11 Dhjetor 2018

Elvana Shala ri-emërohet Ambasadore e Vullnetit te Mirë për Kosovën

Prishtinë, 13 shkurt - Në prag të shënimit të 10 vjetorit të Pavaresisë së Kosoves Komisioni Ndërkombetar i të Drejtave të Njeriut pjesë e Organizatës së Kombeve të Bashkuara në mbledhjen e Këshillit Suprem të tyre të datës 29 Janar 2018 në Londër, ka vendosur të më ri-emëroj edhe për një mandat të dytë, Elvana Shala si Ambasadore e Vullnetit te Mirë për Kosovën në këtë komision në mesin e 5 Ambasadoreve të vetme në botë të cilëve u është vazhduar ky mision.

Vendimi ka ardhur pas vlersimit të suksesshëm të punës sime 4 vjecare në përfaqësimin e Kosovës në arenën ndërkombëtare si New York, Gjenevë, Dubai, Londer, Texas, Pragë, Turqi etj. dhe iniciativave të ndryshme humanitare dhe sociale të zhvilluara dhe të mbështetura në Kosovë dhe jashtë saj.

"Me këtë vendim, të aprovuar nga Sekretari i Përgjithshëm i IHRC-së, vazhdoj të mbajë misionin e Ambasadores së Vullnetit të Mirë për Kosovën në IHRC deri në vitin 2022. Dokumenti zyrtar (tashmë i pranuar përmes emailit) do ti dorëzohet Ministrisë së Punëve të Jashtme të Kosovës ditëve në vazhdim, meqense vizita ime zyrtare në Londër për të pranuar solemnisht vendimin pak ditë më parë u anulua për shkak të vdekjes së papritur të një antëtari të familjes".

"Dua ti falenderoj pafundësisht të gjitha institucionet e Kosovës, Ambasadat tona që veprojnë në botë, Ambasadat e huaja në Kosovë, organizatat joqeveritare mediat dhe të gjithë qytetarët e vendit për bashkëpunimin e vazhdueshëm për arritjen e këtij suksesi."

"Do të vazhdoj të jem zëri Kosovës në cdo cep të botës ku do të kem mundësi, dhe do vazhdoj të jem mbështetje e fortë për të gjithë njerëzit në nevojë e vecanërisht kategoritë e margjinalizuara duke punuar në vazhdimësi kundër diskriminimit të tyre", ka deklaruar Shala. 

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)