30 Shtator 2020

Arba Hatashi emerohet drejtoreshe e festivalit Anibar

Prishtinë, 27 dhjetor - Anibar në vitin e dhjetë të organizatës zyrtarisht ka emëruar si drejtoreshë të festivalit Arba Hatashin, pozitë kjo që më heret është mbajtur nga Vullnet Sanaja, i cili do të vazhdojë të jetë drejtor ekzekutiv i organizatës Anibar.

Ndërsa edhe Petrit Gora do të vazhdojë të jetë drejtor artistik. Arba Hatashi ka ushtruar detyrën e drejtoreshës së festivalit nga Tetori i vitit 2019.

Arba ka gjashtë vite që është angazhuar aktivisht në organizimin e festivalit Anibar, festivalin e vetëm ndërkombëtar të filmit të animuar në vend. Për po kaq kohë ajo ishte e përkushtuar në transformimin e kinemasë së vetme në Pejë – Kinema “Jusuf Gërvalla” – në një hapësirë kulturore multifunksionale.

Arba gjatë këtyre viteve ka qenë e angazhuar në festival në role të ndryshme, përfshirë këtu koordinimin e programit, titrimin dhe përkthimin e filmave, menaxhimin e ngjarjeve, komunikimin me media dhe partnerë.

Ajo gjithashtu ka përfunduar studimet për Menaxhimin e Sistemeve të Informacionit në Prishtinë.

Në nivel të organizatës ajo e ka mbajtur pozitën e koordinatorës së Akademisë së Animacionit Anibar.

Emërimi i saj si drejtoreshë e festivalit vjen në një kohë kur organizata është duke u zhvilluar edhe me tutje si një faktor i rëndësishëm për zhvillimin e kulturës në qytetin e Pejës dhe për këtë arsye, organizata ka vlerësuar se Arba duhet të marrë rolin drejtues për zhvillimin e mëtutjeshëm të festivalit teksa po futemi në një etapë të re.

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)