27 Maj 2020

Ambasadorja e Vullnetit të Mirë, folëse kryesore në Samitin Botëror Rinor

Prishtinë, 26 prill - Ambasadorja e Vullnetit të Mirë për Kosoven në IHRC ka udhëtuar sot për në Qipron Veriore ku është ftuar si folëse kryesore në edicionin e parë të  Samitit Botëror Rinor që zhvillon punimet në qytetin e Kyrenia-s.

Fjalimi i Ambasadores Shala në këtë samit do të ketë në fokus historinë e rinisë kosovare, të kaluarën dhe të tashmën - sfidat në arsimim dhe barazinë gjinore.

Ndër të tjera në këtë samit do të diskutohet edhe mbi arsimimin me përgjegjësi gjinore për një zhvillim të qëndrueshëm.

Edicioni i parë i Samitit Botëror Rinor ka mbledhur rreth 60 shtete të ndryshme botërore me rreth 200 pjesëmarrës të cilët do të diskutojnë mbi temat e përcaktuara.

Pjesë e këtij samiti si folës do të jetë edhe Guvernatori i Kyrenia-s, Ministri i Kulturës dhe Sportit të Liberisë, dhe diplomat të tjerë ndërkombëtar.

Përvec fjalimit kryesor, Ambasadorja Shala në këtë samit do të prezantoj edhe një nga veshjet tona kombëtare me kërkesë të organizatorëve, për tu njohur më shumë edhe me një pjesë të kulturës së vendit tonë.

Samiti nisë punimet sonte, ndërsa fjalimi i Ambasadores Shala do jetë nesër, dhe do të publikohet në faqen zyrtare të saj ne facebook.

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)