministri Avdullah Hoti merr pjesë në ceremoninë e ndriçimit të Ndërtesës së Qeverisë me ngjyrë portokalli, pjesë e aktiviteteve të Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 17:30)