02 Mars 2021

Edhe një aktivitet i ri që sfidon monotoninë e izolimit në shtëpi

Prishtinë, 27 prill - Për të pasionuarit pas artit të të shkruarit, Komuna e Prishtinës në bashkëpunim me librarinë Dukagjini dhe organizatën ETEA së fundi hapën thirrjen publike “Shkruaji Prishtinës”.

"Është kohë pandemie dhe si rrjedhojë natyrshëm që të gjithë jemi izoluar apo kemi reduktuar maksimalisht të dalurat jashtë ambienteve shtepiake. Kanë kaluar mbi 30 ditë në këtë gjendje dhe monotonia është e pa diskutueshme", thekson organizata ETEA.

Gjithsesi, secili në mënyrën e vet po mundohet ta përmbushë kohën në mënyrë produktive përmes krijimtarive apo edhe përfitimit nga dobitë që sjellin këto të fundit, sidomos krijimtaritë artistike.

Një mundësi e tillë po ofrohet nga Komuna e Prishtines, libraria Dukagjini dhe organizata ETEA pëmes thirrjes për krijimtari letrare dedikuar kryeqytetit të Kosovës, Prishtinës. Këtij aktiviteti që, në fund do të kurorëzohet më botimin e një libri, mund t’i bashkohen të gjithë ata që shkruajnë apo kanë dëshirë ta sfidojnë vetën në këtë fushë.

Me anë të poezive apo tregimeve, të interesuarit mund t`i shprehin ngjarjet, përjetimet, dashurinë apo kujtimet që në një a tjetër mënyrë i lidhin me Prishtinën.

Në thirrjen e publikuar kërkohet që aplikuesit t’iu përmbahen disa kritereve. Të tilla janë: përcaktimi për njërin nga zhanret letrare si poezi apo tregim; poezitë të mos jenë më të gjata se 1,000 karaktere ndërsa tregimet deri në 2,200 sosh; dialekti sipas vullnetit individual; dhe, në fund shkrimet të dërgohen në adresën elektronike të organizatës ETEA më së largu deri më datë 02 maj 2020.

Tekstet e dërguara, fillimisht do të dizajnohen dhe do të publikohen çdo ditë, që nga data 27 prill, në grupin e rrjeteve sociale ‘#rriNshpi me neve’ dhe 3 autorët - shkrimet e të cilëve marrin më shumë pëlqime - do të përfitojnë libra nga libraria Dukagjini.

Pas normalizimit të situatës aktuale, organizatorët planifikojnë të botojnë librin me dyzet (40) shkrimet më të mira i cili do të promovohet në një ngjarje publike të organizuar enkas për këtë qëllim.

Iniciativa ka lindur si pjesë e shumë aktiviteteve kulturore që Komuna e Prishtinës është duke organizuar gjatë kësaj kohe të pandemisë në mënyrë që këto ditë izolimi të kalohen më lehtë dhe me më shumë produktivitet.

Po ashtu, veprimtaritë e tilla u ofrojnë mundësi personave të ndryshëm që talenteve dhe aftësive të tyre t’iu japin një shtysë të madhe, e cila, pse jo, mund të jetë pikënisje e karrierës së tyre.

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)