17 Shkurt 2019

Ansambli “Mati” nga Burreli shfaq programin artistik në “Flakën e Janarit”

Gjilan, 29 janar - Manifestimi kulturor mbarëkombëtar  “Flaka e Janarit 2018”, po e vazhdon rrugëtimin me sukses, ndërsa aktiviteti i radhës mbrëmë ka qenë koncerti i shfaqur nga Ansambli “Mati”, që vie nga Burreli i Shqipërisë, që me këngë, valle e melodi instrumentale, ngrohu zemrat e publikut të pranishëm, i disponuar për gjithë kohën sa zgjati programi artistik i trupës së këtij Ansambli.

Ky aktivitet erdhi për publikun gjilanas si bashkëpunim i Komunës së Gjilanit, Ambasadës së Shqipërisë në Kosovë dhe Bashkisë Mat.

Koncertin që u mbajt në shkollën “Don Bosko”, e kanë përcjellur kreu i Komunës së Gjilanit, Lutfi Haziri, ambasadori i Shqipërisë, Qemal Minxhozi, deputetja Valentina Bunjaku- Rexhepi e  personalitete tjera.

Kryetari i Komunës së Gjilanit, Lutfi Haziri, ka falënderuar ansamblin e Matit për programin e tyre të dhënë në kuadër të “Flakës së Janarit”, ambasadorin Minxhozi,  për angazhimin e tij, duke thënë se ai është miku më i madh i Gjilanit dhe në të ardhmen do të ketë aktivitete të përbashkëta  në kuadër të “Flakës…”.

“Ky koncert, por edhe aktivitetet tjera të “Flakës...” le të shërbejnë si homazh për të gjithë  të rënët në luftën e gjatë për lirinë e shqiptarëve. “Flaka e Janarit” do të zgjerohet akoma dhe do të bëjë dritë për çdo pjesë të vendit”, ka thënë kryetari Lutfi Haziri.

E, ambasadori Qemal Minxhozi ka falënderuar kryetarin Haziri dhe ka vlerësuar lartë edhe performancën e Ansamblit “Mati”, duke shtuar se po ndihet edhe më i emocionuar, për faktin që edhe vet ai vije pikërisht nga kjo pjesë e Shqipërisë.

Ambasadori shqiptar, artistët e këtij ansambli i quajti legjenda të gjalla, që sonte shfaqën një pjesë të repertorit, një pjesë të shpirtit të tyre dhe sipas tij, ata janë gurra e pashtershme matjane dhe se ky ansambël është përçues i muzës popullore matjane.

Nga ana e saj, Linditë Doda, duke vlerësuar mikpritjen, tha se po i sjellë përshëndetjet nga Mati apo “Lugina e mbretërve”, siç njihet andej.

Kurse deputetja e Kuvendit të Kosovës, Valentina Bunjaku – Rexhepi, ka vlerësuar lartë këtë koncert të kësaj trupe, duke thënë se erdhi më i veçantë se aktivitetet tjera dhe se pikërisht një aktivitet i tillë ka vendin e vet të merituar në një manifestim siç është “Flaka e Janarit”.

Përndryshe, Manifestimi “Flaka e Janarit 2018” do të vazhdojë tutje me Orën e Madhe Letrare më 31 janar, ora 16:00 dhe për të kulmuar me Festivalin e Muzikës Shqipe “Fest Flaka”, në ora 17:30.

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)